AKS

كْنتِ تِقٍ 34

عِسِرَيِلَ بْشِ نَانِنيِيٍ

1عَلَتَلَ نَشَ عَ مَسٍن مُنسَ بّ، 2«عَ مَسٍن عِسِرَيِلَكَيٍ بّ، ‹وٌ نَ سِفَ كَنَان بْشِ مَ، ﭑ نَشَن قِشِ وٌ مَ كّ رَ، عَ نَانِنيِيٍ نَن يِ كِ؛ 3يِرٍقَنيِ مَبِرِ، وٌ شَ بْشِ نَانِنيِ سَ قْلْمَ سِنِ فبٍنفبٍرٍنيِ نَن مَ، عٍدٌن بْشِ مَبِرِ. نَ نَانِنيِ سَ قْلْمَ قْشْي بَا نَن مَ سٌفٍتٍدٍ مَبِرِ، 4عَ سَ عَ كْنكْرْن تَلِ تٍدٍ يِرٍقَنيِ مَبِرِ، عَ عَ شُن سَ سِنِ، عَ دَنفِ كَدٍ سِ بَرِنٍيَ يِرٍقَنيِ مَبِرِ، عَ سِفَ شَسَرِ عَدَرِ مَبِرِ، عَ سَ عَسِمٌن لِ. 5عَ سَ كٍلِ عَسِمٌن، عَ عَ كْنكْرْن هَن مِسِرَ دَبٌنيِ كُي، عَ قَ سَ مِنِ بَا شُنفبٍ مَ.›»

6«عَ سٌفٍفٌرٌدٍ نَانِنيِ قِندِ مَ بَا شُنفبٍ نَن نَ.»

7«عَ كْولَ نَانِنيِ سَ قْلْمَ بَا شُنفبٍ نَن مَ، هَن عَ قَ دْشْ هٌرٌ فٍيَ رَ. 8كٍلِقٍ رَ هٌرٌ فٍيَ مَ، وٌ شَ نَانِنيِ سِفَمَ نَ كِ نّ هَن شَمَتَ سٌدٍ دّ رَ، عَ سَ دْشْ سٍدَدٍ رَ. 9عَ نَ كٍلِ مّننِ، عَ سِفَمَ سِقِرٌن مَبِرِ نّ هَن عَ سَ مِنِ شَسَرِ عٍنَن مَ. وٌ شَ بْشِ نَانِنيِ نَن نَ كِ كْولَ مَبِرِ.»

10«عَ سٌفٍتٍدٍ، وٌ شَ نَانِنيِ سَ كٍلِمَ شَسَرِ عٍنَن نَن مَ، عَ سِفَ هَن سٍيقَمِ. 11عَ كٍلِ مّننِ، عَ سِفَ رِبِلَ، عَيِن سٌفٍتٍدٍ بِرِ، عَ مَن سِفَ، عَ سَ دِن تٍنتٍنيِيٍ رَ كِنٍرٍتِ بَا سٌفٍتٍدٍ بِرِ رَ، 12عَ سَ مِنِ يُرُدّن شُرٍ مَ، عَ قَ سَ عَ رَحْن قْشْي بَا مَ. وٌ شَ بْشِ نَانِنيِيٍ نَن نَ كِ.»

13مُنسَ نَشَ نَ يَامَرِ رَدَنفِ عِسِرَيِلَكَيٍ مَ، عَ قَلَقٍ رَ، «بْشِ نَن يِ كِ، نَشَن عِتَشُنمَ عِسِرَيِلَ بْنسْي سٌلٌمَنَانِ نُن عَ تَفِ مَ، عَلْ عَلَتَلَ عَ رَفِرِشِ كَنكَن مَ كِ نَشّ. 14رُبٍن بْنسْي، فَدِ بْنسْي، نُن مَنَسِ بْنسْي سّيتِ بَرَ عٍ فبٍ كّ سْتْ عٍ دٍنبَيَ كِ مَ، 15يُرُدّن نَاكِرِ مَ، يٍرِكٌ يَ تَفِ سٌفٍتٍدٍ بِرِ رَ.»

16عَلَتَلَ نَشَ عَ مَسٍن مُنسَ بّ، 17«عٍلٍيَسَرِ سّرّشّدُبّ نُن نُنُ شَ دِ شّمّ يٌسُوٍ نَن يِ بْشِ عِتَشُنمَ. 18وٌ شَ يَرٍرَتِ كٍرٍن كٍرٍن سُفَندِ بْنسْي بِرِن كُي، نَشٍيٍ لَنمَ يِ بْشِ عِتَشُنيِ.

19عٍ شِلِيٍ نَن يِ كِ؛

يُدَ بْنسْي، يٍقُنٍ شَ دِ شّمّ كَلٍبِ.

20سِمٍيْن بْنسْي، عَمِشُدِ شَ دِ شّمّ سٍمُوٍلِ.

21بُنيَمِن بْنسْي، كِسِلٌن شَ دِ شّمّ عٍلِدَدَ

22دَنَ بْنسْي، يٌفٌلِ شَ دِ شّمّ بُوكِ.

23يُسُقُ شَ دِ مَنَسِ بْنسْي، عٍقٌدٌ شَ دِ شّمّ شَنِيّلِ.

24عٍقِرَ مِ بْنسْي، سِقِتَن شَ دِ شّمّ كٍمُوٍلِ.

25سَبُلٌن بْنسْي، ثَرَنَكِ شَ دِ شّمّ عٍلِسَقَن.

26عِسَكَرِ بْنسْي، عَسَنَ شَ دِ شّمّ ثَلَتِيّلِ.

27عَسٍرِ بْنسْي، سٍلٌمِ شَ دِ شّمّ عَشِهُدِ.

28نَقَتَلِ بْنسْي، عَمِشُدِ شَ دِ شّمّ ثٍدَهٍلِ.»

29عَلَتَلَ نٍيٍ نَن سُفَندِ كَنَان بْشِ عِتَشُنقٍ رَ عِسِرَيِلَكَيٍ مَ.