عَلَتَلَ فبٌ كُيٍيٍ بّ
عَلَ مَتْشْي
1مَتْشْي مُ لَنمَ مُشُ تَن بّ،
مَتْشْي لَنمَ عَلَتَلَ نَن بّ،
عَ شَ هِننّ نُن دُفُتّفّحَ شَ قٍ رَ.
2مُنقٍ رَ حَمَنّيٍ عَ قَلَمَ،
«عٍ شَ عَلَ نَ مِندٍن؟»
3مُشُ مَرِفِ عَلَ نَ كٌورٍ مَ،
عَ عَ وَشْنقٍ بِرِن نَبَمَ.
4كْنْ عٍ شَ كُيٍيٍ يَءِلَنشِ شّيمَ نُن فبٍتِ نَن نَ،
عٍ يّتّ بّلّشّيٍ سَابُي رَ.
5دّ نَ عٍ بّ، كْنْ عٍ مُ وْيّنمَ،
يَ نَ عٍ بّ، كْنْ عٍ مُ سٍ تٌمَ،
6تُلِ نَ عٍ بّ، كْنْ عٍ مُ شُي مّمَ،
حْي نَ عٍ بّ، كْنْ عٍ مُ سٍ شِرِ مّمَ.
7بّلّشّ نَ عٍ بّ، كْنْ عٍ مُ سٍ مَسُشُمَ،
سَنيِ نَ عٍ بّ، كْنْ عٍ مُ عٍ حّرّ مَ.
شُي يٌ مُ مِنِمَ عٍ كْن نَ!
8عٍ يَءِلَنمَيٍ قَمَ نّ لُدٍ عَلْ عٍ تَن.
مِشِ نَشٍيٍ عٍ شَشِلِ تِمَ عٍ رَ عٍ قِندِ مَ سّنبّتَرٍيٍ نَن نَ.
9عِسِرَيِلَ بْنسْي، عِ شَشِلِ تِ عَلَتَلَ رَ،
نَشَن قِندِ عِ شَ دّ مّرِ نُن عِ كَنتَمَ رَ.
10هَرُنَ بْنسْي، عِ شَشِلِ تِ عَلَتَلَ رَ،
نَشَن قِندِ عِ شَ دّ مّرِ نُن عِ كَنتَمَ رَ.
11وٌ تَن نَشٍيٍ قِندِشِ عَلَ يَرَفَاشُييٍ رَ،
وٌ وٌ شَشِلِ تِ عَلَتَلَ رَ،
نَشَن قِندِ عِ شَ دّ مّرِ نُن عِ كَنتَمَ رَ.
12مَرِفِ عَ حْشْ سَشِ وٌن شْن مَ.
عَ وٌن بَرَكَمَ نّ.
عِسِرَيِلَ بْنسْي يٌ، هَرُنَ بْنسْي يٌ،
13نُن عَلَ يَرَفَاشُييٍ بِرِن يٌ،
عٍ بَرَكّ سْتْمَ نّ.
14عَلَتَلَ شَ وٌ تَن نُن وٌ شَ دِيٍ يِرِوَ.
15عَلَتَلَ نَشَن كٌورٍ نُن بْشِ دَا،
عَ شَ بَرَكّ قِ وٌ مَ.
16عَلَتَلَ نَن فبٍ كٌورٍ رَ،
كْنْ عَ نَشَ دُنِحَ تَن قِ عَدَ مَدِيٍ مَ.
17مِشِ قَشَشِيٍ شَ مُ عَلَتَلَ مَتْشْمَ،
مِشِ نَشٍيٍ سِفَمَ عَلِفِيَمَ عٍ مُ نْمَ مَتْشْي رَبَدٍ،
18كْنْ وٌن تَن نَشٍيٍ نَ دُنِحَ،
عَ لَنمَ وٌن شَ تَنتُي رَ سِفَ عَلَتَلَ مَ،
قْلْ يِ تّمُي مَ هَن دَن مُ نَشَن مَ.
وٌ عَلَتَلَ مَتْشْ!