سّرّشّدُبّ سٌسٍيٍ
1عٍ نَشَ سٌسٍ سّنِيّنشِيٍ دّفّ هَرُنَ نُن سّرّشّدُبّيٍ بّ نَشٍيٍ وَلِمَ هْرْ مْلِنفِرَ كُي. نَ سٌسٍ يَءِلَنشِ فّسّ فّرّ دَاشِ، بُلُ دَاشِ، عَ فبٍيلِ، نُن سُوَ دُفِ رَ، عَلْ عَلَتَلَ عَ يَمَرِ مُنسَ بّ كِ نَشّ.
2عٍ دٌنمَ كُيٍ يَءِلَن نّ شّيمَ فّسّ رَ، فّسّ فّرّ دَاشِ، بُلُ دَاشِ، عَ فبٍيلِ، نُن سُوَ دُفِ رَ. 3عٍ نَشَ شّيمَ كٍبٍلَ عِتَلَ، عٍ عَ عِشَبَ عٍ عَ يَءِلَن وَيَ رَ. عٍ نَشَ فّسّ فّرّ دَاشِ، بُلُ دَاشِ، عَ فبٍيلِ، نُن سُوَ دُفِ مَسْشْ نَ وَيَ رَ. عَ قِندِ وَلِ تٌقَنيِ نَن نَ. 4عٍ نَشَ تُنكِ رَشُنمَسٍ قِرِن يَءِلَن نَشٍيٍ شِرِ مَ دٌنمَ كُيٍ رَ. 5بّلّتِ قَن يَءِلَن نَ كِ نّ فّسّ فّرّ دَاشِ، بُلُ دَاشِ، عَ فبٍيلِ، نُن سُوَ دُفِ رَ. نَ بّلّتِ نُن دٌنمَ قِندِ كٍرٍن نَ. نَ بِرِن يَءِلَنشِ عَلْ عَلَتَلَ مُنسَ يَمَرِ كِ نَشّ. 6عٍ نَشَ عٌنِشِ فّمّيٍ رَوَلِ، عٍ نَشَ عٍ رَبِلِنيِ قِندِ شّيمَ رَ. عٍ نَشَ عِسِرَيِلَ شَ دِيٍ شِلِ مَسٌلِ عٍ مَ، عَلْ عٍ سّبّلِ مَسٌلِمَ شُرُندّ مَ كِ نَشّ. 7عٍ نَشَ عٍ سَ تُنكِ رَشُنمَسٍيٍ مَ، عٍ شَ قِندِ تْنشُمَ سٍيٍ رَ عِسِرَيِلَ شَ دِيٍ شَ قٍ مَ، عَلْ عَلَتَلَ مُنسَ يَمَرِ كِ نَشّ.
8عٍ دٌنمَ كَنكٍ رَشُنمَسٍ يَءِلَن نّ عَ قَنيِ رَ عَلْ دٌنمَ كُيٍ. عٍ نَ سُوَ دُفِ سْشْ شّيمَ فّسّ، فّسّ فّرّ دَاشِ، بُلُ دَاشِ، نُن عَ فبٍيلِ رَ. 9عَ شَ كُيّ نُن عَ شَ عِفبٌيَ لَن نّ سُشُي كٍرٍن مَ، عَ قِندِ دُفِ قِرِن نَ. 10فّمّ تٌقَنيِيٍ سَقّ نَانِ نُ نَ عَ مَ. سَقّ سِنفٍ قِندِ فّمّيٍ نَن نَ، نَشٍيٍ شِلِ سَرِدُوَنِ، تٌثَسِ، نُن عٍمٍرٌدٍ. 11سَقّ قِرِن ندٍ، عٍسِكَرِبُكُلُ، سَقِرِ، نُن دِيَمَن. 12سَقّ سَشَن ندٍ، عٌثَلٍ، عَفَتِ، نُن عَمٍتِسِتٍ. 13سَقّ نَانِ ندٍ، كِرٌ سٌلِتٍ، عٌنِشِ، نُن يَسِثٍ. شّيمَ نُ نَ نَ فّمّ بِرِن رَبِلِنيِ مَ. 14عِسِرَيِلَ شَ دِيٍ شِلِيٍ مَسٌلِ نَ فّمّ قُ نُن قِرِن مَ، عَلْ سّبّلِ مَسٌلِمَ شُرُندّ مَ كِ نَشّ. كَنكَن شِلِ مَسٌلِ فّمّ ندٍ مَ. عٍ قِندِ عِسِرَيِلَ بْنسْي قُ نُن قِرِنيِ مَتْنشُمَ سٍ نَن نَ.
15عٍ لُوتِ دِيٍ دّفّ نّ نَ دٌنمَ كَنكٍ رَشُنمَسٍ مَ، نَشٍيٍ يَءِلَنشِ شّيمَ رَ. 16عٍ شُرُندّ قِرِن يَءِلَن شّيمَ رَ، عٍ عٍ دّفّ دٌنمَ كَنكٍ رَشُنمَسٍ مَ عَ دّ كِرِ قِرِنيِيٍ مَ عَ قُفٍ رَ. 17عٍ نَ لُوتِ شّيمَ دَاشِيٍ شِرِ نَ شُرُندّ قِرِنيِيٍ مَ، نَشٍيٍ دّفّشِ دٌنمَ كَنكٍ رَشُنمَسٍ دّ كِرِ مَ. 18عٍ مَن نَ لُوتِ قِرِنيِيٍ شِرِ دٌنمَ كُيٍ تُنكِ رَشُنمَسٍيٍ مَ. 19عٍ شُرُندّ قِرِن فبّتّ يَءِلَن شّيمَ رَ، نَشٍيٍ دّفّمَ دٌنمَ كَنكٍ رَشُنمَسٍ دّ كِرِيٍ مَ عَ لَبٍ رَ. عٍ نٍيٍ دّفّ دٌنمَ كُيٍ سّيتِ مَ. 20عٍ مَن نَشَ شُرُندّ قِرِن فبّتّ يَءِلَن شّيمَ رَ، نَشٍيٍ دّفّمَ تُنكِ رَشُنمَسٍيٍ لَبٍ رَ، دّننَشّ عِلَنمَ بّلّتِ رَ. 21دٌنمَ كَنكٍ رَشُنمَسٍ نَشَ شِرِ دٌنمَ كُيٍ مَ لُوتِ فّرّ دَاشِ رَ نَشَن نَسٌمَ شُرُندّيٍ كُي نَشٍيٍ دّفّشِ دٌنمَ كَنكٍ رَشُنمَسٍ نُن دٌنمَ كُيٍ مَ، عَلْ عَلَتَلَ عَ يَمَرِ مُنسَ بّ كِ نَشّ.
22عٍ نَشَ سّرّشّدُبّ شَ دٌنمَ كُيٍ بُن مَفٌرٌي سْشْ فّسّ فّرّ دَاشِ رَ. 23عٍ نَشَ عَ شُنيِ رَ سٌدٍ شَبَ عَ تَفِ، عٍ نَ سٌدٍ دّ مَسْشْ، عَلَكٌ بْودٍ يٌ نَشَ لُ عَ مَ. 24عٍ نَشَ عَ رَشُنمَ ثِرِنتِ فّرّ دَاشِ، بُلُ دَاشِ، نُن عَ فبٍيلِ رَ نَشٍيٍ مِسَالِشِ وُرِ بٌفِ رَ عَ رَبِلِنيِ بِرِن مَ. 25عٍ نَشَ تْلْنيِ شّيمَ دَاشِيٍ دّفّ نَ ثِرِنتِيٍ تَفِ، عَلَكٌ تْلْنيِ ندٍ شَ لُ وُرِ بٌفِ بِرِن تَفِ نَ دٌنمَ كُيٍ بُن مَفٌرٌي سَنبُنيِ بِرِن مَ. 26تْلْنيِ ندٍ لُ وُرِ بٌفِ بِرِن تَفِ نَ دٌنمَ كُيٍ بُن مَفٌرٌي سَنبُنيِ بِرِن مَ، عَلَكٌ سّرّشّدُبّ شَ وَلِ رَبَ عَلْ عَلَتَلَ عَ يَمَرِ مُنسَ بّ كِ نَشّ.
27عٍ نَشَ دٌنمَ كُيٍ بُن مَفٌرٌي فبّتّ دّفّ سُوَ دُفِ رَ، نَشَن سْشْشِ عَ قَنيِ رَ، هَرُنَ نُن عَ شَ دِ شّمّيٍ بّ. 28شُنمَسٍيٍ نَشَ يَءِلَن سُوَ دُفِ رَ. عٍ نَشَ وَنتَن بُن سٌي قَن دّفّ سُوَ دُفِ رَ. 29عٍ نَشَ بّلّتِ يَءِلَن سُوَ دُفِ رَ، نَشَن مَسْشْشِ عَ فّرّ دَاشِ، عَ بُلُ دَاشِ، نُن عَ فبٍيلِ رَ، عَلْ عَلَتَلَ عَ يَمَرِ مُنسَ بّ كِ نَشّ.
30عٍ نَشَ وَلَشّ لَنمَدِ يَءِلَن شّيمَ رَ، عَ قِندِ تْنشُمَ سّنِيّنشِ رَ. عٍ نَشَ سّبّلِ مَسٌلِ عَ مَ، عَلْ عٍ سّبّلِ مَسٌلِمَ شُرُندّ مَ كِ نَشّ، عَ مَسٍنقٍ رَ، «مِشِ سّنِيّنشِ عَلَتَلَ بّ.» 31عٍ نَشَ عَ شِرِ فّسّ فّرّ دَاشِ نُن فّسّ بُلُ دَاشِ رَ شُنمَسٍ مَ عَ تِفِ رَ، عَلْ عَلَتَلَ مُنسَ يَمَرِ كِ نَشّ.
هْرْ مْلِنفِرَ شَ سٍيٍ
32هْرْ مْلِنفِرَ شَ وَلِ رَحْن نَ كِ نّ، عَلَ مِشِ لِمَ دّننَشّ. عِسِرَيِلَكَيٍ عَ بِرِن نَبَ نّ عَلْ عَلَتَلَ مُنسَ يَمَرِ كِ نَشّ. 33عٍ نَشَ هْرْ مْلِنفِرَ شَنِن مُنسَ شْن مَ نُن عَ سٍ بِرِن؛
تّتّ نُن عَ سٍيٍ،
سُشُسٍيٍ،
شٍبٍنيِيٍ،
وُرِ كُيٍيٍ مْولِ قِرِن،
وُرِ سَنبُنيِيٍ،
34هْرْ مْلِنفِرَ مَكٌتٌسٍيٍ،
نَشَن يَءِلَنشِ يّشّي كٌنتٌنيِ كِرِ فبٍيلِ رَ،
عَ نُن نَشَن يَءِلَنشِ ثٍرٍ مُي كِرِ رَ،
دُفِ نَشَن فبَكُشِ يِرٍ سّنِيّنشِ قِسَمَنتٍ سٌدٍ دّ رَ،
35سَاتّ كَنكِرَ نُن عَ شَ وُرِ كُيٍيٍ،
سٍيدٍ كَنكِرَ دّرَكٌتٍ،
36تٍيبِلِ،
تٍيبِلِ شَ يِرَبَسٍ بِرِن،
تَامِ نَشَن سَمَ تٍيبِلِ قَرِ سّرّشّ رَ،
37لَنثُي دْشْسٍ شّيمَ دَاشِ،
لَنثُييٍ نُن عٍ يِرَبَسٍ بِرِن،
لَنثُي تُرٍ،
38سُرَيِ سّرّشّبَدٍ شّيمَ دَاشِ،
تُرٍ سّنِيّنشِ،
سُرَيِ،
دُفِ نَشَن فبَكُشِ تّتّ سٌدٍ دّ رَ،
39سّرّشّبَدٍ وُرٍ فبٍيلِ دَاشِ،
عَ شَ وُرِ كُيٍيٍ،
وُرٍيٍ سُبٍ سَمَ نَشٍيٍ قَرِ،
عَ شَ يِرَبَسٍ بِرِن،
يٍ سَسٍ شُنفبٍ نُن عَ دْشْسٍ،
40تّتّ دُفِيٍ،
وُرِيٍ دُفِيٍ فبَكُمَ نَشٍيٍ مَ
نٍيٍ سَنبُنيِيٍ،
دُفِ نَشَن فبَكُشِ هْرْ مْلِنفِرَ سٌدٍ دّ رَ،
لُوتِيٍ،
وُرِيٍ لُوتِيٍ شِرِ مَ نَشٍيٍ رَ،
عَ نُن هْرْ مْلِنفِرَ شَ يِرَبَسٍ بِرِن، عَلَ مَشَندِ يِرٍ،
41سّرّشّدُبّيٍ شَ سٌسٍ نَشٍيٍ رَوَلِمَ يِرٍ سّنِيّنشِ كُي،
هَرُنَ نُن عَ شَ دِيٍ شَ سٌسٍ سّنِيّنشِيٍ نَشٍيٍ رَوَلِمَ عٍ شَ سّرّشّدُبّ وَلِ كُي.
42عِسِرَيِلَكَيٍ نَشَ نَ وَلِ بِرِن نَبَ، عَلْ عَلَتَلَ عَ يَمَرِ مُنسَ بّ كِ نَشّ. 43مُنسَ تٌ نَ وَلِ بِرِن تٌ عَ رَبَشِ عَلْ عَلَتَلَ عَ يَمَرِ كِ نَشّ، عَ نَشَ دُبَ عِسِرَيِلَكَيٍ بّ.