تِنشِنيِ سّرِيّ
نُن عِسِرَيِلَ شَ سَلِيٍ
1وٌ نَشَ مِشِ تْوحّفّ، وٌ نَشَ وُلٍ سٍيدٍ بَ مِشِ حَاشِ بّ. 2وٌ نَشَ بِرَ حَمَ وَشْنقٍ حَاشِ قْشْ رَ، وٌ نَشَ وُلٍ سٍيدٍ بَ حَمَ شَ قٍ رَ. نَ مْولِ تِنشِنيِ كَنَمَ نّ. 3وٌ نَشَ مِشِ رَقِسَ عَ بٌورٍ بّ كِيتِ كُي، هَلِ عَ قِندِ مِسِكِينّ رَ.
4وٌ نَ وٌ يَشُي شَ نِنفٍ لْيشِ تٌ، شَ نَ مُ عَ شَ سٌقَلٍ، وٌ شَ عَ شَنِن عَ شْن مَ. 5وٌ نَ وٌ يَشُي شَ سٌقَلٍ تٌ، عَ بِرَشِ كٌتٍ شُنفبٍ بُن مَ، وٌ نَشَ عَ لُ نَا. وٌ شَ عَ مَلِ.
6وٌ نَشَ سّرِيّ مَتَندِ تْورْ مِشِ مَكِيتِمَ تّمُي نَشّ. 7وٌ نَشَ مِشِ تْوحّفّ. وٌ نَشَ عَ نِيَ مِشِ تْوحّفّشِ شَ قَشَ، بَرِ مَ ﭑ مُ دِحّمَ نَ مِشِ مْولِ مَ. 8وٌ نَشَ تِنشِنيِ كَنَ كْبِرِ رَ، بَرِ مَ نَ عَ نِيَمَ نّ سٍيدٍ شَ دُندُ، تِنشِنتْي شَ وْيّنيِ شَ مَقِندِ.
9وٌ نَشَ شْحّ تْورْ نَشَن قَتَن سِ فبّتّ رَ. وٌ تَن يَتِ بَرَ نَ تْورّ مْولِ كٌلٌن وٌ نُ نَ مِسِرَ بْشِ مَ تّمُي نَشّ.
10وٌ شَ سَنسِ سِ، وٌ شَ عَ شَبَ حّ سٍننِ بُن مَ، 11كْنْ عَ حّ سٌلٌقٍرٍ ندٍ، وٌ شَ بْشِ لُ نَ، عَ شَ عَ مَلَبُ. نَ تّمُي سَنسِ نَشَن قَمَ بُلَدٍ عَ يّتّ مَ، نَ نْمَ قِندِدٍ عِسِرَيِلَ تْورْ مِشِيٍ شَ بَلٌي رَ. بُرُنيِ سُبٍيٍ قَن شَ بَلٌ نَ دْنشْي رَ. وٌ شَ نَ رَبَ وٌ شَ وّنِ نُن وٌ شَ عٌلِوِ بِلِيٍ قَن نَ.
12وٌ شَ وَلِ بِرِن نَبَ شِ سٍننِ بُن مَ، كْنْ عَ شِ سٌلٌقٍرٍ ندٍ وٌ نَشَ وَلِ يٌ رَبَ عَلَكٌ وٌ شَ نِنفٍ، وٌ شَ سٌقَلٍ، وٌ شَ كٌنيِ، نُن سِ فبّتّ مِشِ نَشٍيٍ نَ وٌ شْنيِ، عٍ بِرِن شَ عٍ مَلَبُ.
13وٌ شَ وٌ حْشْ سَ ﭑ مَ يَامَرِ بِرِن شْن مَ. وٌ نَشَ عَلَ فبّتّيٍ بَتُ، عٍ شِلِ حَن نَشَ مِنِ وٌ دّ عِ.
14حّ يٌ حّ وٌ شَ سَلِ سَشَن نَبَ ﭑ مَ بِنيّ بُن مَ. 15وٌ شَ تَامِ لّبِنِتَرٍ سَلِ رَبَ يِ كِ. شِ سٌلٌقٍرٍ نَشٍيٍ سُفَندِشِ عَبِبِ كِكٍ كُي، وٌ شَ تَامِ لّبِنِتَرٍ فبَنسَن دٌن، عَلْ ﭑ وٌ يَمَرِشِ كِ نَشّ. وٌ شَ عَ رَبَ نَ تّمُي نّ بَرِ مَ وٌ مِنِ مِسِرَ بْشِ كُي نَ كِكٍ نَن نَ. وٌ نَشَ ﭑ كُمَ نَ سَلِيٍ كُي.
16شّ شَبّ سَلِ، وٌ شَ عَ رَبَ وٌ شَ سَنسِ بٌفِ سِنفٍيٍ رَ. سَنسِ بٌفِ بَ سَلِ، وٌ شَ عَ رَبَ حّ رَحْنيِ، وٌ نَ سَنسِ بٌفِ سٍ رَ سٌ تّمُي نَشّ. 17شّمّ بِرِن شَ نَ سَلِ سَشَن نَبَ عٍ مَرِفِ عَلَتَلَ شَ بِنيّ بُن مَ حّ بِرِن كُي.
18وٌ نَ شُرُ سٍ بَ سّرّشّ رَ ﭑ بّ تّمُي نَشّ، وٌ نَشَ تَامِ لّبِنِ دَاشِ بَ سّرّشّ رَ عَ سّيتِ مَ دٍ. وٌ نَشَ ﭑ مَ سَلِ سّرّشّ سُبٍ تُرٍ رَفَتَ هَن فّيسّفّ. 19وٌ شَ سَنسِ بٌفِ قِسَمَنتٍ بَ وٌ شَ سَنسِ بٌفِ سِنفٍيٍ يَ مَ ﭑ تَن وٌ مَرِفِ عَلَتَلَ بّ، وٌ عٍ شَنِن ﭑ مَ هْرْ مْلِنفِرَ كُي. وٌ نَشَ سِ حِن عَ نفَ شِحّ يٍ رَ.
20ﭑ مَلٍكّ تِمَ نّ وٌ يَ رَ، نَشَن وٌ مَكَنتَمَ كِرَ رَ سِفَقٍ رَ بْشِ مَ ﭑ دّننَشّ يَءِلَنشِ وٌ بّ. 21وٌ شَ وٌ تُلِ مَتِ عَ رَ، وٌ شَ عَ شُي سُشُ. وٌ نَشَ عَ مَتَندِ. عَ مُ دِحّمَ وٌ شَ مَتَندِ مَ، بَرِ مَ ﭑ شِلِ نَ عَ شُن مَ. 22كْنْ شَ وٌ وٌ تُلِ مَتِ عَ رَ، شَ وٌ عَ شُي بِرِن سُشُ، ﭑ قِندِ مَ نّ وٌ يَشُييٍ يَشُي رَ، وٌ فٍرٍقَيٍ فٍرٍ مَ رَ.
23ﭑ مَ مَلٍكّ وٌ مَتِمَ عَمٌرِكَيٍ، شِتِكَيٍ، ثٍرِ سِكَيٍ، كَنَانكَيٍ، هِوِكَيٍ، نُن يٍبُسُكَيٍ شْنيِ. ﭑ قَمَ نّ عٍ بِرِن سْنتْدٍ. 24وٌ نَشَ سُيِدِ عٍ شَ عَلَيٍ بّ، وٌ نَشَ عٍ بَتُ، وٌ نَشَ بِرَ عٍ قْشْ رَ. وٌ شَ عٍ شَ كُيٍيٍ كَنَ، وٌ شَ عٍ شَ فّمّ مَسٌلِشِيٍ مَفِرَ. 25وٌ شَ وٌ مَرِفِ عَلَتَلَ بَتُ. عَ بَرَكّ سَمَ نّ وٌ شَ تَامِ نُن وٌ شَ يٍ مَ. عَ وٌ شَ قُرٍ يَلَنمَ نّ. 26فِنّ قُرِ مُ كَنَمَ وٌ شَ بْشِ مَ، فِنّ دِ بَرِتَرٍ قَن مُ تٌمَ وٌ يَ مَ. ﭑ سِمَيَ كَمَلِشِ قِمَ نّ وٌ مَ.
27ﭑ سِيٍ رَفَاشُمَ نّ وٌ يَ رَ ﭑ سّنبّ رَ. ﭑ عٍ عِقُمَ نّ عَلَكٌ عٍ شَ عٍ فِ وٌ يَ رَ. 28ﭑ حُرِيٍ رَ سَنبَمَ نّ وٌ يَ رَ نَشَن هِوِكَيٍ، كَنَانكَيٍ، نُن شِتِكَيٍ كٍرِ مَ. 29كْنْ ﭑ مُ نَ رَبَمَ حّ كٍرٍن كُي، عَلَكٌ بْشِ نَشَ قَ كَنَ، وُلَءِ سُبٍيٍ نَشَ قَ وُيَ وٌ شِلِ مَ. 30ﭑ نٍيٍ كٍرِ مَ عَ شُرِ شُرِ نَن نَ وٌ يَ رَ، هَن وٌ وُيَ، وٌ قَ نْي سْتْ بْشِ بِرِن مَ. 31ﭑ وٌ شَ نَانِنيِ عِفبٌمَ نّ كٍلِ شُلُنيُمِ بَا مَ هَن بَا شُنفبٍ، كٍلِقٍ تُرُ سِنِنَ فبٍنفبٍرٍنيِ مَ هَن عَ سَ دْشْ عٍقِرَتِ شُرٍ شُنفبٍ رَ. ﭑ مّننِكَيٍ سَمَ نّ وٌ سَفٌ، عَلَكٌ وٌ شَ عٍ كٍرِ. 32وٌ نَشَ سَاتّ يٌ تٌنفٌ مّننِكَيٍ نُن عٍ شَ عَلَيٍ بّ. 33وٌ نَشَ لُ عٍ شَ سَبَتِ وٌ شَ بْشِ مَ، شَ نَ مُ عَ رَ عٍ عَ نِيَمَ نّ وٌ شَ فبِلٍن ﭑ قْشْ رَ. عٍ شَ عَلَيٍ قِندِ مَ فَنتَنيِ نَن نَ وٌ بّ.