حَشَنكَتّ نَ سَمَرِ بّ
1حَشَنكَتّ نَ عٍقِرَ مِ تَا يّتّ عِفبٌي سِيسِلَيٍ بّ،
نَشَن تِشِ فُلُنبَ كٌورٍ رَ،
كْنْ عَ شَ تٌقَنيِ لُشِ نّ عَلْ سَنسِ قُفٍ لِسِشِ.
2سّنبّمَيٍ نَن قَقٍ يِ كِ مَرِفِ شِلِ رَ،
نَشَن لُشِ عَلْ تُرُننَادّ قٌيٍ شُنفبٍ،
عَلْ بَلَبَلَن تُنّ نَشَن سّنبّ سَمَرِ شُن نَفٌرٌ مَ.
3عٍقِرَ مِ تَا يّتّ عِفبٌي سِيسِلَيٍ بِرَ مَ نّ، عٍ مَبٌرٌن.
4نَ سَنسِ قُفٍ لِسِشِ نَشَن تِشِ فُلُنبَ كٌورٍ رَ،
عَ لُشِ نّ عَلْ شْرّ بٌفِ مْشِ نَشَن دٌنمَ كٍرٍنيِ رَ.
5نَ لْشْي، عَلَتَلَ سّنبّمَ لُمَ نّ عَلْ مَنفّ كَتَنيِ تٌقَنيِ عَ شَ حَمَ دْنشْييٍ بّ.
6عَ شَشِلِ تِنشِنشِ قِمَ نّ كِيتِسَيٍ مَ،
عَ سّنبّ قِ سْورِيٍ مَ نَشٍيٍ نَ فٍرٍ كُي.
7كْنْ وٌ شَ سّرّشّدُبّيٍ نُن نَمِحْنمّيٍ بَرَ لْي.
بٍيرٍ عٍ دَفَلَنمَ نّ،
عٍ دَشُ لَامَتُنيِ تٌ تّمُي،
عٍ مُ قَتَ قٍ تَفِ رَبَدٍ.
8عٍ تِشِ عٍ يّتّ شَ بْشُنيِ تَفِ،
عٍ بِرِن نْشْشِ عَ حَاشِ رَ.
9«عَلَ وَ مَ عٍ شَرَنقٍ؟
عَ قَهَامُي قِمَ عٍ مَ؟
عٍ لُشِ عَلْ دِيْرّ نَشٍيٍ دّ بَشِ عٍ نفَ شِحّ رَ.
10قٌ عَ شَ وْيّن عٍ بّ دِيْرّ دَاشِ.»
11عَلَتَلَ قَمَ عَ مَسٍندٍ يِ حَمَ بّ شْحّ سَابُي رَ،
12«مَلَبُدٍ نَن يِ كِ، وٌ شَ وٌ مَلَبُ.
يِرٍ رَشَرَشِ نَ عَ رَ.»
كْنْ عٍ مُ تِن عٍ تُلِ مَتِدٍ عَ رَ.
13نَ كُي عَلَتَلَ قَمَ نّ مَسٍنيِ تِدٍ عٍ بّ دِيْرّ دَاشِ،
عَلَكٌ عٍ شُن شَ رَكَنَ، يَشُييٍ شَ عٍ سُشُ، عٍ عٍ شَنِن.
14عَوَ، وٌ تَن مِشِ مَيٍلٍيٍ،
وٌ تَن نَشٍيٍ دَرِ سَلَمُ يَمَرِ مَ،
وٌ وٌ تُلِ مَتِ عَلَتَلَ شَ مَسٍنيِ رَ.
15وٌ نَشّ، «مُشُ نُن سَيَ بَرَ سَاتَ،
مُشُ نُن فَبُرِ بَرَ لَنيِ شِرِ.
فبَلٌي يٌ مُ مُشُ لِمَ وٌن مَ كَنتَرِ كُي.»
كْنْ عٍ نَ عٍ نْشُنقٍ وُلٍ شَنبِ رَ.
16عَلَتَلَ عٍ يَابِمَ نّ،
«ﭑ بَرَ فّمّ هَفِفّ دْشْ سِيٌنِ،
فّمّ قَنيِ نَشَن مُ كَنَمَ.
لِمَنِيَ مُ بَمَ مِشِ يِ رَ نَشَن عَ تَشُمَ نَ فّمّ رَ.
17ﭑ بَرَ تِنشِنيِ تِ سّرِيّ رَ،
ﭑ بَرَ نْندِ سَ كِيتِ كِ رَ.
وٌ شَ وُلٍ نَشٍيٍ قِندِشِ وٌ شَ كَنتَرِ رَ،
بَنبَرَنيِ قَمَ نّ عٍ شَنِندٍ.
18وٌ شَ سَاتّ، وٌ نُن سَيَ رَ، عَ كَنَمَ نّ،
وٌ شَ لَنيِ، وٌ نُن فَبُرِ رَ، عَ قُلُنمَ نّ.
فبَلٌي نْمَ نّ وٌ رَ عَ قَنيِ رَ.
19قٍ شْرْشْي نَ وٌ لِ، عَ وٌ شُن نَكَنَمَ نّ،
فّيسّفّ يٌ فّيسّفّ، قّيحّن يٌ قّيحّن، كْي يٌ كْي.
وٌ نَ سٌ يِ قٍ كُي، وٌ عِقُمَ نّ فَاشُي رَ.»
20«وٌ شَ سَدٍ شُرُن، وٌ مُ نْمَ وٌ سَدٍ عَ مَ.
وٌ شَ شِنبٍلِ دُفِ شُرُن، عَ مُ وٌ كَنتَمَ شِنبٍلِ رَ.
21عَلَتَلَ كٍلِمَ نّ عَلْ عَ كٍلِ ثٍرَ سِمِ فٍيَ قَرِ كِ نَشّ،
عَ شْنْمَ نّ عَلْ عَ شْنْ فَبَيٌن فُلُنبَ كُي كِ نَشّ،
عَلَكٌ عَ شَ عَ شَ وَلِ مَكَابَشِ رَبَ.
22نَ كُي وٌ بَ مَيٍلٍ تِقٍ،
عَلَكٌ عَ نَشَ قَ فبِلٍن وٌ شِرِ رَ،
بَرِ مَ عَلَ بَرَ عَ شَ نَتّ مَسٍن ﭑ بّ بْشِ كَنَقٍ رَ.»
23«وٌ وٌ تُلِ مَتِ ﭑ شُي رَ،
وٌ وٌ تُلِ مَتِ ﭑ مَ مَسٍنيِ رَ.
24شّ سَ شّ بُشَمَ تّمُي بِرِن؟
عَ بّندّ رَ مَشَمَ لْشْي بِرِن؟
25عَ نَ فّ بْشِ بُشَدٍ، عَ مُ سَنسِ فَرَنسَنمَ؟
عَ مُ سَنسِ شْرِ بِرِن وٌلِمَ عَ كِ مَ؟
26عَ مَرِفِ عَلَ عَ شَرَن عَ سِ كِ رَ.
27سَنسِ مْولِ ندٍ مُ بْنبْمَ وُرٍ رَ،
عَ بْنبْمَ وُرِ نَن نَ.
28سَنسِ مْولِ فبّتّ نْمَ بْنبْدٍ وُرٍ رَ،
كْنْ عَ مُ رَدَنفِمَ عَ عِ.
29نَ وَلِ كِ بِرِن قَتَنشِ عَلَتَلَ سّنبّمَ نَن مَ.
عَ شَ وَلِيٍ مَكَابَ، عَ شَ قٍ قَنيِيٍ فبٌ.»