عَلَ شَ لَايِدِ
1ﭑ بَرَكَ نُن دَنكَ نَشٍيٍ بِرِن قَلَشِ وٌ بّ، نٍيٍ قَمَ نّ كَمَلِدٍ. وٌ مَرِفِ عَلَتَلَ نَ وٌ رَيٍنسٍن يّ تّمُي نَشّ بْشِ فبّتّ مَ، وٌ وٌ مَحْشُن يِ قٍيٍ مَ. 2شَ وٌ فبِلٍنمَ وٌ مَرِفِ عَلَتَلَ مَ، وٌ مَن عَ شُي سُشُ وٌ بْحّ نُن وٌ شَشِلِ كُي وٌ تَن نُن وٌ شَ دِيٍ، عَلْ ﭑ عَ مَسٍنشِ وٌ بّ كِ نَشّ تٌ لْشْي، 3نَ تّمُي وٌ مَرِفِ عَلَتَلَ وٌ رَ مِنِمَ نّ كٌنيِيَ كُي، عَ كِنِكِنِ وٌ مَ، عَ وٌ بَ سِيٍ يَ مَ عَ وٌ رَيٍنسٍن يّ دّننَشّ. 4هَلِ وٌ نَ يِرٍ مَكُيٍ كٌنيِيَ كُي، وٌ مَرِفِ عَلَتَلَ سِفَمَ نّ وٌ قٍندٍ، عَ قَ وٌ مَلَن 5وٌ بٍنبَيٍ شَ بْشِ مَ، عَلَكٌ وٌ شَ نَا مَسْتْ، عَ قَ مّينِ وٌ مَ دَنفِقٍ وٌ بٍنبَيٍ رَ، عَ وٌ رَوُيَ دَنفِ عٍ رَ.
6نَ تّمُي وٌ مَرِفِ عَلَتَلَ يّتّ يَتِ وٌ بْنسْي بْحّ رَ سّنِيّنمَ نّ، عَلَكٌ وٌ شَ عَ شَنُ وٌ بْحّ نُن وٌ شَشِلِ بِرِن نَ. نَ كُي وٌ نْمَ سِمَيَ قَنيِ سْتْدٍ. 7ﭑ يِ دَنكّ نَشٍيٍ بِرِن سّبّشِ وٌ بّ يِ كِ، نٍيٍ قَمَ دْشْدٍ وٌ يَشُييٍ نُن وٌ شْنمَيٍ نَن مَ. 8نَ تّمُي وٌ مَن تُوبِ رَبِرَ مَ نّ عَ بّ، وٌ عَ شَ سّرِيّ سُشُ ﭑ نَشَن قِشِ وٌ مَ تٌ لْشْي. 9وٌ مَرِفِ عَلَتَلَ بَرَكّ سَمَ نّ وٌ شَ قٍ بِرِن مَ. وٌ دِ فبٍفبٍ سْتْمَ نّ، وٌ شَ شُرُ سٍيٍ رَوُيَمَ نّ، وٌ شَ سَنسِيٍ قَنمَ نّ، بَرِ مَ وٌ قَمَ نّ رَقَندٍ عَلَتَلَ مَ عَلْ وٌ بٍنبَيٍ. 10نَ نَن نَبَمَ، وٌ نَ وٌ تُلِ مَتِ عَ رَ تّمُي نَشّ، عَ شَ سّرِيّ نُن عَ شَ يَامَرِيٍ سُشُقٍ رَ، نَشٍيٍ سّبّشِ يِ كِتَابُي كُي. نَ تّمُي وٌ وٌ يّتّ رَفبِلٍنمَ نّ عَ مَ وٌ بْحّ قِيشّ رَ، وٌ شَشِلِ بِرِن نَ.
عَلَ شَ سّرِيّ
11ﭑ يِ سّرِيّ نَشَن قَلَشِ وٌ بّ يِ كِ تٌ لْشْي، عَ كٌلٌن يٌ مُ شْنْ وٌ بّ. 12عَ مُ نَ كٌورٍ شَ مَ، عَلَكٌ عَ شَ قَلَ، «ندٍ نْمَ تٍدٍ كٌورٍ مَ عَ شَ سَ قَ عَ رَ وٌن بّ، عَ عَ شَرَن وٌن بّ عَلَكٌ وٌن شَ نْ عَ رَبَدٍ؟» 13عَ مُ نَ بَا كِرِ قَن شَ مَ، عَلَكٌ عَ شَ قَلَ، «ندٍ نْمَ بَا عِفِرِدٍ عَ شَ سَ قَ عَ رَ وٌن بّ، عَ مَن شَ عَ شَرَن وٌن بّ عَلَكٌ وٌن شَ نْ عَ رَبَدٍ؟» 14عَدٍ، يِ سّرِيّ نَ وٌ سّيتِ مَ نّ، وٌ دّ كُي، عَ نُن وٌ بْحّ مَ. وٌ نْمَ عَ رَبَدٍ.
سِمَيَ سُفَندِ
15عِسِرَيِلَكَيٍ، وٌ عَ مَتٌ. تٌ لْشْي ﭑ بَرَ سِمَيَ نُن قٍ قَنيِ تِ سّيتِ، قَشّ نُن قٍ حَاشِ قَن بٌورٍ سّيتِ. 16تٌ لْشْي وٌ تِن وٌ شَ وٌ مَرِفِ عَلَتَلَ شَنُ، وٌ شَ حّرّ عَ شَ كِرَ مَ، وٌ شَ بِرَ عَ شَ يَامَرِ، عَ شَ مَسٍنيِ، نُن عَ شَ سّرِيّ قْشْ رَ، عَلَكٌ وٌ شَ سِمَيَ قَنيِ سْتْ، وٌ شَ وُيَ، عَلَكٌ عَلَ شَ بَرَكّ سَ وٌ مَ يِرٍ عَ دّننَشّ قِندِ مَ وٌ فبٍ رَ. 17كْنْ شَ وٌ فبِلٍن عَ قْشْ رَ، شَ وٌ تٌندِ عَ بّ، شَ وٌ بِرَ كُيٍ بَتُقٍ قْشْ رَ، 18وٌ سْنتْمَ نّ قٍوٌ، وٌ مُ قَ بُدٍ بْشِ مَ وٌ قَمَ دّننَشّ سْتْدٍ يُرُدّن كِرِ مَ. 19تٌ لْشْي كٌورٍ نُن بْشِ نَ ﭑ سٍيدٍ رَ، ﭑ بَرَ سِمَيَ نُن قٍ قَنيِ تِ وٌ بّ سّيتِ كٍرٍن نَ، قَشّ نُن قٍ حَاشِ قَن نَ بٌورٍ سّيتِ رَ. وٌ شَ سِمَيَ قَنيِ سُفَندِ، وٌ تَن نُن وٌ بْنسْييٍ. 20وٌ شَ وٌ مَرِفِ عَلَتَلَ شَنُ، وٌ تُوبِ عَ بّ، وٌ عَ شَ قٍ سُشُ. وٌ نْمَ سِمَيَ سْتْدٍ نَ كِ نّ، وٌ قَ حّ فبٍفبٍ رَبَ بْشِ مَ، عَلَتَلَ دّننَشّ سَاتّ تٌنفٌ قِقٍ رَ وٌ بٍنبَ عِبُرَهِمَ، عِسِيَفَ، نُن يَشُبَ مَ.