قُرٍ مَ عَلَ مَشَندِقٍ
عَلَ مَشَندِ
1دَوُدَ شَ بّيتِ بّيتِبَيٍ شَ مَنفّ بّ
2حّلّشِنيِ نَ مِشِ بّ نَشَن هِننّمَ تْورْ مِشِ رَ.
عَلَتَلَ عَ رَتَنفَمَ نّ عَ شَ تْورّ مَ.
3عَلَتَلَ عَ رَتَنفَمَ نّ، عَ عَ رَبَلٌ.
عَ حّلّشِنمَ نّ دُنِحَ.
عِ مُ عَ لُمَ عَ يَشُييٍ سَفٌي.
4عَلَتَلَ عَ مَلِمَ نّ عَ قُرَ تّمُي، عَ عَ رَيَلَن.
5ﭑ عَ قَلَمَ عَ بّ،
«عَلَتَلَ، هِننّ ﭑ نَ.
ﭑ نَيَلَن بَرِ مَ ﭑ بَرَ يُنُبِ رَبَ عِ رَ.»
6ﭑ يَشُييٍ وْيّن حَاشِيٍ قَلَمَ، عٍ نَشّ،
«عَ قَشَمَ مُن تّمُي؟
عَ شِلِ لْيمَ مُن لْشْي؟»
7نَشَن قَمَ ﭑ شّيبُدٍ عَ قِلَنكَقُي وْيّنيِ قَلَمَ.
قٍ حَاشِ فبٌ عَ بْحّ كُي.
عَ نَ كٍلِ ﭑ شُن مَ، عَ نَ مْولِ قَلَمَ.
8ﭑ شْنمِشِيٍ ﭑ مَ قٍ مَكْلِكْلِمَ عٍ بٌورٍ بّ،
عٍ شَ ﭑ تْورْ.
9عٍ نَشّ، «قُرٍ حَاشِ بَرَ عَ سُشُ،
عَ بَرَ تَفَن، عَ مُ كٍلِمَ سْنْن.»
10هَلِ ﭑ دّقَنبٌورٍ، ﭑ نُ لَشِ نَشَن نَ،
مُشُ نُن نَشَن نُ مُشُ دّفٍمَ يِرٍ كٍرٍن،
نَ بَرَ عَ كٌبٍ تِ ﭑ نَ.
11عَلَتَلَ، هِننّ ﭑ نَ، عِ شَ ﭑ نَكٍلِ،
عَلَكٌ ﭑ شَ ﭑ يَشُييٍ سَرٍ رَفبِلٍن عٍ مَ.
12ﭑ عَ كٌلٌن ﭑ نَقَن عِ مَ،
بَرِ مَ عِ مُ ﭑ لُمَ ﭑ يَشُييٍ سَفٌي.
13عِ ﭑ مَلِمَ نّ بَرِ مَ ﭑ تِنشِن.
عِ بَرَ تِن ﭑ شَ لُ عِ سّيتِ مَ عَبَدَن.
14تَنتُي نَ عِسِرَيِلَ مَرِفِ عَلَتَلَ بّ عَبَدَن.
عَمِنَ. عَمِنَ.