AKS

يَبُرَ 65

سَابُي قَنيِ

عَلَ مَتْشْي

1دَوُدَ شَ بّيتِ بّيتِبَيٍ شَ مَنفّ بّ

2مَتْشْي نَ عِ تَن عَلَ بّ سِيٌنِ فٍيَ قَرِ.

مُشُ لَايِدِ نَشَن تٌنفٌشِ عِ بّ،

مُشُ نَ بِرِن نَكَمَلِمَ نّ.

3عَلَ، عِ مُشُ شَ مَشَندِ بِرِن مّمَ نّ.

دُنِحَ بِرِن قَمَ نّ بِرَدٍ عِ قْشْ رَ.

4تَنتَنيِ تٌ نْ مُشُ رَ، عِ بَرَ مُشُ شَ يُنُبِ شَقَرِ.

5عِ نَشَن سُفَندِ مَ عَ شَ مَكْرّ عِ شَ سَلِدٍ رَ،

نَ حّلّشِنمَ نّ بَرِ مَ عَ بُمَ نّ عِ شْنيِ.

مُشُ بَرَ وَ سَ عِ شَ قٍ قَنيِ رَ،

قٍ سّنِيّنشِ نَشَن كٍلِشِ عِ شَ هْرْ مْلِنفِرَ.

6عِ مُشُ شَ مَشَندِ يَابِمَ كَابَنَكٌ نُن تِنشِنيِ رَ.

عَلَ، عِ بَرَ قِندِ مُشُ رَكِسِمَ رَ.

دُنِحَ يِرٍ بِرِن شَشِلِ تِشِ عِ رَ.

7عِ بَرَ فٍيَ دَا عِ سّنبّ رَ

بَرِ مَ سّنبّمَ نَن عِ رَ.

8عِ بَرَ بَا شُي رَدُندُ، مْرْنيِ شُي مُ نَ.

عِ بَرَ حَمَ قَن مَسَبَرِ.

9دُنِحَ بِرِن فَاشُمَ نّ عِ شَ كَابَنَكٌي يَ رَ.

كٍلِقٍ سٌفٍتٍدٍ هَن سٌفٍفٌرٌدٍ،

عٍ بِرِن عٍ حّلّشِن شُي رَ مِنِمَ نّ عِ شَ قٍ رَ.

10عِ بْشِ مّينِ، عَ عَ رَقٍ قٍ قَنيِ رَ.

عِ شُرٍ رَقٍمَ يٍ رَ عَلَكٌ مِشِيٍ شَ بَلٌي سْتْ.

11عِ تُنّ يٍ سَمَ بْشِ مَ عَلَكٌ بْشِ شَ بْرْشْ سَنسِ بّ.

عِ بَرَكّ سَمَ شّ مَ، عَ شَ قَن.

12شّ شَبَ تّمُي عِ قٍ قَنيِ رَ مِنِمَ نّ.

عِ شَ سَنسِ سَسٍ رَقٍمَ نّ، هَن عَ قِلِ عَ مَ.

13فبٍنفبٍرٍنيِ قِيلِيٍ نُن فٍيَيٍ قَنمَ نّ.

14شُرُ سٍيٍ يِرِوَ مَ نّ قِيلِ مَ.

سَنسِ يِرِوَ مَ نّ فٍيَ بُنيِيٍ.

نَ بِرِن، عَلَ شَ قٍ قَنيِ نَن مَسٍنمَ وٌن بّ سّيوّ كُي.