دُنِحَ شَ عَلَ مَتْشْ
عَلَ مَتْشْي
1وٌ عَلَتَلَ مَتْشْ!
وٌ عَلَتَلَ مَتْشْ كٍلِقٍ كٌورٍ مَ.
وٌ عَ مَتْشْ يِرٍ عِتٍشِ كُي.
2عَلَتَلَ شَ مَلٍكّيٍ شَ عَ مَتْشْ،
عَ شَ فَلِيٍ شَ عَ مَتْشْ كٌورٍ مَ.
3سٌفٍ نُن كِكٍ شَ عَ مَتْشْ،
تُنبُي دّشّشِيٍ قَن شَ عَ مَتْشْ.
4كٌورٍ شَ عَ مَتْشْ، عَ نُن يٍ نَشَن تٌمَ نَا.
5عٍ بِرِن شَ عَلَتَلَ شِلِ مَتْشْ،
بَرِ مَ عَ يَمَرِ نَن قِ، عٍ نَشَ دَا.
6عَ نَشَ عٍ تِ عٍ تِدٍ، عٍ شَ لُ نَا عَبَدَن.
عَ نَشَ نَ سّرِيّ سَ، نَشَن مُ كَنَمَ.
7وٌ عَلَتَلَ مَتْشْ كٍلِقٍ بْشِ مَ.
بَا نُن نِمَسٍ بِرِن نَشٍيٍ نَ بَا تِلِنيِ كُي،
8سٍيَمَكْنيِ، بَلَبَلَنيِ، كُندَ، نُشُييٍ،
نُن قٌيٍ شُنفبٍ نَشَن عَ شَ يَامَرِ رَتِنمّمَ،
9فٍيَيٍ نُن تٍنتٍنيِيٍ، وُرِ بٌفِلَيٍ نُن سّدِرِ بِلِيٍ،
10وُلَءِ سُبٍيٍ نُن شُرُ سٍيٍ، بُبُسٍيٍ نُن شْنِيٍ،
11دُنِحَ مَنفّيٍ نُن سِيٍ،
مَنفّدِيٍ نُن دُنِحَ كُنتِفِيٍ،
12قٌنِكٍيٍ نُن فِنّدِ مّدِيٍ، دِ مّيٍ نُن قٌرِيٍ،
13عٍ بِرِن شَ عَلَتَلَ شِلِ مَتْشْ،
بَرِ مَ عَ شِلِ فبَنسَن نَن عِتٍشِ،
عَ نْرّ دَنفِ كٌورٍ نُن بْشِ رَ.
14عَ بَرَ مَنفّ سّنبّمَ رَكٍلِ عَ شَ حَمَ شُن نَ،
عَ شَ سّنِيّنتْييٍ نَشَن مَتْشْمَ،
سّنِيّنتْييٍ نَشَن قِندِشِ عِسِرَيِلَ عَ شَ حَمَ شَنُشِ رَ.
وٌ عَلَتَلَ مَتْشْ!