شُرُ سٍ دّ مَدٌنيِيٍ
1لِبَن بْشِ، عِ شَ وُرِ بِرِن قَمَ نّ فَندٍ.
2وٌ قَمَ نّ وَدٍ وٌ شُي عِتٍشِ رَ،
بَرِ مَ سِثِرّ، سّدِرِ، نُن كٌندٍ بِلِيٍ قَمَ نّ بِرَدٍ.
بَسَن وٌندِ بٍلٍبٍلٍ بَرَ كَنَ.
3شُرُ سٍ دّ مَدٌنيِيٍ وَ مَ نّ،
بَرِ مَ قِيلِ بَرَ كَنَ.
يّتّيٍ شَاحّمَ نّ،
بَرِ مَ يُرُدّن قْتْنيِ بَرَ كَنَ.
4ﭑ مَرِفِ عَلَتَلَ عَ مَسٍن نّ،
«وٌ شَ شُرُ سٍيٍ دّ مَدٌن،
نَشٍيٍ قَمَ قَشَدٍ.
5مِشِ نَشٍيٍ عٍ سَرَ مَ
عٍ قَمَ نّ عٍ كْن نَشَبَدٍ كِنِكِنِتَرٍحَ كُي.
نَشٍيٍ عٍ مَتِمَ عٍ عَ قَلَمَ نّ،
‹عَلَ تَنتُ. ﭑ بَرَ بَننَ.›
شُرُ سٍ دّ مَدٌنيِيٍ مُ كِنِكِنِمَ عٍ مَ.»
6عَلَتَلَ شَ مَسٍنيِ نَن يَ؛
«ﭑ قَن مُ كِنِكِنِمَ يِ حَمَ مَ.
ﭑ بَرَ عٍ بِرِن لُ عٍ بٌورٍ يِ رَ،
عٍ شَ مَنفّ يِ رَ،
عَلَكٌ حَمَ شَ حَشَنكَتَ.
ﭑ مُ مِشِ يٌ رَتَنفَمَ نَ مَ.»
7نَ كُي ﭑ نَشَ شُرُ سٍيٍ تْورْشِ دّ مَدٌن، نَشٍيٍ نُ لَنشِ عٍ شَ قَشَ. ﭑ نَشَ يِسُشُوُرِ قِرِن تٌنفٌ. ﭑ نَشَ كٍرٍن شِلِ سَ «هِننّ،» بٌورٍ «لَنيِ.» ﭑ نَشَ شُرُ سٍيٍ دّ مَدٌن. 8ﭑ نَشَ شُرُ سٍ دّ مَدٌنيِ سَشَن كٍرِ كِكٍ كٍرٍن بُن، بَرِ مَ عٍ مُ رَقَنشِ ﭑ مَ سْنْن، ﭑ قَن مُ رَقَنشِ عٍ مَ. 9ﭑ نَشَ عَ قَلَ شُرُ سٍيٍ بّ، «ﭑ مُ وٌ دّ مَدٌنمَ سْنْن. نَشَن لَن عَ شَ قَشَ، عَ شَ قَشَ. نَشَن لَن عَ شَ سِفَ، عَ شَ سِفَ. نَشَن لَن عَ شَ لُ بٍ، عَ شَ عَ بٌورٍ قَشَ.» 10ﭑ نَشَ ﭑ مَ يِسُشُوُرِ تٌنفٌ نَشَن شِلِ «هِننّ،» ﭑ نَشَ عَ عِفِرَ. نَ مِسَالِشِ سَاتّ نَن نَ نَشَن شِرِشِ ﭑ تَن نُن سِيٍ بِرِن تَفِ. نَ سَاتّ بَرَ كَنَ. 11ﭑ تٌ نَ كَنَ شُرُ سٍيٍ تْورْشِ يَ شْرِ، عٍ نَشَ عَ كٌلٌن ﭑ نُ بَرَ عَلَتَلَ شَ مَسٍنيِ قَلَ. 12ﭑ نَشَ عَ قَلَ عٍ بّ، «شَ عَ وٌ كّنّن، وٌ ﭑ مَ وَلِ سَرٍ قِ ﭑ مَ، شَ نَ مُ عَ رَ وٌ عَ لُ نَ.» عٍ نَشَ كْبِرِ كٌلٍ تٌنفٌ سَشَن قِ ﭑ مَ وَلِ سَرٍ رَ. 13عَلَتَلَ نَشَ عَ قَلَ ﭑ بّ، «شَ عٍ ﭑ مَ وَلِ تِدٍ تٌمَ نَ كِ نّ، عَ سَرٍ مُ فبٌ، عَ وْلّ. قّحّ يَءِلَنمَ شَ نَ تٌنفٌ.» ﭑ نَشَ نَ كْبِرِ كٌلٍ تٌنفٌ سَشَن تٌنفٌ، ﭑ نَشَ عٍ وْلّ عَلَتَلَ شَ بَنشِ كُي مِشِ ندٍ بّ نَشَن قّحّيٍ يَءِلَنمَ. 14نَ دَنفِ شَنبِ، ﭑ نَشَ ﭑ مَ يِسُشُوُرِ عِفِرَ نَشَن نُ شِلِ «لَنيِ،» بَرِ مَ لَنيِ مُ نَ يُدَيَ نُن عِسِرَيِلَ تَفِ سْنْن.
15عَلَتَلَ نَشَ عَ قَلَ ﭑ بّ، «عِ مَن شَ شُرُ سٍ دّ مَدٌنيِ شَشِلِتَرٍ شَ وَلِسٍيٍ تٌنفٌ. 16ﭑ شُرُ سٍ دّ مَدٌنيِ رَكٍلِمَ نّ يِ بْشِ مَ نَشَن مُ عَ حّنفِ سَمَ شُرُ سٍيٍ شْن مَ. شَ شُرُ سٍ كٍرٍن بَرَ لْي، عَ مُ سِفَمَ عَ قٍندٍ. شَ كٍرٍن بَرَ مَشْنْ، عَ مُ عَ دَندَنمَ. شَ كٍرٍن بَرَ شُنفبٌ قْلْ، عَ عَ سُبٍ بِرِن دٌنمَ نّ هَن عَ عَ تٌرٍ لِ.»
17«حَشَنكَتّ نَ شُرُ سٍ دّ مَدٌنيِ حَاشِ بّ،
نَشَن شُرُ سٍيٍ رَبّحِنمَ.
سَنتِدّفّمَ شَ عَ بّلّشّ سّفّ،
عَ شَ عَ يَ سْشْ.
عَ بّلّشّ نَشَ نْ قٍقٍ رَ،
عَ يَ نَشَ قٍ يٌ تٌ.»