بٌو سُ رُتِ قُتِقٍ
1بٌو سُ نَشَ سِفَ تَا نَادّ رَ، تَاكَيٍ مَلَنمَ دّننَشّ، عَ دْشْ. نَ شَبِلّ رَتَنفَمَ، بٌو سُ نُ نَشَن شَ قٍ قَلَمَ، نَ نَشَ قَ. بٌو سُ نَشَ عَ قَلَ عَ بّ، «ﭑ بَ، قَ عِ مَفٌرٌ بٍ.» عَ نَشَ قَ، عَ دْشْ. 2بٌو سُ مَن نَشَ عَ قَلَ تَا كُنتِفِ قُ بّ، «وٌ قَ، وٌ وٌ مَفٌرٌ بٍ.» عٍ تٌ دْشْ، 3بٌو سُ نَشَ عَ مَسٍن نَ شَبِلّ رَتَنفَمَ بّ، «نٌوٍ مِ، نَشَن كٍلِشِ مٌوَبَ، عَ وَ مَ عٍلِمٍلٍكِ شَ بْشِ مَتِقٍ. عِ عَ كٌلٌن، عٍلِمٍلٍكِ وٌن تَارَ نَ عَ رَ. 4ﭑ نُ وَ مَ عِ شَ كٌلٌن سْتْ نَ قٍ مَ، عِ شَ نَ بْشِ شُن سَرَ تَاكَيٍ نُن تَا كُنتِفِيٍ يَ شْرِ. شَ عِ نْمَ عَ شُن سَرَدٍ، عِ شَ عَ رَبَ. شَ عِ مُ نْمَ نَ رَ، عَ قَلَ ﭑ بّ، عَلَكٌ ﭑ شَ عَ كٌلٌن، بَرِ مَ مِشِ فبّتّ مُ نْمَ عَ شُن سَرَدٍ قٌ عِ شَ عِ شُي قِ. ﭑ تَن نَن عِ شَنبِ رَ.» نَ شّمّ نَشَ عَ يَابِ، «ﭑ عَ شُن سَرَ مَ نّ.»
5نَ تّمُي بٌو سُ نَشَ يِ وْيّنيِ سَ نَ قَرِ، عَ نَشّ، «عِ نّ يِ بْشِ سَرَ مَ لْشْي نَشّ نٌوٍ مِ نُن رُتِ مٌوَبَكَ مَ، عِ مَن شَ نَ كَاحّ فِنّ قَن دْشْ، عَلَكٌ قَشَمِشِ شِلِ نَشَ لْي نَ بْشِ شُن مَ.» 6نَ شَبِلّ رَتَنفَمَ نَشَ عَ يَابِ، «نَ كُي ﭑ مُ نْمَ عَ شُن سَرَدٍ، شَ نَ مُ عَ رَ ﭑ يّتّ كّ كَنَمَ نّ. عِ شَ عَ شُن سَرَ، ﭑ تَن مُ نْمَ.» 7سِنفٍ رَ عِسِرَيِلَ بْشِ مَ، شَ مِشِ ندٍ نُ وَ مَ لَنيِ شِرِقٍ، قٌ عَ شَ سَنكِرِ بَ، عَ شَ عَ سٌ عَ بٌورٍ يِ رَ. نَ نَن عَ مَسٍنمَ لَنيِ بَرَ فّ شِرِدٍ. 8نَ كُي، نَ شَبِلّ رَتَنفَمَ تٌ عَ قَلَ بٌو سُ بّ، «عِ شَ نَ بْشِ شُن سَرَ عِ يّتّ بّ،» عَ نَشَ عَ شَ سَنكِرِ بَ، عَ عَ سٌ بٌو سُ يِ رَ.
9نَ دَنفِ شَنبِ بٌو سُ نَشَ عَ مَسٍن تَا كُنتِفِيٍ نُن حَمَ بّ، «وٌ بَرَ قِندِ سٍيدٍيٍ رَ تٌ. عٍلِمٍلٍكِ، كِلْن، نُن مَشَلْن شَ سٍيٍ، ﭑ بَرَ عٍ بِرِن سَرَ نٌوٍ مِ مَ. 10مَشَلْن شَ فِنّ، رُتِ مٌوَبَكَ، ﭑ بَرَ نَ قَن دْشْ عَلَكٌ قَشَمِشِ شِلِ نَشَ لْي عَ شَ بْشِ شُن مَ، عَ شَبِلّ نُن عَ شَ تَا مِشِيٍ نَشَ نّيمُ عَ شَ قٍ مَ. تٌ وٌ بَرَ قِندِ يِ قٍ سٍيدٍيٍ رَ.» 11حَمَ نُن كُنتِفِيٍ نَشَ عَ يَابِ، «مُشُ بَرَ تِن قِندِدٍ سٍيدٍيٍ رَ! مُشُ بَرَ عَلَتَلَ مَشَندِ يِ فِنّ بّ نَشَن سٌقٍ عِ شْنيِ.
عَلَتَلَ شَ عَ لُ عَلْ رَشٍلٍ نُن لٍيَ نَشٍيٍ بَرَ دِيٍ سْتْ،
عٍ قِندِ عِسِرَيِلَ حَمَ رَ.
عَلَتَلَ شَ سّنبّ قِ عِ مَ عٍقَرَتَ شَبِلّ يَ مَ.
عَلَتَلَ شَ شِلِ شُنفبٍ قِ عِ مَ بّتّلّيمُ تَا كُي.
12عَلَتَلَ شَ دِ فبٍفبٍ قِ عِ مَ يِ سُنفبُتُنيِ سَابُي رَ.
عَلَتَلَ شَ وٌ شَ دِيٍ قِندِ دٍنبَيَ رَ عَلْ ثٍرٍ سِ شَ دٍنبَيَ،
ثٍرٍ سِ نَشَن تَمَرِ بَرِشِ يُدَ بّ.»
13نَ تّمُي، بٌو سُ نَشَ رُتِ شَ قُتِ شِرِ. عٍ تٌ لُ يِرٍ كٍرٍن، عَلَتَلَ نَشَ عَ رَفِرِ رُتِ شَ تّفّ، عَ دِ سْتْ. 14نَ كُي فِنّيٍ نَشَ عَ قَلَ نٌوٍ مِ بّ، «عَلَ تَنتُ، بَرِ مَ عَلَتَلَ بَرَ شَبِلّ رَتَنفَمَ قِ عِ مَ. عِسِرَيِلَكَيٍ شَ تَنتُي رَ سِفَ عَلَ مَ! 15يِ دِ قَمَ مّينِدٍ عِ مَ، عَ عِ كَنتَمَ عِ شَ حّلّشّقٌرِحَ كُي. عِ شَ مَمَدِ رُتِ، نَشَن يِ دِ سْتْشِ عِ بّ، عَ قَن عِ شَنُمَ، عَ تِدٍ فبٌ عِ بّ دَنفِ دِ سٌلٌقٍرٍ رَ.»
16نٌوٍ مِ نَشَ نَ دِيْرّ تٌنفٌ، عَ عَ سَ عَ كَنكٍ مَ، عَ قِندِ عَ مّينِمَ رَ. 17نٌوٍ مِ دْشْبٌورٍ فِنّيٍ نَشَ شِلِ سَ يِ دِيْرّ شُن مَ، عَ قَلَقٍ رَ، «نٌوٍ مِ بَرَ دِ سْتْ، عَ شِلِ عٌبٍدٌ.» عٌبٍدٌ شَ دِ نَن يِسَيِ رَ. يِسَيِ شَ دِ نَن دَوُدَ رَ.
18ثٍرٍ سِ شَ تَرُشُي نَن يَ؛
ثٍرٍ سِ نَشَ هٍسٍرٌن سْتْ.
19هٍسٍرٌن نَشَ رَ مِ سْتْ.
رَ مِ نَشَ عَمِنَدَبٌ سْتْ.
20عَمِنَدَبٌ نَشَ نَشَسٌن سْتْ.
نَشَسٌن نَشَ سَلِمٌن سْتْ.
21سَلِمٌن نَشَ بٌو سُ سْتْ.
بٌو سُ نَشَ عٌبٍدٌ سْتْ.
22عٌبٍدٌ نَشَ يِسَيِ سْتْ.
يِسَيِ نَشَ دَوُدَ سْتْ.