عِسِرَيِلَ شَ مَتْشْي
عَلَتَلَ مَتْشْي
1وٌ مَرِفِ عَلَتَلَ مَتْشْ،
وٌ عَ شِلِ مَتْشْ.
عَلَتَلَ شَ كٌنيِيٍ، وٌ شَ عَ مَتْشْ،
2وٌ تَن نَشٍيٍ وَلِمَ عَلَتَلَ شَ هْرْ مْبَنشِ كُي،
وٌن تَن نَشٍيٍ وَلِمَ عَلَ شَ بَنشِ تّتّ كُي.
3وٌ شَ عَلَتَلَ مَتْشْ، بَرِ مَ عَ قَن.
وٌ شَ بّيتِ بَ عَ شِلِ مَتْشْقٍ رَ،
بَرِ مَ عَ رَقَن عَ مَ.
4عَلَتَلَ بَرَ يَشُبَ سُفَندِ عَ يّتّ بّ،
عَلَكٌ عِسِرَيِلَ شَ قِندِ عَ شَ حَمَ قَنيِ رَ.
5ﭑ تَن عَ كٌلٌن عَ عَلَتَلَ فبٌ،
وٌن مَرِفِ دَنفِ عَلَيٍ بِرِن نَ.
6عَلَتَلَ عَ وَشْنقٍ رَبَمَ نّ كٌورٍ نُن بْشِ مَ،
عَ عَ رَبَمَ نّ بَا تِلِنشِيٍ مَ.
7عَ نُشُييٍ رَتٍمَ كٍلِ دُنِحَ تُنشُنيِ نَانِ مَ،
عَ تُنّ رَقَ نُن سٍيَمَكْنيِ،
عَ قٌيٍ شُنفبٍ رَ مِنِ عَ رَفَتَدٍ كُي.
8عَ مِسِرَ دِ سِنفٍيٍ بِرِن قَشَ،
كٍلِ مِشِيٍ مَ هَن عَ سَ شُرُ سٍيٍ لِ.
9عَ نَشَ تْنشُمَيٍ نُن كَابَنَكٌي رَبَ مِسِرَ،
قِرَوُنَ نُن عَ شَ وَلِكّيٍ بِرِن شِلِ مَ.
10عَ نَشَ سِيٍ وُيَشِ بْنبْ،
عَ مَنفّ سّنبّمَ فبٍفبٍ قَشَ.
11عَ نَشَ عَمٌرِكَيٍ شَ مَنفّ سِشْن،
بَسَن مَنفّ عٌفٌ، نُن كَنَان مَنفّ بِرِن شَ بْشِ تٌنفٌ،
12عَ نَشَ عَ قِ عَ شَ حَمَ عِسِرَيِلَ مَ كّ رَ.
13عَلَتَلَ، عِ شِلِ مُ لْيمَ عَبَدَن،
عِ شِلِ عِقَلَمَ نّ تّمُي بِرِن،
14بَرِ مَ عَلَتَلَ قَمَ نّ عَ شَ حَمَ فبٍحْشْدٍ،
عَ قَ كِنِكِنِ عَ شَ كٌنيِيٍ مَ.
15سِ نَشٍيٍ مُ عَلَ كٌلٌن،
عٍ كُيٍيٍ يَءِلَنمَ شّيمَ نُن فبٍتِ نَن نَ عٍ بّلّشّيٍ رَ.
16دّ نَ نَ كُيٍيٍ بّ، كْنْ عٍ مُ وْيّنمَ.
يَيٍ نَ عٍ بّ، كْنْ عٍ مُ سٍ تٌمَ.
17تُلِيٍ نَ عٍ بّ، كْنْ عٍ مُ قٍ مّمَ.
حّنفِ يٌ مُ عٍ قَتٍ عِ.
18عٍ رَقَلَمَيٍ شَ لُ عَلْ عٍ تَن،
عَ نُن نَشٍيٍ بِرِن لَمَ عٍ رَ.
19عِسِرَيِلَكَيٍ، وٌ تَن شَ عَلَتَلَ تَنتُ.
هَرُنَ بْنسْي، وٌ شَ عَلَتَلَ تَنتُ.
20لٍوِ بْنسْي، وٌ شَ عَلَتَلَ تَنتُ.
وٌ تَن عَلَ يَرَفَاشُييٍ، وٌ شَ عَلَتَلَ تَنتُ.
21تَنتُي نَ عَلَتَلَ بّ كٍلِقٍ سِيٌنِ.
تَنتُي نَ عَلَتَلَ بّ نَشَن سَبَتِشِ دَرِ سَلَمُ.
وٌ شَ عَلَتَلَ مَتْشْ!