سَيَمَلٍكّ دَنفِ سَلِ
1عِسِرَيِلَكَيٍ تٌ مِنِ مِسِرَ بْشِ مَ، عٍ قَ لُ فبٍنفبٍرٍن يِرٍ حّ قِرِن، نَ كِكٍ سِنفٍ عَلَتَلَ نُ بَرَ عَ مَسٍن مُنسَ بّ تُرُ سِنِنَ فبٍنفبٍرٍنيِ مَ، 2«عِسِرَيِلَكَيٍ شَ سَيَمَلٍكّ دَنفِ سَلِ رَبَ 3يِ كِكٍ شِ قُ نُن نَانِ، سٌفٍ دُلَ تّمُي عَلْ عَ يَمَرِشِ كِ نَشّ.»
4مُنسَ نَشَ عَ قَلَ عِسِرَيِلَكَيٍ بّ، عَ عٍ شَ سَيَمَلٍكّ دَنفِ سَلِ رَبَ. 5عٍ نَشَ نَ سَلِ رَبَ كِكٍ سِنفٍ شِ قُ نُن نَانِ سٌفٍ دُلَ تّمُي تُرُ سِنِنَ فبٍنفبٍرٍنيِ مَ. عٍ نَشَ عَ رَبَ، عَلْ عَلَتَلَ عَ يَمَرِ كِ نَشّ مُنسَ بّ.
6كْنْ نَ لْشْي، مِشِ ندٍيٍ مُ نْ سَيَمَلٍكّ دَنفِ سَلِ رَبَ بَرِ مَ عٍ نُ بَرَ دِن مِشِ قُرٍ رَ، عٍ قَ قِندِ سّنِيّنتَرٍ رَ نَ لْشْي. نَ لْشْي كٍرٍنيِ عٍ نَشَ سِفَ مُنسَ نُن هَرُنَ يِرٍ. 7عٍ عَ قَلَ عٍ بّ، «مُشُ مُ سّنِيّن قُرٍ شَ قٍ رَ، كْنْ مُنقٍ رَ مُشُ مُ لَن مُشُ شَ قَ مُشُ شَ هَدِيَ رَ عَلَتَلَ بّ عَلْ عِسِرَيِلَكَ بِرِن؟» 8مُنسَ نَشَ عٍ يَابِ، «وٌ مَمّ تِ سِندٍن، ﭑ شَ عَ مَتٌ عَلَتَلَ نَشَن يَمَرِ مَ وٌ شَ قٍ رَ.» 9عَلَتَلَ نَشَ عَ مَسٍن مُنسَ بّ، 10«شَ وٌ مُ سّنِيّن قُرٍ ندٍ شَ قٍ رَ، شَ نَ مُ عَ رَ وٌ نَ بِيَاسِ كُي، وٌ مَن نْمَ سَيَمَلٍكّ دَنفِ سَلِ رَبَدٍ عَلَتَلَ شَ بِنيّ بُن مَ، كٍلِ وٌ تَن مَ هَن عَ سَ وٌ بْنسْي لِ. 11كْنْ عٍ تَن شَ عَ رَبَ كِكٍ قِرِن ندٍ شِ قُ نُن نَانِ سٌفٍ دُلَ تّمُي. عٍ يّشّي دٌن عَ نُن تَامِ لّبِنِتَرٍ نُن بُرّشّ شْنّ رَ. 12عَ دْنشْي يٌ نَشَ لُ هَن فّيسّفّ. عَ شْرِ قَن مُ عِبْو مَ. عٍ شَ نَ سَلِ رَبَ عَ سّرِيّ كِ مَ. 13كْنْ شَ مِشِ سّنِيّنشِ نَشَن مُ نَ بِيَاسِ كُي، عَ تٌندِ سَيَمَلٍكّ دَنفِ سَلِ رَبَدٍ، نَ كَنيِ لَنمَ عَ شَ بَ عَلَتَلَ شَ حَمَ يَ مَ، بَرِ مَ عَ مُ قَ هَدِيَ رَ عَلَتَلَ بّ عَ وَشَتِ. نَ كَنيِ قَمَ نّ عَ شَ يُنُبِ سَرٍ سْتْدٍ.»
14«شَ عِ شَ شْحّ ندٍ وَ مَ سَيَمَلٍكّ دَنفِ سَلِ رَبَقٍ، عَ شَ عَ رَبَ عَ سّرِيّ كِ مَ. سّرِيّ نَشَن سَشِ تَا كَنيِيٍ مَ، نَ سّرِيّ كٍرٍنيِ نَن لُمَ نَ شْحّ قَن مَ.»
15هْرْ مْلِنفِرَ تِ لْشْي، سَاتّ وَلَشّيٍ نَ دّننَشّ، نُشُي ندٍ نَشَ دُ سُ نَ شُن نَ. كٍلِ نُنمَرٍ هَن كُيٍ عِبَ، عَ نُ نَ هْرْ مْلِنفِرَ قَرِ، عَ مَنِيَشِ تّ رَ. 16تّمُي بِرِن عَ نُ نَ نَ كِ نّ، نُشُي نُ نَ هْرْ مْلِنفِرَ قَرِ يَنيِ رَ، عَ قَ يَنبَ عَلْ تّ كْي رَ. 17نُشُي نّقّ كٍلِ هْرْ مْلِنفِرَ شُن مَ، عِسِرَيِلَكَيٍ قَن بَرَ كٍلِ، عٍ حّرّ قْلْ هَن عَ فٌرٌ، عٍ قَ يٌنكِن مّننِ. 18نَ كُي عِسِرَيِلَكَيٍ نُ حّرّ مَ عَلَتَلَ شَ يَامَرِ نَن بُن مَ، عٍ مَن نُ يٌنكِنمَ عَلَتَلَ شَ يَامَرِ نَن مَ. قَننِ نُشُي نَ هْرْ مْلِنفِرَ شُن مَ، عٍ قَن يٌنكِنمَ مّننِ نّ. 19شَ نُشُي سَ بُ هْرْ مْلِنفِرَ قَرِ عَ فبٍ رَ، عِسِرَيِلَكَيٍ نُ بِرَ مَ عَلَتَلَ شَ يَامَرِ نَن قْشْ رَ، عٍ لُ مّننِ. 20تّمُي ندٍيٍ نَ نُشُي مُ بُمَ، عَ كٍلِ. عِسِرَيِلَكَيٍ نُ لُمَ عَلَتَلَ شَ يَامَرِ نَن بُن مَ، عٍ قَن كٍلِ، عٍ يٌنكِن نُشُي يِرٍ. 21تّمُي ندٍيٍ نُشُي بَرَ لُ يِرٍ شِ كٍرٍن، كٍلِ كْي رَ هَن كُيٍ عِبَ، عَ قَ سِفَ. عَ نّقّ كٍلِ، عِسِرَيِلَكَيٍ قَن بَرَ كٍلِ، عٍ بِرَ عَ قْشْ رَ. 22شَ نُشُي لُ هْرْ مْلِنفِرَ شُن مَ شِ قِرِن، شَ نَ مُ كِكٍ كٍرٍن، شَ نَ مُ حّ كٍرٍن، عِسِرَيِلَكَيٍ مُ نُ كٍلِمَ عٍ يٌنكِندٍ، قٌ نَ نُشُي نَ كٍلِ هْرْ مْلِنفِرَ شُن مَ تّمُي نَشّ. 23عٍ نُ يٌنكِنمَ عَلَتَلَ شَ يَامَرِ نَن بُن مَ، عٍ نُ كٍلِمَ عَلَتَلَ شَ يَامَرِ نَن بُن مَ. عٍ نُ بِرَ مَ عَلَتَلَ شَ يَامَرِ نَن قْشْ رَ، عَ نَشَن قِشِ مُنسَ سَابُي رَ.