لَنثُييٍ دْشْقٍ
1عَلَتَلَ نَشَ عَ مَسٍن مُنسَ بّ، 2«عَ قَلَ هَرُنَ بّ، عَ شَ لَنثُي سٌلٌقٍرٍ دْشْ عَلَكٌ عٍ شَ يَنبَ عٍ دْشْسٍ يَ رَ.» 3هَرُنَ عَ رَبَ نَ كِ نّ. عَ نَشَ لَنثُي دْشْ عَلْ عَلَتَلَ عَ يَمَرِ كِ نَشّ مُنسَ بّ. 4لَنثُييٍ دْشْسٍ نُ رَقَلَشِ شّيمَ دِنشِ نَن نَ، كٍلِقٍ عَ سَنبُنيِ مَ هَن عَ شُنيِ، عَلْ عَلَتَلَ عَ مَسٍنشِ مُنسَ بّ كِ نَشّ.
5عَلَتَلَ نَشَ عَ مَسٍن مُنسَ بّ، 6«لٍوِ بْنسْي بَ عِسِرَيِلَكَيٍ يَ مَ، عِ شَ عٍ رَ سّنِيّن. 7عِ عٍ رَ سّنِيّنمَ يِ كِ نّ. مَرَ سّنِيّن يٍ مَكَسَن عٍ مَ. عٍ شَ عٍ قَتٍ مَشَبٍ بِرِن بِ، عٍ شَ عٍ شَ دُفِيٍ شَ، عَلَكٌ عٍ شَ سّنِيّن. 8نَ شَنبِ، عٍ شَ تُورَ كٍرٍن بَ سّرّشّ رَ، عَ نُن مّنفِ نَشَن مَسُنبُشِ تُرٍ رَ. عِ شَ تُورَ فبّتّ بَ يُنُبِ شَقَرِ سّرّشّ رَ. 9عِ شَ لٍوِ بْنسْي نُن عِسِرَيِلَكَ بِرِن مَلَن هْرْ مْلِنفِرَ سٌدٍ دّ رَ. 10مّننِ، عَلَتَلَ يَ شْرِ، عِسِرَيِلَكَيٍ شَ عٍ بّلّشّ سَ لٍوِ بْنسْي مِشِيٍ مَ. 11هَرُنَ نَن قَمَ عٍ دّنتّفّدٍ عَلَتَلَ بّ عٍ شَ لُ عَلْ سّرّشّ عِسِرَيِلَكَيٍ حْشْي رَ. نَ كُي عٍ نْمَ عَلَتَلَ شَ وَلِ رَبَدٍ.»
12«لٍوِ بْنسْي مِشِيٍ شَ عٍ بّلّشّ سَ نَ تُورَ قِرِنيِيٍ مَ. كٍرٍن بَمَ يُنُبِ شَقَرِ سّرّشّ نَن نَ، بٌورٍ بَ سّرّشّ فَن دَاشِ رَ، عَلَكٌ عٍ شَ يُنُبِيٍ شَ شَقَرِ. 13لٍوِ بْنسْي نَ تِ هَرُنَ نُن عَ شَ دِيٍ يَ عِ، عِ شَ عٍ دّنتّفّ عَ سّرّشّ كِ مَ عَلَتَلَ بّ. 14عَ لِمَ نّ، نَ تّمُي، عِ بَرَ لٍوِ بْنسْي تَن بَ عِسِرَيِلَكَيٍ يَ مَ، عٍ شَ قِندِ ﭑ فبٍ رَ.»
15«عِ نَ فّ عٍ رَ سّنِيّندٍ عَ سّرّشّ كِ مَ، لٍوِ بْنسْي قَمَ نّ سٌدٍ عٍ شَ هْرْ مْلِنفِرَ وَلِ كُي. 16عِسِرَيِلَكَيٍ نَن عٍ رَ نَشٍيٍ قِندِشِ ﭑ فبٍ رَ عِسِرَيِلَ دِ سِنفٍ بِرِن حْشْي رَ. 17عِسِرَيِلَ دِ سِنفٍ بِرِن نُن عٍ شَ شُرُ سٍ دِ سِنفٍ بِرِن قِندِشِ ﭑ فبٍ نَن نَ، كَقِ ﭑ سَ مِسِرَكَيٍ شَ دِ سِنفٍ بِرِن قَشَ تّمُي نَشّ. 18ﭑ نَشَ لٍوِ بْنسْي تٌنفٌ عِسِرَيِلَ دِ سِنفٍ بِرِن حْشْي رَ. 19ﭑ بَرَ عٍ سٌ هَرُنَ نُن عَ شَ دِيٍ يِ رَ عِسِرَيِلَكَيٍ تَفِ، عَلَكٌ عٍ شَ هْرْ مْلِنفِرَ وَلِ رَبَ عِسِرَيِلَكَيٍ شِلِ رَ. عٍ مَن شَ يُنُبِ شَقَرِ سّرّشّ بَ عِسِرَيِلَكَيٍ بّ، عَلَكٌ فبَلٌي يٌ نَشَ فٌرٌ عِسِرَيِلَكَيٍ مَ عٍ نَ مَكْرّ يِرٍ سّنِيّنشِ رَ تّمُي نَشّ.»
20مُنسَ، هَرُنَ، نُن حَمَ بِرِن نَشَ نَ رَبَ لٍوِ بْنسْي رَ عَلْ عَلَتَلَ عَ يَمَرِ كِ نَشّ. 21لٍوِ بْنسْي نَشَ عٍ يّتّ رَ سّنِيّن، عٍ نَشَ عٍ شَ دُفِيٍ شَ. هَرُنَ نَشَ عٍ دّنتّفّ عَلَتَلَ بّ. عَ نَشَ عٍ شَ يُنُبِ شَقَرِ سّرّشّ بَ عٍ بّ عٍ شَ سّنِيّن. 22نَ تٌ بَ عَ رَ، لٍوِ بْنسْي نَشَ قَ عٍ شَ وَلِ سُشُ هْرْ مْلِنفِرَ شَ قٍ رَ هَرُنَ نُن عَ شَ دِيٍ شَ يَامَرِ بُن مَ، عَلْ عَلَتَلَ عَ يَمَرِ مُنسَ بّ كِ نَشّ.
23عَلَتَلَ نَشَ عَ مَسٍن مُنسَ بّ، 24«لٍوِ بْنسْي مِشِيٍ شَ سِمَيَ نَ حّ مْشْحّن نُن سُولِ لِ، عٍ نْمَ هْرْ مْلِنفِرَ وَلِ سُشُدٍ. 25عٍ نَ حّ تٌنفٌ سُولِ سْتْ، عٍ شَ نَ وَلِ لُ نَا. 26عٍ نْمَ عٍ نفَشَكٍرٍنيِيٍ مَلِدٍ نَ وَلِ كُي، كْنْ عٍ تَن مُ نْمَ نَ رَبَدٍ سْنْن. عِ شَ نَ سّرِيّيٍ سُشُ لٍوِ بْنسْي شَ قٍ رَ هْرْ مْلِنفِرَ وَلِ رَبَقٍ مَ.»