مَدِيَنكَيٍ فٍرٍقٍ
1عَلَتَلَ نَشَ يِ مَسٍنيِ تِ مُنسَ بّ، 2«عِ شَ عِسِرَيِلَكَيٍ فبٍ حْشْ مَدِيَنكَيٍ مَ. عِ نَ فّ نَ رَ، عِ قَ تَا مَسَرَ.» 3مُنسَ نَشَ عَ قَلَ حَمَ بّ، «شّمّ ندٍيٍ شَ فٍرٍ سٌسٍيٍ تٌنفٌ مَدِيَن شِلِ مَ وٌ فبٍ حْشْدٍ عَلَتَلَ شِلِ رَ. 4عِسِرَيِلَ بْنسْي بِرِن شَ مِشِ وُلُ كٍرٍن كٍرٍن بَ فٍرٍ سٌي رَ.»
5عِسِرَيِلَ بْنسْي قُ نُن قِرِن نَشَ مِشِ وُلُ كٍرٍن كٍرٍن بَ فٍرٍ سٌي رَ. 6مُنسَ نَشَ نَ سْورِ وُلُ قُ نُن قِرِن شّي فٍرٍ تِدٍ. عٍلٍيَسَرِ سّرّشّدُبّ شَ دِ شّمّ قِنٍشَسِ نَشَ عٍ مَتِ، سٍ سّنِيّنشِيٍ نُ نَ عَ يِ رَ، عَ نُن سَرَ نَشٍيٍ تْنشُمَ قِمَ عٍ بٌورٍ مَ فٍرٍ شَ قٍ رَ. 7عٍ نَشَ سِفَ فٍرٍ تِدٍ مَدِيَن شِلِ مَ، عَلْ عَلَتَلَ عَ يَمَرِ كِ نَشّ مُنسَ بّ. عٍ نَشَ نَ شّمّيٍ بِرِن قَشَ، 8عَ نُن مَدِيَن مَنفّ سُولِ؛ عٍقِ، رٍكٍمِ، سُورُ، شُرُ، نُن رٍبَ. عٍ نَشَ بٍيٌرِ شَ دِ شّمّ بَلَمِ قَن قَشَ سَنتِدّفّمَ رَ. 9عٍ نَشَ مَدِيَن فِنّيٍ نُن عٍ شَ دِ بِرِن قِندِ كٌنيِيٍ رَ. عٍ نَشَ عٍ شَ شُرُ سٍيٍ، عٍ شَ فْورّيٍ، نُن عٍ هَرِفٍ بِرِن تٌنفٌ. 10عٍ نَشَ عٍ شَ تَايٍ نُن عٍ شَ دَاشَيٍ فَن. 11عٍ نَشَ عٍ شَ هَرِفٍ، عٍ شَ شُرُ سٍيٍ، نُن عٍ شَ فِنّيٍ سُشُ، 12عٍ عٍ شَنِن مُنسَ، عٍلٍيَسَرِ، نُن عِسِرَيِلَ حَمَ شْن مَ عٍ يٌنكِندٍ مٌوَبَ قِيلِ مَ، يُرُدّن شُرٍ دّ عِ، يٍرِكٌ يَ تَفِ.
13مُنسَ، عٍلٍيَسَرِ سّرّشّدُبّ، نُن عِسِرَيِلَ حَمَ يَرٍرَتِيٍ نَشَ عٍ رَلَن يٌنكِندٍ قَرِ مَ. 14مُنسَ نَشَ شْنْ سْورِ وُلُ شُنيِيٍ نُن سْورِ كّمّ شُنيِيٍ مَ، عَ عَ قَلَ عٍ بّ، 15«مُنقٍ رَ وٌ مُ يِ فِنّيٍ قَشَ؟ 16عٍ تَن نَن بِرَ بَلَمِ شَ مَرَ سِ قْشْ رَ، عٍ عِسِرَيِلَكَيٍ رَ مِنِ عَلَتَلَ شَ كِرَ شْن ثٍيٌرِ، عَلَتَلَ قَ فبَلٌي رَفٌرٌ عَ شَ حَمَ مَ. 17عَوَ، يَكْسِ، وٌ شّمّ دِ مّ بِرِن قَشَ، عَ نُن فِنّ نَشٍيٍ بَرَ شّمّ قٍ كٌلٌن. 18فِنّ دِ مّدِيٍ تَن، وٌ شَ نٍيٍ رَفَتَ وٌ يّتّ بّ. 19وٌ تَن نَشٍيٍ بَرَ مِشِ قَشَ، شَ نَ مُ وٌ بَرَ دِن قُرٍ رَ، وٌ شَ لُ يٌنكِندٍ قَرِ مَ شِ سٌلٌقٍرٍ، عَ نُن مِشِيٍ وٌ نَشٍيٍ سُشُ فٍرٍ كُي. وٌ شَ وٌ يّتّ نُن وٌ شَ مِشِ سُشُشِيٍ رَ سّنِيّن عَ شِ سَشَن ندٍ نُن عَ شِ سٌلٌقٍرٍ ندٍ. 20وٌ شَ وٌ شَ دُفِيٍ قَن نَسّنِيّن عَ نُن سٍيٍ نَشَن تَن بِرِن نَقَلَشِ كِرِ، سِ شَبٍ، نُن وُرِ رَ.»
21عٍلٍيَسَرِ سّرّشّدُبّ نَشَ عَ قَلَ سْورِيٍ بّ نَشٍيٍ فٍرٍ تِشِ، «عَلَتَلَ شَ سّرِيّ نَن يَ عَ نَشَن مَسٍنشِ مُنسَ بّ؛ 22شّيمَ، فبٍتِ، وُرٍ فبٍيلِ، وُرٍ، يْشُي، نُن سُنبُي، 23سٍ نَشَن بِرِن مُ فَنمَ تّ رَ، وٌ شَ عَ رَ سٌ تّ، عَ شَ سّنِيّن. نَ دَنفِ شَنبِ وٌ مَن شَ عَ رَ سّنِيّن يٍ رَ. سٍ نَشَن مُ نْمَ رَ سٌدٍ تّ، وٌ شَ نَ رَ سّنِيّن يٍ رَ. 24وٌ شَ وٌ شَ دُفِيٍ شَ عَ شِ سٌلٌقٍرٍ ندٍ. نَ تّمُي وٌ بَرَ سّنِيّن، وٌ قَ نْمَ سٌدٍ يٌنكِندٍ.»
سْتْسٍ عِتَشُنقٍ
25عَلَتَلَ نَشَ عَ مَسٍن مُنسَ بّ، 26«عِ تَن، عٍلٍيَسَرِ سّرّشّدُبّ، نُن عِسِرَيِلَ كُنتِفِيٍ، وٌ شَ يِ مِشِ سُشُشِيٍ، نُن عٍ شَ شُرُ سٍيٍ كْنتِ، وٌ نَشٍيٍ سْتْشِ فٍرٍ كُي. 27عِ شَ عٍ عِتَشُن سْورِيٍ نُن حَمَ رَ. 28سْورِيٍ فبٍ يَ مَ، عِ شَ مِشِ كٍرٍن تٌنفٌ مِشِ كّمّ سُولِ يٌ مِشِ كّمّ سُولِ تَفِ، عَ شَ قِندِ ﭑ فبٍ رَ. شُرُ سٍيٍ قَن نَ كِ، كّمّ سُولِ يٌ كّمّ سُولِ، عِ كٍرٍن نَن تٌنفٌمَ عٍ يَ مَ ﭑ بّ. عَ قِندِ نِنفٍيٍ رَ، عَ قِندِ سٌقَلٍيٍ رَ، عَ قِندِ شُرُ سٍ لَنمَيٍ رَ. 29عِ شَ نٍيٍ بَ سْورِيٍ فبٍ يَ مَ، عِ عٍ قِ عٍلٍيَسَرِ سّرّشّدُبّ مَ عَلَتَلَ شِلِ رَ. 30عِسِرَيِلَ حَمَ فبٍ يَ مَ، عِ شَ مِشِ كٍرٍن تٌنفٌ مِشِ تٌنفٌ سُولِ يٌ مِشِ تٌنفٌ سُولِ يَ مَ، كّمّ سُولِ يٌ كّمّ سُولِ، عِ كٍرٍن نَن تٌنفٌمَ عٍ يَ مَ ﭑ بّ. عَ قِندِ نِنفٍيٍ رَ، عَ قِندِ سٌقَلٍيٍ رَ، عَ قِندِ شُرُ سٍ لَنمَيٍ رَ. عِ شَ نٍيٍ سٌ لٍوِ بْنسْي يِ رَ، نَشٍيٍ عٍ حْشْ سَشِ ﭑ مَ هْرْ مْلِنفِرَ شْن.»
31مُنسَ نُن عٍلٍيَسَرِ سّرّشّدُبّ نَشَ عَ رَبَ، عَلْ عَلَتَلَ عَ يَمَرِ كِ نَشّ مُنسَ بّ. 32نَشَن سْتْ فٍرٍ كُي، عَ شَسَبِ لَن شُرُ سٍ لَنمَ وُلُ كّمّ سٍننِ وُلُ تٌنفٌ سٌلٌقٍرٍ نُن سُولِ نَن مَ، 33نِنفٍ وُلُ تٌنفٌ سٌلٌقٍرٍ نُن قِرِن، 34سٌقَلٍ وُلُ تٌنفٌ سٍننِ نُن كٍرٍن، 35فِنّ نَشٍيٍ مُ شّمّ قٍ كٌلٌن، مِشِ وُلُ تٌنفٌ سَشَن نُن قِرِن. 36سّيتِ نَشَن قِشِ سْورِيٍ مَ نَشٍيٍ فٍرٍ تِ، عَ شَسَبِ نَشَ لَن شُرُ سٍ لَنمَ وُلُ كّمّ سَشَن وُلُ تٌنفٌ سَشَن نُن سٌلٌقٍرٍ كّمّ سُولِ مَ. 37عَلَتَلَ فبٍ نَشَن بَ نَ رَ، نَ نَشَ لَن شُرُ سٍ لَنمَ كّمّ سٍننِ تٌنفٌ سٌلٌقٍرٍ نُن سُولِ مَ. 38نِنفٍ نَشٍيٍ قِشِ سْورِيٍ مَ، عٍ شَسَبِ نَشَ لَن وُلُ تٌنفٌ سَشَن نُن سٍننِ مَ. عَلَتَلَ فبٍ نَشَن بَ نَ رَ، نَ نَشَ لَن نِنفٍ تٌنفٌ سٌلٌقٍرٍ نُن قِرِن مَ. 39سٌقَلٍ نَشٍيٍ قِشِ سْورِيٍ مَ، عٍ شَسَبِ نَشَ لَن وُلُ تٌنفٌ سَشَن كّمّ سُولِ مَ. عَلَتَلَ فبٍ نَشَن بَ نَ رَ، نَ نَشَ لَن سٌقَلٍ تٌنفٌ سٍننِ نُن كٍرٍن مَ. 40مِشِ نَشٍيٍ قِشِ سْورِيٍ مَ، عٍ شَسَبِ نَشَ لَن وُلُ قُ نُن سٍننِ مَ. عَلَتَلَ فبٍ نَشَن بَ نَ رَ، نَ نَشَ لَن مِشِ تٌنفٌ سَشَن نُن قِرِن مَ. 41مُنسَ نَشَ عَلَتَلَ فبٍ قِ عٍلٍيَسَرِ سّرّشّدُبّ مَ، عَلْ عَلَتَلَ عَ يَمَرِ كِ نَشّ.
42عِسِرَيِلَ حَمَ فبٍ، مُنسَ نَشَن سٌ عٍ يِ رَ، نَشَن مُ نُ نَ سْورِيٍ فبٍ يَ مَ، 43نَ قِندِشِ شُرُ سٍ لَنمَيٍ وُلُ كّمّ سَشَن تٌنفٌ سَشَن نُن سٌلٌقٍرٍ كّمّ سُولِ نَن مَ، 44عَ نُن نِنفٍ وُلُ تٌنفٌ سَشَن نُن سٍننِ، 45عَ نُن سٌقَلٍ وُلُ تٌنفٌ سَشَن كّمّ سُولِ، 46عَ نُن مِشِ وُلُ قُ نُن سٍننِ. 47نَ كُي، شُرُ سٍيٍ بَ، مِشِيٍ بَ، تٌنفٌ سُولِ يٌ تٌنفٌ سُولِ، مُنسَ نَشَ كٍرٍن كٍرٍن بَ عَ بِرِن نَ، عَ عٍ سٌ لٍوِ بْنسْي يِ رَ، نَشٍيٍ عٍ حْشْ سَشِ عَلَتَلَ شَ هْرْ مْلِنفِرَ شْن، عَلْ عَلَتَلَ عَ يَمَرِ عَ بّ كِ نَشّ.
تَنتُي هَدِيَ
48سْورِ كّمّ شُنيِيٍ نُن سْورِ وُلُ شُنيِيٍ نَشَ قَ مُنسَ يِرٍ، 49عٍ عَ قَلَ عَ بّ، «مُشُ تَن عِ شَ كٌنيِيٍ، مُشُ بَرَ سْورِيٍ كْنتِ نَشٍيٍ نُ نَ مُشُ شَ يَامَرِ بُن مَ. عٍ بِرِن نَ نَ. 50نَ نَن عَ تٌشِ مُشُ بَرَ قَ هَدِيَيٍ رَ عَلَتَلَ بّ شُنسَرٍ شَ قٍ رَ. كَنكَن بَرَ قَ عَ سْتْسٍيٍ رَ عَلْ بّلّشّرَ سٌي، شُرُندّيٍ، تُلِرَ سٌي، نُن كْنمَفٌرٍ شّيمَ دَاشِ.»
51مُنسَ نُن عٍلٍيَسَرِ سّرّشّدُبّ نَشَ نَ سٍيٍ شّيمَ دَاشِ رَ سُشُ عٍ يِ رَ. 52نَ شّيمَ بِرِن، سْورِ شُنيِيٍ قَ نَشَن نَ عَلَتَلَ بّ، عَ شَسَبِ لَن قَيِدَ شّيمَ كِلٌ كّمّ تٌنفٌ سٌلٌقٍرٍ نَن مَ. 53سْورِيٍ تَن نُ عٍ فبٍيٍ رَفَتَشِ عٍ يِ رَ. 54مُنسَ نُن عٍلٍيَسَرِ سّرّشّدُبّ نَشَ نَ سٍيٍ بِرِن نَسُشُ سْورِ وُلُ شُنيِيٍ نُن سْورِ كّمّ شُنيِيٍ يِ رَ، عٍ عَ شَنِن هْرْ مْلِنفِرَ يِرٍ، عَلَكٌ نَ شَ قِندِ تْنشُمَ رَ عِسِرَيِلَ شَ قٍ رَ عَلَتَلَ بّ.