عِسِرَيِلَ يَشُييٍ كَتَقٍ وَلِ كَنَدٍ
1سَنبَلَتِ، تٌبِيَ، فٍسٍمِ عَرَبُكَ، نُن مُشُ يَشُي بِرِن تٌ عَ مّ عَ مُشُ بَرَ فّ تّتّ يَءِلَندٍ، يَلٍ يٌ مُ نُ نَ عَ مَ سْنْن، نَادّ فبَكُقٍ فبَنسَن نَن نُ قَ لُشِ، 2سَنبَلَتِ نُن فٍسٍمِ نَشَ شّيرَ شّي ﭑ شْن مَ، عَ قَلَقٍ، «قَ، وٌن شَ وٌن بٌرٍ تٌ كٍقِرِ مِ دَاشَ، عٌنٌ فُلُنبَ كُي.» عٍ نُ وَ مَ قٍ حَاشِ نَن نَبَقٍ ﭑ نَ. 3كْنْ ﭑ نَشَ شّيرَيٍ شّي يِ يَابِ رَ، «وَلِ فبٍفبٍ نَ ﭑ يِ رَ، ﭑ مُ نْمَ فٌرٌدٍ وٌ يِرٍ، شَ نَ مُ عَ رَ وَلِ كَنَمَ نّ.» 4عٍ نَشَ شّيرَ شّي ﭑ يِرٍ سَنمَيَ نَانِ، كْنْ ﭑ نَ يَابِ كٍرٍنيِ نَن قِ عٍ مَ.
5عَ سَنمَيَ سُولِ ندٍ، سَنبَلَتِ نَشَ عَ شَ كٌنيِ شّي ﭑ يِرٍ، بَتَاشّ ندٍ نَ عَ يِ رَ، نَشَن سّبّشِ مِشِ بِرِن مَ. 6يِ نَن نُ سّبّشِ، «سِ بِرِن بَرَ قٍ ندٍ مّ وٌ شَ قٍ رَ. فٍسٍمِ قَن نَشّ عَ نْندِ نَ عَ رَ. عٍ نَشّ عَ عِ تَن نُن يُوِقِيٍ وَ مَ مَنفَسَنيِ مَتَندِقٍ، نَ نَن عَ تٌشِ وٌ نَ تّتّ يَءِلَنقٍ. عٍ مَن نَشّ عَ عِ تَن يَتِ وَ مَ قِندِقٍ عِسِرَيِلَ مَنفّ رَ. 7عِ بَرَ نَمِحْنمّيٍ سُفَندِ نَشٍيٍ قَمَ عَ قَلَدٍ دَرِ سَلَمُكَيٍ شَ لُ عِ شَ مَنفّيَ بُن مَ، عِ شَ قِندِ يُدَيَ مَنفّ رَ. مَنفّ شُنفبٍ قَمَ نَ وْيّنيِ بِرِن مّدٍ. عَوَ، عِ شَ قَ، وٌن شَ وٌن بٌرٍ تٌ.»
8ﭑ نَشَ عَ يَابِ، «عِ نَشَن بِرِن قَلَشِ يِ كِ، نْندِ كٍرٍن مُ نَ عَ كُي. عِ تَن نَن يِ وُلٍ قَلَشِ.» 9يِ مِشِ بِرِن نُ وَ مَ مُشُ بْحّ نَن نَمِنِقٍ تُن. عٍ عٍ مَحْشُن نّ لِمَنِيَ بَمَ مُشُ يِ رَ، مُشُ قَ وَلِ دَن. «ﭑ مَرِفِ، سّنبّ قِ ﭑ مَ.»
10لْشْي ندٍ ﭑ نَشَ سِفَ سٍمَيَ شْنيِ، دّلَيَ شَ دِ، مٍهٍتَبٍلِ شَ مَمَدِ. عَ نُ عَ يّتّ بَلَنشِ بَنشِ كُي. عَ نَشَ عَ قَلَ ﭑ بّ، «وٌن شّي عَلَ شَ هْرْ مْبَنشِ كُي، وٌن شَ نَادّيٍ مَبَلَن وٌن مَ، بَرِ مَ عٍ قَمَ كْي رَ عِ قَشَدٍ.» 11ﭑ نَشَ عَ يَابِ، «ﭑ شَ ﭑ فِ؟ شّمّ مُ نَ ﭑ تَن نَ؟ ﭑ نْمَ سٌدٍ عَلَ شَ هْرْ مْبَنشِ كُي، ﭑ مَن شَ بَلٌ؟ عَدَ مَ بِرِن شَ مُ سٌمَ مّننِ. ﭑ تَن مُ سٌمَ نَا قٍوٌ.» 12ﭑ نَشَ عَ كٌلٌن عَلَ شَ مُ عَ شّيشِ. تٌبِيَ نُن سَنبَلَتِ نُ بَرَ عَ سَرٍ قِ عَلَكٌ عَ شَ نَ وْيّنيِ مْولِ قَلَ ﭑ بّ. 13عٍ بَرَ وَ ﭑ شَ فَاشُ، ﭑ شَ بِرَ عٍ شَ وْيّنيِ قْشْ رَ، ﭑ شَ يُنُبِ سْتْ نَ كُي، عَلَكٌ عٍ شَ ﭑ شِلِ كَنَ، عٍ شَ ﭑ نَيَافِ.
14«ﭑ مَرِفِ عَلَ، عِ شَ رَتُ تٌبِيَ، سَنبَلَتِ، نٌوَدِيَ، نُن نَمِحْنمّيٍ وُلٍ قَلّيٍ شَ قٍ حَاشِ مَ، عٍ نَشَن نَبَشِ ﭑ نَ عَلَكٌ عٍ شَ ﭑ بْحّ رَ مِنِ عَ عِ.»
15تّتّ نَشَ فّ يَءِلَندٍ عٍلُلُ كِكٍ، شِ مْشْحّن نُن سُولِ. مُشُ نَشَ نَ وَلِ رَبَ شِ تٌنفٌ سُولِ نُن قِرِن بُن مَ. 16مُشُ يَشُييٍ تٌ يِ قٍ مّ، عٍ نَشَ فَاشُ كِ قَنيِ رَ. سِ بِرِن نَشَ يَافِ مُشُ رَبِلِنيِ، عٍ قَن نَشَ عَ كٌلٌن مُشُ نْشِ نَ بِرِن نَبَدٍ مُشُ مَرِفِ عَلَ نَن سَابُي رَ.
17نَ سَشَنيِ بُن مَ، يُدَيَ كُنتِفِ فبٍفبٍ نُ بَتَاشّيٍ رَ سَنبَمَ تٌبِيَ مَ، عٍ قَن عَ شَ بَتَاشّيٍ مَسْتْمَ. 18يُدَيَكَ فبٍفبٍ نُ بَرَ سَاتّ تٌنفٌ عَ بّ مَرَكَلِ رَ، بَرِ مَ عَ بِتَنيِ نَن نُ نَ سّكَنَيَ رَ، عَرَ شَ دِ. يٍهٌشَنَن نُ بَرَ بٍرٍكِيَ شَ دِ مٍسُلَمَ دْشْ. 19تّمُي بِرِن عٍ نُ عَ شَ قٍ قَنيِ عِقَلَمَ ﭑ يَ شْرِ، عٍ مَن ﭑ مَ وْيّنيِيٍ رَدَنفِمَ عَ مَ. تٌبِيَ نُ بَتَاشّيٍ رَ سَنبَمَ ﭑ مَ عَلَكٌ ﭑ شَ فَاشُ.