عَننَبِ نٍهٍمِ سِفَقٍ دَرِ سَلَمُ
1مَنفّ عَتَسَكَسِ شَ مَنفّيَ حّ مْشْحّن ندٍ نِسَن كِكٍ رَ، مَنفّ نُ نَ دّفٍقٍ تّمُي نَشّ، ﭑ نَشَ وّنِ سٌ عَ يِ رَ سُننُنيِ كُي. ﭑ تٌ مُ نُ دَرِشِ نَ مْولِ رَ، 2مَنفّ نَشَ ﭑ مَشْرِن، «عِ سُننُنشِ مُنقٍ رَ؟ عِ مُ قُرَشِ، كْنْ عِ بْحّ تَن مُ رَقَنشِ عِ مَ.» ﭑ نَشَ فَاشُ عَ شَ وْيّنيِ رَ. 3ﭑ نَشَ عَ يَابِ، «عَلَ شَ سِمَيَ فبٍفبٍ قِ عِ مَ! ﭑ سُننُنشِ نّ بَرِ مَ ﭑ بٍنبَيٍ رَفَتَشِ تَا نَشَن كُي، عَ بِرِن بَرَ كَنَ، عَ نَادّيٍ قَن بَرَ فَن.» 4مَنفّ نَشَ عَ مَسٍن ﭑ بّ، «عِ وَ مَ مُنسٍ شْن مَ؟» ﭑ نَشَ كٌورٍ عَلَ مَشَندِ ﭑ بْحّ مَ، 5ﭑ قَ مَنفّ يَابِ، «مَنفّ، شَ عِ حَنِفٍ قَنيِ رَبَمَ ﭑ تَن عِ شَ كٌنيِ بّ، عَ لُ ﭑ شَ سِفَ يُدَيَ بْشِ مَ، عَلَكٌ ﭑ شَ تَا رَكٍلِ ﭑ بٍنبَيٍ رَفَتَشِ دّننَشّ.»
6مَنفّ نَشَ ﭑ مَشْرِن، عَ شَ فِنّ نُ دْشْشِ عَ سّيتِ مَ، عَ نَشّ، «عِ شَ بِيَاسِ بُمَ هَن مُن تّمُي؟» ﭑ تٌ شِ كْنتِ قَلَ عَ بّ ﭑ فبِلٍنمَ نَشَن مَ، مَنفّ نَشَ تِن ﭑ شَ سِفَ. 7ﭑ مَن نَشَ مَنفّ مَشَندِ، «مَنفّ، شَ عِ بَرَ تِن، عَ شْلِ ﭑ مَ عِ شَ كّيدِ سّبّ ﭑ نَشَن سٌمَ نَاكِرِ فٌمِنَيٍ يِ رَ، عَلَكٌ عٍ شَ عَ لُ ﭑ شَ دَنفِ عٍ شَ بْشِ مَ هَن ﭑ يُدَيَ لِ. 8عِ شَ كّيدِ فبّتّ سّبّ مَنفّ شَ قْتْن مَكَنتّ عَسَقِ مَ، عَلَكٌ عَ شَ وُرِيٍ سٌ ﭑ يِ رَ ﭑ نَشٍيٍ يَءِلَنمَ عَلَ شَ هْرْ مْبَنشِ تّتّ نَادّيٍ رَ، عَ نُن ﭑ نَشٍيٍ رَوَلِمَ تّتّ نُن ﭑ مَ بَنشِ وَلِ كُي.» مَنفّ نَشَ نَ بِرِن نَبَ ﭑ بّ، بَرِ مَ ﭑ مَرِفِ عَلَ حّنفِ سَشِ ﭑ مَ قٍ شْن مَ.
9ﭑ تٌ شُرٍ شُنفبٍ عِفِرِ، ﭑ نَشَ نَ كّيدِيٍ سٌ نَاكِرِ مَنفّيٍ يِ رَ، مَنفّ عَتَسَكَسِ نَشٍيٍ سّبّ عٍ مَ. سْورِ مَنفّيٍ نُن سٌي رَفِيٍ نُ بَرَ ﭑ مَتِ نَا. 10سَنبَلَتِ شٌرٌنكَ نُن عَ شَ مَلِمَ تٌبِيَ عَمٌنِكَ تٌ ﭑ مَ قٍ مّ، عٍ بْحّ نَشَ رَحَاشُ عٍ مَ، بَرِ مَ عٍ مُ نُ تِنمَ مِشِ شَ عِسِرَيِلَكَيٍ مَلِ.
11ﭑ تٌ سٌ دَرِ سَلَمُ، ﭑ نَشَ شِ سَشَن نَبَ مّننِ. 12ﭑ مُ قٍقٍ قَلَ مِشِ يٌ بّ عَلَ نَشَن مَسٍنشِ ﭑ بّ ﭑ بْحّ كُي ﭑ شَ عَ رَبَ دَرِ سَلَمُ. نَ تّمُي ﭑ نُن شّمّ ندٍيٍ نَشَ مِنِ كْي رَ. ﭑ مَ سٌي فبَنسَن نُ نَ مُشُ يِ رَ. 13مُشُ نَشَ مِنِ تَا كُي فُلُنبَ نَادّ رَ، مُشُ قَ سِفَ دَرَفٌن دُلَ بِرِ رَ شُرُ سٍ فبِ نَادّ يِرٍ. ﭑ تٌ دَرِ سَلَمُ تّتّ بِرِن نَبِلِن، ﭑ نَشَ عَ تٌ يِرٍ ندٍ كَنَشِ، نَادّيٍ قَن فَنشِ. 14ﭑ نَشَ سِفَ دُلَ نَادّ بِرِ مَنفّ شَ يٍ يِرٍ نَ دّننَشّ، كْنْ ﭑ مَ سٌي مُ دَنفِدٍ سْتْ. 15نَ كُي ﭑ نَشَ تّتّ مَتٌ كٍلِقٍ قٌلٍ رَ، هَن ﭑ سٌ تَا كُي فُلُنبَ نَادّ رَ.
16تَا مَنفّيٍ مُ نُ عَ كٌلٌنشِ ﭑ نُ نَ وَلِ نَشَن كُي. ﭑ مُ نُ سٍسٍ تَفِ رَبَشِ يُوِقِيٍ، سّرّشّدُبّيٍ، قٌرِيٍ، كِيتِسَيٍ، نُن كُنتِفِيٍ بّ. 17نَ تّمُي ﭑ نَشَ عَ مَسٍن عٍ بّ، «وٌ وٌن مَ تْورّ تٌشِ! دَرِ سَلَمُ بَرَ فّ كَنَدٍ. تّ بَرَ عَ نَادّيٍ فَن. وٌ قَ، وٌن شَ دَرِ سَلَمُ تّتّ يَءِلَن. نَ نَن عَ تٌمَ وٌن مُ لُمَ يَافِ كُي سْنْن.» 18ﭑ نَشَ عَ يَشَرَن عٍ بّ ﭑ مَرِفِ عَلَ حّنفِ سَشِ ﭑ شْن مَ كِ نَشّ. ﭑ مَن نَشَ مَنفّ شُنفبٍ شَ وْيّنيِ مَسٍن عٍ بّ. عٍ تٌ نَ بِرِن مّ، عٍ نَشَ ﭑ يَابِ، «وٌن كٍلِ، وٌن شَ عَ يَءِلَن.» عٍ نَشَ لِمَنِيَ نَ نَتّ شَ قٍ رَ.
19سَنبَلَتِ شٌرٌنكَ، عَ مَلِمَ تٌبِيَ عَمٌنِكَ، نُن فٍسٍمِ عَرَبُكَ تٌ يِ قٍ مّ، عٍ نَشَ يٌ قْلْ مُشُ مَ، عٍ نُ قَ عَ قَلَ مُشُ بّ، «وٌ نَ مُنسٍ رَبَقٍ بٍ؟ وٌ وَ مَ مَنفَسَنيِ مَتَندِقٍ نّ؟» 20ﭑ نَشَ عٍ يَابِ، «عَلَ نَشَن نَ كٌورٍ مَ، نَ نَن قَمَ شُننَكٍلِ قِدٍ مُشُ مَ. عَ شَ كٌنيِيٍ نَن مُشُ رَ. مُشُ قَمَ كٍلِدٍ، مُشُ شَ بٍ يَءِلَن. كْنْ وٌ تَن، سٍسٍ مُ بٍ نَشَن قِندِ مَ وٌ فبٍ رَ. دَرِ سَلَمُ، وٌ شْنيِ مُ عَ رَ.»