سّرّشّدُبّيٍ رَكْرْ سِقٍ
1«يَكْسِ، سّرّشّدُبّيٍ، وٌ شَ وٌ تُلِ مَتِ. 2شَ وٌ مُ وٌ تُلِ مَتِ ﭑ نَ، شَ وٌ مُ حَنِفٍ تٌنفٌ ﭑ شِلِ بِنيَقٍ مَ، ﭑ تَن مَنفّ عَلَتَلَ وٌ دَنكَمَ نّ. ﭑ وٌ شَ دُبّ مَقِندِ مَ نّ دَنكّ رَ. ﭑ بَرَ وٌ شَ دُبَ كَنَ بَرِ مَ ﭑ مَ بِنيّ مُ نَ وٌ حَنِفٍ مَ. مَنفّ عَلَتَلَ شَ مَسٍنيِ نَن نَ كِ.»
3«وٌ عَ تٌمَ نّ! ﭑ وٌ بْنسْي حَشَنكَتَمَ نّ. وٌ شُرُ سٍ نَشٍيٍ بَمَ سّرّشّ رَ، ﭑ عٍ فبِ كَسَنمَ نّ وٌ يَتَفِ. وٌ نُن نَ يَافِ نَن سِفَمَ. 4ﭑ تَن مَنفّ عَلَتَلَ بَرَ يِ وْيّنيِ شْرْشْي قَلَ وٌ بّ عَلَكٌ ﭑ مَ سَاتّ، ﭑ نَشَن تٌنفٌشِ وٌ بٍنبَ لٍوِ بّ، عَ نَشَ كَنَ سْنْن. مَنفّ عَلَتَلَ شَ مَسٍنيِ نَن نَ كِ.»
5«ﭑ نَشَ سَاتّ تٌنفٌ عَ بّ. ﭑ نَشَ سِمَيَ نُن بْحّسَ قِ عَ مَ، عَلَكٌ عَ شَ فَاشُ ﭑ يَ رَ. نَ تّمُي عَ بَرَ فَاشُ ﭑ يَ رَ، عَ بَرَ سّرّن ﭑ شِلِ رَ. 6ﭑ مَ سّرِيّ يَتِ نُ نَ عَ دّ كُي، مَءِقُي يٌ مُ نُ نَ عَ بْحّ كُي. عَ بِرَ نّ ﭑ قْشْ رَ بْحّسَ نُن تِنشِنيِ كُي، عَ مِشِيٍ رَفبِلٍن كِرَ حَاشِ قْشْ رَ. 7سّرّشّدُبّ دّ لْننِ نَن نَفَتَمَ. عَلَ شَ سّرِيّ مِنِمَ نّ عَ دّ عِ، بَرِ مَ مَنفّ عَلَتَلَ شَ شّيرَ نَن نَ عَ رَ.»
8«كْنْ وٌ تَن، وٌ بَرَ فبِلٍن عَلَ شَ كِرَ قْشْ رَ. وٌ بَرَ مِشِ وُيَشِ رَ مِنِ نَ كِرَ رَ وٌ شَ شَرَنيِ رَ. ﭑ تَن مَنفّ عَلَتَلَ نَشّ وٌ بَرَ لٍوِ شَ سَاتّ كَنَ. مَنفّ عَلَتَلَ شَ مَسٍنيِ نَن نَ كِ. 9ﭑ وٌ رَيَافِمَ نّ، ﭑ وٌ شَ قٍ مَفٌرٌ حَمَ يَ شْرِ، بَرِ مَ وٌ مُ ﭑ مَ كِرَ كٌلٌن. وٌ بَرَ مِشِ رَقِسَ عٍ بٌورٍ بّ وٌ شَ كِيتِ كُي.»
سّرِيّ تٌنفٌشِ قُتِ شَ قٍ رَ
10عَننَبِ مَلَكِ نَشّ، وٌن بِرِن بَبَ كٍرٍن شَ مُ عَ رَ؟ عَلَ كٍرٍن شَ مُ وٌن بِرِن دَاشِ؟ مُنقٍ رَ وٌن وٌن بٌورٍ يَنقَمَ؟ مُنقٍ رَ وٌن بَرَ وٌن بٍنبَ شَ سَاتّ كَنَ؟ 11يُدَيَكَيٍ نَشَ عَلَ يَنقَ، بَرِ مَ قٍ حَاشِ بَرَ رَبَ عِسِرَيِلَ نُن دَرِ سَلَمُ بْشِ مَ. يُدَيَ بَرَ عَلَتَلَ بَتُدٍ يٍلٍبُ نَشَن نَقَن عَ مَ. عَ بَرَ كُيٍ بَتُي شَ دِ فِنّ دْشْ. 12عَلَتَلَ نَ شّمّ مْولِ، نُن عَ شَ دِيٍ، عَ نُن عَ شَ دٍنبَيَ بِرِن كٍرِ مَ نّ يَشُبَ شَ كِرِ بَنشِ كُي. عَ نَ شّمّ مْولِ كٍرِ مَ نّ، عَ نُن عَ سّرّشّ نَشَن بَمَ مَنفّ عَلَتَلَ بّ.
13نَ شَنبِ، وٌ تَن وٌ يَ يٍ فبٍفبٍ رَ مِنِمَ عَلَتَلَ شَ سّرّشّبَدٍ، بَرِ مَ وٌ نَشّ عَ مُ وٌ شَ سّرّشّ تٌنفٌمَ، عَ مُ وَ مَ عَ شْن سْنْن. 14وٌ ﭑ مَشْرِنمَ «مُنقٍ رَ؟» ﭑ عَ قَلَمَ وٌ بّ. وٌ فِنّ نَشَن سُفَندِ وٌ قٌنِكٍ تّمُي، وٌ نَشَن شَ قُتِ شِرِ عَلَتَلَ شَ سٍيدٍحْشْيَ كُي، وٌ بَرَ نَ فِنّ يَنقَ. 15عَلَتَلَ شَ مُ عَدَ مَ دَاشِ، عَ عَ نِي رَ سٌ عَ قَتٍ؟ عَدَ مَ مُ دِيٍ قٍنمَ شّ عَلَ نَشٍيٍ رَفِرِ مَ عَ مَ؟ وٌ مّينِ وٌ نِي مَ، وٌ نَشَ وٌ شَ فِنّ يَنقَ، وٌ نَشَن سْتْ وٌ قٌنِكٍ تّمُي. 16عِسِرَيِلَ مَرِفِ عَلَتَلَ نَشّ، مّيقٍ عِ شَ فِنّ رَ، نُن فٍرٍ تِقٍ، قٍيٍ نَن عٍ رَ ﭑ نَشٍيٍ شْنشِ. وٌ مّينِ وٌ نِي مَ، وٌ نَشَ قِندِ يَنقَنتٍ مِشِيٍ رَ.
عَلَتَلَ شَ كِيتِ
17وٌ بَرَ عَلَتَلَ رَتَفَن وٌ شَ وْيّنيِ رَ، كْنْ وٌ قَ مَشْرِنيِ تِقٍ، «مُشُ عَ رَتَفَنشِ دِ؟» ﭑ شَ وٌ يَابِ. وٌ عَ رَتَفَنشِ عَ قَلَقٍ رَ، «قٍ كٌبِ رَبَمَ نَن نَقَن عَلَتَلَ مَ، عَ نَ مِشِ مْولِ نَن قٍنمَ.» وٌ مَن عَ رَتَفَنشِ عَ قَلَقٍ رَ، «عَلَ كِيتِسَ نَ مِندٍن؟»