لٍوِ بْنسْي شَ تَايٍ
1لٍوِ بْنسْي كُنتِفِيٍ نَشَ سِفَ سّرّشّدُبّ عٍلٍيَسَرِ، نُنُ شَ دِ يٌسُوٍ، نُن عِسِرَيِلَ بْنسْي شَبِلّ كُنتِفِيٍ شْن مَ سِلٌ تَا كُي كَنَان بْشِ مَ. 2عٍ سَ عَ قَلَ عٍ بّ، «عَلَتَلَ عَ مَسٍن نّ نُ عَننَبِ مُنسَ بّ عَ مُشُ شَ تَايٍ سْتْ مُشُ سَبَتِمَ دّننَشّ، عَ نُن مُشُ شَ قِيلِيٍ قَن سْتْ مُشُ شَ شُرُ سٍيٍ بّ.» 3نَ كُي عِسِرَيِلَكَيٍ نَشَ يِ تَايٍ نُن يِ قِيلِيٍ قِ لٍوِ بْنسْي مَ، عٍ شَ قِندِ عٍ كّ رَ عَلْ عَلَتَلَ عَ يَمَرِ كِ نَشّ.
4كٍهَتِ شَبِلّ فبٍ نَن يَ؛ سّرّشّدُبّ هَرُنَ شَ دِيٍ نَشَ تَا قُ نُن سَشَن سْتْ يُدَ بْنسْي شَ تَايٍ يَ مَ، سِمٍيْن بْنسْي فبٍيٍ يَ مَ، نُن بُنيَمِن بْنسْي فبٍيٍ يَ مَ. 5كٍهَتِ شَبِلّ، نَشٍيٍ نُ لُشِ، نٍيٍ نَشَ تَا قُ سْتْ عٍقِرَ مِ بْنسْي فبٍيٍ يَ مَ، دَنَ بْنسْي فبٍيٍ يَ مَ، نُن مَنَسِ بْنسْي سّيتِ بٌورٍ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
6فٍرِ سٌن شَ دِيٍ نَشَ تَا قُ نُن سَشَن سْتْ عِسَكَرِ بْنسْي فبٍيٍ يَ مَ، عَسٍرِ بْنسْي فبٍيٍ يَ مَ، نَقَتَلِ بْنسْي فبٍيٍ يَ مَ، عَ نُن مَنَسِ بْنسْي سّيتِ سِنفٍ نَشَن نَ بَسَن بْشِ مَ، نَ فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
7مٍرَرِ شَ دِيٍ نَشَ تَا قُ نُن قِرِن سْتْ عٍ شَبِلّ كِ مَ رُبٍن بْنسْي فبٍيٍ يَ مَ، فَدِ بْنسْي فبٍيٍ يَ مَ، نُن سَبُلٌن بْنسْي فبٍيٍ يَ مَ. نَ نَتّ بِرِن تٌنفٌشِ عَلَ شَ مَرَفِرِ سَابُي رَ.
8نَ كُي عِسِرَيِلَكَيٍ نَشَ يِ تَايٍ نُن عٍ قِيلِيٍ قِ لٍوِ بْنسْي مَ عَلْ عَلَتَلَ عَ يَمَرِ كِ نَشّ عَننَبِ مُنسَ سَابُي رَ. 9تَا نَشٍيٍ قِشِ عٍ مَ يُدَ نُن سِمٍيْن بْنسْي يَ مَ، نٍيٍ نَن يَ. 10هَرُنَ شَ دِيٍ فبٍ، نَشٍيٍ كٍلِ كٍهَتِ شَبِلّ، نٍيٍ نَشَ يِ تَايٍ سْتْ عَلَ شَ مَرَفِرِ سَابُي رَ سُفَندِ سِنفٍ كُي؛ 11كِرِيَتِ عَرَبَ، نَشَن قِندِ شٍبِرٌن نَ، عَ نُن قِيلِ نَشٍيٍ نَ يُدَيَ فٍيَ بْشِ رَبِلِنيِ مَ. عَرَبَ قِندِ عَنَكِيٍ بٍنبَ نَن نَ. 12دَاشَيٍ نُن تَا شُنشُرِ نَشٍيٍ نَ تَا قَرِ مَ نٍيٍ قِندِ يٍقُنٍ شَ دِ كَلٍبِ فبٍيٍ نَن نَ.
13عٍ تَا نَشٍيٍ قِ سّرّشّدُبّ هَرُنَ شَ دِيٍ مَ، نٍيٍ نَن يِ كِ؛ شٍبِرٌن، مِشِ رَتَنفَ تَا ندٍ، لِبِنَ، 14يَتِرِ، عٍسِتٍمٌوَ، 15شٌلٌن، دٍبِرِ، 16عَيِن، يُتَ، نُن بٍتِ سٍمٍسِ، نُن عٍ قِيلِيٍ. نَ بِرِن نَلَنشِ تَا سٌلٌمَنَانِ، كٍلِقٍ يِ بْنسْي قِرِنيِ مَ.
17عٍ نَشَ يِ تَايٍ سْتْ بُنيَمِن بْنسْي شَ بْشِ كُي؛ فَبَيٌن، فٍبَ، 18عَنَتْتِ، عَلَمْن، نُن عٍ قِيلِيٍ. نَ بِرِن نَلَنشِ تَا نَانِ. 19سّرّشّدُبّ هَرُنَ شَ دِيٍ نَشَ تَا قُ نُن سَشَن سْتْ، نُن عٍ قِيلِيٍ.
20لٍوِكَ نَشٍيٍ كٍلِشِ كٍهَتِ شَ دِ بٌورٍيٍ يَ مَ، عَلَ شَ مَرَفِرِ نَشَ عَ نِيَ نٍيٍ نَشَ تَايٍ سْتْ عٍقِرَ مِ بْنسْي يَ مَ. 21نَ تَايٍ نَن يَ؛ سِكٍمِ نَشَن نَ عٍقِرَ مِ فٍيَ بْشِ قَرِ، مِشِ نْمَ رَتَنفَدٍ فبٍحْشْي تِ مَ دّننَشّ، فٍسٍرِ، 22كِبِسَيِمِ، بٍتِ شٌرٌن، نُن عٍ قِيلِيٍ. نَ بِرِن نَلَنشِ تَا نَانِ. 23عٍ نَشٍيٍ سْتْ دَنَ شَ بْشِ كُي، نٍيٍ نَن يَ؛ عٍلِتٍكٍ، فِبّتْن، 24عَيَلٌن، فَتِ رِ مْن، نُن عٍ قِيلِيٍ. نَ بِرِن نَلَنشِ تَا نَانِ. 25عٍ نَشٍيٍ سْتْ مَنَسِ بْنسْي سّيتِ بٌورٍ شَ بْشِ كُي، نٍيٍ نَن يَ؛ تَانَكِ، فَتِ رِ مْن، نُن عٍ قِيلِيٍ. نَ بِرِن نَلَنشِ تَا قِرِن. 26يِ تَا قُ نُن عٍ قِيلِيٍ نَشَ قِندِ كٍهَتِ شَ دِيٍ شَبِلّيٍ فبٍ رَ نَشٍيٍ مُ نُ نَ هَرُنَ شَ دِيٍ يَ مَ.
27فٍرِ سٌن شَبِلّيٍ نَشَ تَايٍ سْتْ مَنَسِ بْنسْي سّيتِ سِنفٍ يَ مَ. عٍ شِلِ فٌلَن، مِشِ رَتَنفَ تَا ندٍ نَشَن نَ بَسَن بْشِ مَ، بّسّتّرَ، نُن عٍ قِيلِيٍ. نَ بِرِن نَلَنشِ تَا قِرِن. 28عٍ نَشٍيٍ سْتْ عِسَكَرِ بْنسْي شَ بْشِ كُي، نٍيٍ نَن يَ؛ كِسِيٌن، دَبٍرَتِ، 29يَرَ مُتِ، فَنِمِ، نُن عٍ قِيلِيٍ. نَ بِرِن نَلَنشِ تَا نَانِ. 30عٍ نَشٍيٍ سْتْ عَسٍرِ بْنسْي شَ بْشِ كُي، نٍيٍ نَن يَ؛ مِسَلَ، عَبَدٌن، 31شّلّكَتِ، رٍشٌبٌ، نُن عٍ قِيلِيٍ. نَ بِرِن نَلَنشِ تَا نَانِ. 32عٍ نَشٍيٍ سْتْ نَقَتَلِ بْنسْي شَ بْشِ كُي، نٍيٍ نَن يَ؛ كٍدٍ سِ، مِشِ رَتَنفَ تَا ندٍ نَشَن نَ فَلِلٍ بْشِ كُي نُن عَ قِيلِيٍ، شَمْتِ دْرْ نُن عَ قِيلِيٍ، كَرَتَن نُن عَ قِيلِيٍ. نَ بِرِن نَلَنشِ تَا سَشَن.
33فٍرِ سٌن شَبِلّيٍ نَشَ تَا قُ نُن سَشَن سْتْ نُن عٍ قِيلِيٍ. 34لٍوِكَيٍ نَشٍيٍ لُشِ، مٍرَرِ شَبِلّيٍ رَ، عٍ نَشٍيٍ سْتْ سَبُلٌن بْنسْي يَ مَ، نٍيٍ نَن يَ؛ يٌكَنَيِمِ، كَرَتَ، 35دِ مِنَ، نَهَلَلِ، نُن عٍ قِيلِيٍ. نَ بِرِن نَلَنشِ تَا نَانِ. 36عٍ نَشٍيٍ سْتْ رُبٍن بْنسْي شَ بْشِ كُي، نٍيٍ نَن يَ؛ بٍتٍسٍرِ، يَهَسِ، 37كٍدٍ مٌتِ، مٍقَاتِ، نُن عٍ قِيلِيٍ. نَ بِرِن نَلَنشِ تَا نَانِ. 38عٍ نَشٍيٍ سْتْ فَدِ بْنسْي شَ بْشِ كُي، نٍيٍ نَن يَ؛ رَ مٌتِ، مِشِ رَتَنفَ تَا ندٍ نَشَن نَ فَلَدِ بْشِ كُي، مَشَنَيِمِ، 39شّسِبْن، يَاسّرِ، نُن عٍ قِيلِيٍ. نَ بِرِن نَلَنشِ تَا نَانِ. 40تَا نَشٍيٍ بِرِن قِشِ مٍرَرِ شَبِلّيٍ مَ، عٍ رَلَنشِ تَا قُ نُن قِرِن. 41تَا نَشٍيٍ بِرِن قِشِ لٍوِ بْنسْي مَ عِسِرَيِلَكَيٍ شَ بْشِ كُي، عٍ رَلَنشِ تَا تٌنفٌ نَانِ نُن سٌلٌمَسَشَن، نُن عٍ رَبِلِنيِيٍ. 42قِيلِيٍ نُ نَ تَايٍ بِرِن نَبِلِنشِ.
43عَلَتَلَ نَشَ نَ بْشِ بِرِن قِ عِسِرَيِلَكَيٍ مَ عَلْ عَ عَ لَايِدِ عٍ بٍنبَيٍ بّ كِ نَشّ. نَ بْشِ بِرِن نَشَ قِندِ عٍ فبٍ رَ، عٍ نَشَ سَبَتِ نَا. 44عَلَتَلَ نَشَ بْحّسَ قِ عٍ مَ عٍ نَانِنيِ بِرِن نَ، عَلْ عَ عَ لَايِدِ عٍ بٍنبَيٍ بّ كِ نَشّ. عٍ يَشُي يٌ مُ نْ شُننَكٍلِ سْتْدٍ عٍ شُن، بَرِ مَ عَلَتَلَ عٍ يَشُي بِرِن سَ نّ عٍ سَفٌي. 45عَلَتَلَ شَ لَايِدِ بِرِن نَشَ كَمَلِ عِسِرَيِلَكَيٍ بّ. كٍرٍن مُ لُ نَشَن مُ كَمَلِ.