عَننَبِ يُنُسَ عَلَتَلَ شُي رَبَتُقٍ
1عَلَتَلَ نَشَ فبِلٍن مَسٍنيِ تِ رَ يُنُسَ بّ، عَ نَشّ، 2«كٍلِ، عِ سِفَ يِ تَا شُنفبٍ نَشَن شِلِ نِنٍوٍ. عِ شَ سَ ﭑ مَ شّيرَ عِبَ عٍ بّ، ﭑ عِ تِشِ نَشَن نَ.» 3عَننَبِ يُنُسَ نَشَ كٍلِ عَ سِفَ نِنٍوٍ، عَلْ عَلَتَلَ عَ مَسٍن عَ بّ كِ نَشّ. تَا نَن نُ نِنٍوٍ رَ نَشَن شُنفبٌ كِ قَنيِ رَ شِ سَشَن حّرّ رَبَمَ دّننَشّ.
4عَننَبِ يُنُسَ تٌ قّيحّن كٍرٍن حّرّ رَبَ تَا كُي، عَ نَشَ يِ مَسٍنيِ تِ قْلْ، «شِ تٌنفٌ نَانِ نَن لُشِ، نِنٍوٍ تَا شَ كَنَ.» 5نِنٍوٍكَيٍ نَشَ لَ عَلَ رَ، عٍ بِرِن قَ سُنيِ سُشُ، عٍ سُننُنيِ دُفِ رَفٌرٌ عٍ مَ تُوبِ قٍ رَ، كٍلِ بَننَيٍ مَ هَن مِسِكِينّيٍ. 6يِ شِبَارُي تٌ نِنٍوٍ مَنفّ لِ، عَ قَن نَشَ كٍلِ عَ شَ كِبَنيِ كُي، عَ عَ شَ مَنفّ دٌنمَ رَتٍ عَ مَ، عَ عَ سُننُن دُفِ رَفٌرٌ عَ مَ، عَ قَ سَ دْشْ تّ شُبٍ شْورَ تُوبِ قٍ رَ.
7نَ كُي عَ نَشَ يِ مَسٍنيِ تِ نِنٍوٍ بّ، «مَنفّ نُن عَ شَ كُنتِفِيٍ شِلِ رَ، سُنيِ بَرَ مَشَندِ مِشِيٍ نُن شُرُ سٍيٍ بِرِن مَ. 8مِشِيٍ نُن شُرُ سٍيٍ بِرِن شَ سُننُن دُفِ رَفٌرٌ عٍ مَ، عٍ شَ عَلَتَلَ شِلِ سّنبّ رَ، بِرِن شَ فبِلٍن عَ شَ كِرَ حَاشِ نُن عٍ شَ كٌبِحَ قْشْ رَ. 9ندٍ عَ كٌلٌن شَ عَلَ مُ عَ شَ نَتّ تٌنفٌشِ مَسَرَ مَ، عَ وٌن نَتَنفَ عَ شَ شْنّ فبٍ مَ، عَ قَ وٌن نَكِسِ قَشّ مَ؟»
10عَلَ تٌ عَ تٌ نِنٍوٍكَيٍ بَرَ تُوبِ، عٍ بَرَ عٍ كٌبٍ سٌ عٍ شَ كِرَ حَاشِ رَ، عَ نَشَ كِنِكِنِ عٍ مَ، عَ مُ فبَلٌي رَفٌرٌ عٍ مَ سْنْن، عَلْ عَ نُ بَرَ عَ حَنِفٍ كِ نَشّ.