سٍدٍكِيَ نُن عَننَبِ يٍرٍ مِ
1بَبِلْن مَنفّ نٍبُكَدَنسَرِ نَشَ يٌسِيَ شَ دِ سٍدٍكِيَ تِ يُدَيَ مَنفّ رَ يٍهٌيَكِمِ شَ دِ يٍهٌيَكِنِ حْشْي رَ. 2سٍدٍكِيَ، عَ شَ كُنتِفِيٍ، نُن بْشِ حَمَ مُ عٍ تُلِ مَتِ عَلَتَلَ شَ مَسٍنيِ رَ عَننَبِ يٍرٍ مِ نَشَن مَسٍنشِ.
3سٍدٍكِيَ نَشَ سٍلٍمِيَ شَ دِ يٍهُكَلَ نُن مَاسٍيَ شَ دِ سٍقَنِيَ شّي عَننَبِ يٍرٍ مِ يِرٍ عَ قَلَقٍ رَ، «مُشُ مَرِفِ عَلَتَلَ مَشَندِ مُشُ بّ.» 4عَننَبِ يٍرٍ مِ مُ نُ سَشِ فٍيلِ كُي سِندٍن، عَ نُ نْمَ حّرّدٍ حَمَ يَ مَ عَلْ عَ نُ وَ مَ عَ شْن مَ كِ نَشّ.
5مِسِرَ مَنفّ شَ سْورِيٍ تٌ مِنِ مِسِرَ بْشِ رَ، كَلِدِكَيٍ نَشَ نَ شِبَارُي مّ، عٍ نَشَ كٍلِ دَرِ سَلَمُ عٍ نُ نَ فٍرٍقٍ دّننَشّ. 6نَ وَشَتِ عَلَتَلَ نَشَ يِ مَسٍنيِ تِ عَننَبِ يٍرٍ مِ بّ، 7«عِسِرَيِلَ مَرِفِ عَلَتَلَ شَ مَسٍنيِ نَن يَ؛ وٌ عَ مَسٍن يُدَيَ مَنفّ بّ، نَشَن وٌ شّيشِ ﭑ يِرٍ عَلَكٌ ﭑ شَ عَلَتَلَ مَشَندِ وٌ بّ، مِسِرَ مَنفّ شَ سْورِ نَشٍيٍ مِنِشِ وٌ مَلِدٍ، عٍ قَمَ نّ فبِلٍندٍ عٍ شْنيِ مِسِرَ. 8نَ تّمُي كَلِدِكَيٍ مَن فبِلٍنمَ نّ بٍ، عٍ قَ يِ تَا سُشُ، عٍ عَ فَن تّ رَ. 9عَلَتَلَ شَ مَسٍنيِ نَن نَ كِ. وٌ نَشَ وٌ يّتّ مَدَشُ، وٌ نَشَ عَ مَحْشُن كَلِدِكَيٍ بَرَ مَكُيَ وٌ رَ. عٍ مُ قَمَ وٌ لُدٍ. 10هَلِ وٌ كَلِدِكَيٍ شَ سْورِيٍ بْنبْ، نَشٍيٍ نَ وٌ فٍرٍقٍ، عٍ شَ سْورِ مَشْنْشِ ندٍيٍ قَمَ نّ كٍلِدٍ عَلَكٌ عٍ شَ يِ تَا فَن تّ رَ.»
11كَلِدِكَيٍ شَ سْورِيٍ تٌ كٍلِ دَرِ سَلَمُ مِسِرَ مَنفّ شَ سْورِيٍ شَ قٍ رَ، 12عَننَبِ يٍرٍ مِ نَشَ وَ كٍلِقٍ دَرِ سَلَمُ، عَ شَ سِفَ بُنيَمِن بْنسْي شَ بْشِ مَ عَلَكٌ عَ شَ عَ كّ ندٍ تٌنفٌ نَا. 13عَ تٌ بُنيَمِن نَادّ لِ كٍلِقٍ دَرِ سَلَمُ، سٍلٍمِيَ شَ دِ يِرِيَ، شَنَنِيَ شَ مَمَدِ نَشَ عَ سُشُ، عَ عَ قَلَ عَ بّ، «عِ نَ سِفَقٍ كَلِدِكَيٍ نَن يِرٍ.» 14عَننَبِ يٍرٍ مِ نَشَ عَ يَابِ، «عِ وُلٍ. ﭑ مُ سِفَقٍ كَلِدِكَيٍ شَ يِرٍ.» كْنْ يِرِيَ مُ لَ عَ رَ، عَ نَشَ عَننَبِ يٍرٍ مِ سُشُ، عَ عَ شَنِن كُنتِفِيٍ شْن مَ. 15كُنتِفِيٍ نَشَ شْنْ عَننَبِ يٍرٍ مِ مَ، عٍ عَ بْنبْ، عٍ عَ سَ فٍيلِ كُي، دّننَشّ قِندِشِ يٌنَتَن سّبّلِتِ شَ بَنشِ رَ. 16عٍ نَشَ عَننَبِ يٍرٍ مِ رَ سٌ يِرٍ حَاشِ ندٍ كُي مّننِ، عَ لُشِ دّننَشّ تّمُي شْننَكُيٍ.
17مَنفّ سٍدٍكِيَ نَشَ عَننَبِ يٍرٍ مِ شِلِ، عَ قَ عَ مَشْرِن فُندٌ رَ، «عَلَتَلَ بَرَ مَسٍنيِ ندٍ قِ عِ مَ؟» عَننَبِ يٍرٍ مِ نَشَ عَ يَابِ، «عِيٌ. بَبِلْن مَنفّ قَمَ نّ عِ سُشُدٍ.» 18عَننَبِ يٍرٍ مِ مَن نَشَ عَ قَلَ مَنفّ سٍدٍكِيَ بّ، «ﭑ هَاكّ مُندُن نَبَشِ عِ رَ، شَ نَ مُ عِ شَ كُنتِفِيٍ رَ، شَ نَ مُ حَمَ رَ، وٌ ﭑ سَشِ فٍيلِ كُي نَشَن مَ؟ 19وٌ شَ نَمِحْنمّيٍ نَ مِندٍن، نَشٍيٍ عَ قَلَمَ بَبِلْن مَنفّ مُ قَمَ وٌ تَن نُن يِ بْشِ سُشُدٍ؟ 20يَكْسِ عِ شَ عِ تُلِ مَتِ ﭑ نَ. مَنفّ، ﭑ بَرَ عِ مَيَندِ، عِ شَ ﭑ مَ وْيّنيِ سُشُ. عِ نَشَ ﭑ نَسٌ يٌنَتَن سّبّلِتِ شْنيِ سْنْن، عَلَكٌ ﭑ نَشَ قَشَ!» 21مَنفّ سٍدٍكِيَ نَشَ يَامَرِ قِ عٍ شَ عَننَبِ يٍرٍ مِ لُ فٍيلِ تّتّ كُي، عٍ مَن شَ تَامِ شُنتُنيِ سٌ عَ يِ رَ لْشْ يٌ لْشْ كٍلِقٍ تَامِ فَندٍ. عٍ شَ نَ رَبَ هَن تَامِ حْنمَ تَا كُي تّمُي نَشّ. نَ نَن عَ تٌشِ عَننَبِ يٍرٍ مِ نَشَ لُ فٍيلِ تّتّ كُي.