سَمِسٌن قِلِسِتَكَيٍ فٍرٍقٍ
1شّ شَبَ تّمُي، سَمِسٌن نَشَ سِ شَنِن عَ شَ فِنّ شْن. عَ نَشَ عَ قَلَ عَ بِتَنيِ بّ، «عَ شْلِ ﭑ مَ ﭑ تَن نُن ﭑ مَ فِنّ شَ لُ يِرٍ كٍرٍن.» عَ بِتَنيِ مُ تِن نَ رَ، 2عَ قَ عَ قَلَ سَمِسٌن بّ، «ﭑ حْشْ عَ مَ عِ مّيشِ عَ رَ نّ، نَ نَن عَ رَ، ﭑ بَرَ عَ قِ نَ شّمّ مَ عِ شَ شُلُنيِ بِنيّ قِ نَشَن مَ. عِ شَ عَ شُنيَ دْشْ، نَ قَن عَ بّ ثٌن.»
3سَمِسٌن نَشَ عَ يَابِ، «يِ بِيَاسِ، شَ ﭑ قٍ حَاشِ رَبَ وٌ تَن قِلِسِتَكَيٍ رَ، وٌ تَن نَن عَ نِيَشِ.» 4عَ نَشَ سِفَ، عَ شُلُمَسٍ كّمّ سَشَن سُشُ. عَ نَشَ نٍيٍ شُلِ شِرِ عٍ بٌورٍ رَ قِرِن قِرِن نَ، عَ سّشّ مَشِرِ عٍ شُلِيٍ رَ. 5عَ نَشَ سّشّ رَدّشّ نَشَن نُ مَشِرِشِ عٍ شُلِيٍ رَ، عَ عٍ رَبّحِن قِلِسِتَكَيٍ شَ شّيٍ مَ. تّ نَشَ شّيٍ بِرِن فَن، سَنسِ نَشَن نُ كٌتٌشِ شّيٍ مَ، عَ نُن سَنسِ نَشَن مُ نُ شَبَشِ سِندٍن. هَلِ عٌلِوِ بِلِ نَشٍيٍ نُ نَ مّننِ، عٍ قَن فَن نّ. 6قِلِسِتَكَيٍ نَشَ عٍ بٌورٍيٍ مَشْرِن، «ندٍ يِ وَلِ رَبَشِ؟» مِشِ ندٍيٍ نَشَ عٍ يَابِ، «سَمِسٌن قْشِ نَن عَ رَ، بَرِ مَ عَ بِتَنيِ تِمِنَكَ بَرَ عَ شَ فِنّ قِ شّمّ مَ، عَ تَن سَمِسٌن شَ شُلُنيِ بِنيّ قِ نَشَن مَ.» نَ كُي قِلِسِتَكَيٍ نَشَ سِفَ نَ فِنّ نُن عَ بَبَ فَندٍ.
7سَمِسٌن نَشَ عَ قَلَ عٍ بّ، «شَ وٌ عَ رَبَ نَ كِ، ﭑ قَن ﭑ فبٍحْشْمَ نّ وٌ مَ.» 8عَ نَشَ عٍ فٍرٍ عَ حَاشِ رَ، عَ مِشِ فبٍفبٍ قَشَ. نَ شَنبِ، عَ نَشَ سِفَ، عَ لُ قْنمّ كُي عٍتَمِ فٍيَ مَبِرِ.
9قِلِسِتَكَيٍ نَشَ سْورِيٍ شّي يُدَيَ لٍشِ مَبِرِ. 10يُدَيَكَيٍ نَشَ عٍ مَشْرِن، «وٌ قَشِ مُشُ فٍرٍدٍ مُنقٍ رَ؟» عٍ نَشَ عٍ يَابِ، «مُشُ قَشِ سَمِسٌن نَن سُشُدٍ، مُشُ شَ قٍ حَاشِ رَبَ عَ رَ عَلْ عَ عَ رَبَشِ مُشُ رَ كِ نَشّ.»
11يُدَيَكَيٍ شّمّ وُلُ سَشَن نَشَ سِفَ سَمِسٌن قْشْ رَ عٍتَمِ فٍيَ يِرٍ. عٍ نَشَ عَ قَلَ عَ بّ، «عِ مُنسٍ رَبَشِ مُشُ رَ يِ كِ؟ عِ مُ عَ كٌلٌن وٌن نَ قِلِسِتَكَيٍ شَ يَامَرِ نَن بُن مَ؟» سَمِسٌن نَشَ عٍ يَابِ، «ﭑ عٍ شَ قٍ حَاشِ نَن تُن سَرٍ رَفبِلٍنشِ عٍ مَ.» 12يُدَيَكَيٍ نَشَ عَ قَلَ عَ بّ، «مُشُ قَشِ بٍ عِ شِرِدٍ نّ، مُشُ شَ عِ سٌ عٍ يِ رَ.» سَمِسٌن نَشَ عَ قَلَ عٍ بّ «وٌ شَ وٌ رَكَلِ شَ وٌ تَن مُ قَمَ ﭑ قَشَدٍ.» 13عٍ نَشَ عَ قَلَ عَ بّ، «وٌن بَرَ لَن نَ مَ. مُشُ مُ عِ قَشَمَ. مُشُ شَ عِ شِرِ، مُشُ شَ عِ سٌ قِلِسِتَكَيٍ يِ رَ تُن.» عٍ نَشَ عَ شِرِ لُوتِ نّينّ قِرِن نَ، عٍ عَ شَنِن.
14عٍ تٌ لٍشِ لِ، قِلِسِتَكَيٍ نَشَ سْنشْي رَتٍ. عَلَتَلَ شَشِلِ نَشَ فٌرٌ سَمِسٌن مَ، عَ نَ لُوتِيٍ بٌلٌن عَلْ فّسّ فَنشِ بٌلٌنمَ كِ نَشّ. 15عَ نَشَ سٌقَلٍ بَنفَنيِ شْرِ ندٍ تٌنفٌ بْشِ مَ، عَ قِلِسِتَكَيٍ مِشِ وُلُ كٍرٍن قَشَ نَ رَ. 16سَمِسٌن نَشَ عَ قَلَ، «ﭑ بَرَ سٌقَلٍ بَنفَنيِ شْرِ سْتْ، سٌقَلٍ كٍرٍن سٌقَلٍ فبٍفبٍ يَ مَ. ﭑ بَرَ شّمّ وُلُ كٍرٍن قَشَ سٌقَلٍ بَنفَنيِ شْرِ رَ.» 17عَ تٌ فّ نَ مَسٍنيِ رَ، عَ نَشَ نَ بَنفَنيِ شْرِ وْلّ. مّننِ شِلِ نَشَ سَ رَ مَتِ لٍشِ، «بَنفَنيِ شْرِ فٍيَ.»
18يٍ شْلِ شْرْشْي نَشَ سَمِسٌن سُشُ. عَ نَشَ عَلَتَلَ مَشَندِ، «عِ بَرَ عَ نِيَ ﭑ شَ شُتُ سْتْ يِ مِشِيٍ مَ. ﭑ مَلِ عَلَكٌ ﭑ نَشَ قَشَ يٍ شْلِ مَ، يِ مِشِ سُننَتَرٍيٍ نَشَ قَ ﭑ شَنِن عٍ شْنيِ.» 19عَلَ نَشَ قَنيٍ عِبْو لٍشِ مَبِرِ، يٍ نَشَ مِنِ. سَمِسٌن تٌ يٍ مِن، عَ مَن نَشَ سّنبّ سْتْ، عَ بْحّ نَشَ سَ. عٍ نَشَ نَ يِرٍ شِلِ قَلَ «هَكٌرٍ دُلٌنيِ.» هَن يَ نَ دُلٌنيِ نَ لٍشِ مَبِرِ. 20سَمِسٌن نَشَ بُ كِيتِ سَ رَ عِسِرَيِلَ حّ مْشْحّن قِلِسِتَكَيٍ شَ وَشَتِ.