عٍقِرَ مِكَيٍ نُن فَلَدِكَيٍ شَ فٍرٍ
1عٍقِرَ مِ شّمّيٍ نَشَ عٍ مَلَن، عٍ يُرُدّن عِفِرِ. عٍ تٌ سٍقٌن لِ، عٍ نَشَ عَ قَلَ يٍقِتٍ بّ، «مُنقٍ رَ عِ سِفَشِ عَمٌنِكَيٍ فٍرٍدٍ، عِ مُ مُشُ شِلِ عَلَكٌ وٌن بِرِن شَ سِفَ؟ مُشُ قَمَ تّ نَن سَدٍ عِ شَ بَنشِ مَ، وٌ بِرِن شَ فَن.» 2يٍقِتٍ نَشَ عٍ يَابِ، «ﭑ تَن نُن ﭑ مَ حَمَ، نُ نَ لَنتَرٍيَ بٍلٍبٍلٍ نَن كُي يِ كِ، مُشُ نُن عَمٌنِكَيٍ رَ. ﭑ وٌ مَشِلِ تّمُي نَشّ، وٌ مُ تِن قَدٍ ﭑ بَدٍ عٍ سَفٌي. 3ﭑ تٌ عَ تٌ وٌ مُ قَقٍ ﭑ نَتَنفَدٍ، ﭑ نَشَ تٍ عَمٌنِكَيٍ فٍرٍدٍ، هَلِ نَ تٌ قِندِ قٍ شْرْشْي رَ ﭑ بّ. عَلَتَلَ نَشَ عٍ سَ ﭑ سَفٌ. وٌ قَشِ ﭑ فٍرٍدٍ مُنقٍ رَ؟»
4يٍقِتٍ نَشَ فَلَدِ شّمّيٍ بِرِن مَلَن، عٍ شَ عٍقِرَ مِكَيٍ فٍرٍ. فَلَدِ شّمّيٍ نَشَ عٍقِرَ مِكَيٍ بْنبْ، بَرِ مَ عٍ نُ بَرَ عَ قَلَ، «وٌ تَن فَلَدِكَيٍ، وٌ وٌ فِشِ نّ كٍلِقٍ عٍقِرَ مِ، وٌ سِفَ مَنَسِ بْشِ مَ.» 5نَ فٍرٍ دَنفِ شَنبِ، فَلَدِكَيٍ نَشَ تِ يُرُدّن شُرٍ عِفِرِدٍ رَ فبِلٍنقٍ رَ عٍقِرَ مِ بْشِ مَ. عٍقِرَ مِكَ ندٍ نَ وَ فبِلٍنقٍ عَ شْنيِ كٍلِقٍ فٍرٍ يِرٍ، قٌ عَ شَ عَ قَلَ نَ فَلَدِكَيٍ بّ، «ﭑ وَ مَ يُرُدّن عِفِرِقٍ.» فَلَدِكَيٍ نَ كَنيِ مَشْرِنمَ نّ، «عٍقِرَ مِكَ نَن نَ عِ رَ؟» عَ نَ عٍ يَابِ، «عَدٍ،» 6فَلَدِكَيٍ مَن عَ قَلَمَ عَ بّ، «عَوَ، عَ قَلَ بَ ‹شِبٌلٍتِ›.» عٍقِرَ مِكَيٍ تٌ مُ قَتَ نَ قَلَدٍ، عٍ تَن نُ عَ قَلَمَ نّ، «كِبٌلٍتِ.» نَ كُي فَلَدِكَيٍ عَ كٌلٌنمَ نَ كَنيِ قِندِشِ عٍقِرَ مِكَ نَن نَ نَشَن وَ مَ عَ فِقٍ. عٍ عَ كْن نَشَبَمَ كٍرٍن نَ مّننِ يُرُدّن شُرٍ عِفِرِدٍ رَ. عٍقِرَ مِكَ مِشِ وُلُ تٌنفٌ نَانِ نُن قِرِن سْنتْ نَ كِ نّ.
7يٍقِتٍ فَلَدِكَ نَشَ قِندِ عِسِرَيِلَ كِيتِسَ رَ حّ سٍننِ بُن مَ. عَ تٌ قَشَ، عَ نَشَ رَفَتَ فَلَدِ تَايٍ تَفِ.
عِسِرَيِلَ كِيتِسَ عِبِسَن
8يٍقِتٍ دَنفِ شَنبِ، عِبِسَن بّتّلّيمُكَ نَشَ قِندِ كِيتِسَ رَ عِسِرَيِلَ. 9عَ نَشَ دِ شّمّ تٌنفٌ سَشَن نُن دِ فِنّ تٌنفٌ سَشَن بَرِ. عَ نَشَ عَ شَ دِ فِنّيٍ قِ بْنسْي فبّتّ شّمّيٍ مَ. عَ مَن نَشَ فِنّ تٌنفٌ سَشَن قَن قٍن بْنسْي فبّتّيٍ رَ عَ شَ دِ شّمّيٍ بّ. عَ نَشَ قِندِ عِسِرَيِلَ كِيتِسَ رَ حّ سٌلٌقٍرٍ بُن مَ. 10عِبِسَن تٌ قَشَ، عَ نَشَ رَفَتَ بّتّلّيمُ.
عِسِرَيِلَ كِيتِسَ عٍلٌن
11عِبِسَن دَنفِ شَنبِ، عٍلٌن سَبُلٌنكَ نَشَ قِندِ كِيتِسَ رَ عِسِرَيِلَ بْشِ مَ حّ قُ بُن مَ. 12عَ تٌ قَشَ، عَ نَشَ رَفَتَ عَيَلٌن، سَبُلٌن بْشِ مَ.
عِسِرَيِلَ كِيتِسَ عَبَدٌن
13عِبِسَن دَنفِ شَنبِ، هِلٍلِ شَ دِ عَبَدٌن ثِرَتٌنكَ نَشَ قِندِ كِيتِسَ رَ عِسِرَيِلَ. 14عَ نَشَ دِ تٌنفٌ نَانِ نُن مَمَدِ تٌنفٌ سَشَن سْتْ، عٍ تٍ سٌقَلٍ تٌنفٌ سٌلٌقٍرٍ قَرِ. عَ نَشَ قِندِ عِسِرَيِلَ كِيتِسَ رَ حّ سٌلٌمَسَشَن بُن مَ. 15هِلٍلِ شَ دِ عَبَدٌن ثِرَتٌنكَ تٌ قَشَ، عَ نَشَ رَفَتَ ثِرَتٌن عٍقِرَ مِ بْشِ مَ، عَمَلّكِكَيٍ شَ فٍيَ قَرِ.