عِسِرَيِلَ كِيتِسَ تٌلَ
1عَبِمٍلٍكِ تٌ قَشَ، ثُوَ شَ دِ تٌلَ، دٌدٌ شَ مَمَدِ، نَشَن قَتَنشِ عِسَكَرِ بْنسْي رَ، عَ نَشَ كٍلِ عَ شَ عِسِرَيِلَ رَتَنفَ. عَ نُ سَبَتِشِ سَمِرِ نّ، عٍقِرَ مِ فٍيَيٍ قَرِ. 2عَ نَشَ قِندِ كِيتِسَ رَ عِسِرَيِلَ حّ مْشْحّن نُن سَشَن. نَ شَنبِ عَ نَشَ قَشَ، عٍ سَ عَ رَفَتَ سَمِرِ.
عِسِرَيِلَ كِيتِسَ يَيِرِ
3تٌلَ تٌ دَنفِ، يَيِرِ فَلَدِكَ نَشَ كٍلِ، عَ قِندِ عِسِرَيِلَ كِيتِسَ رَ حّ مْشْحّن نُن قِرِن. 4دِ تٌنفٌ سَشَن نَن نُ نَ عَ بّ. عٍ نُ حّرّ مَ سٌقَلٍ تٌنفٌ سَشَن نَن قَرِ، عٍ نُ تَا تٌنفٌ سَشَن يَمَرِ مَ فَلَدِ بْشِ مَ. هَن تٌ نَ تَايٍ شِلِ قَلَمَ يَيِرِ شَ تَايٍ. 5يَيِرِ نَشَ قَشَ، عٍ سَ عَ رَفَتَ كَمٌن.
عِسِرَيِلَ كِيتِسَ يٍقِتٍ
6عِسِرَيِلَكَيٍ مَن نَشَ قٍيٍ رَبَ نَشَن مُ رَقَن عَلَتَلَ مَ. عٍ نَشَ بَلِ نُن عَسِتَرَتٍ كُيٍ بَتُ، عَرَ مِكَيٍ شَ عَلَيٍ، سِدْنكَيٍ شَ عَلَيٍ، مٌوَبَكَيٍ شَ عَلَيٍ، عَمٌنِكَيٍ شَ عَلَيٍ، عَ نُن قِلِسِتَكَيٍ شَ عَلَيٍ. عٍ نَشَ عَلَتَلَ قِنسِرِوَلِ، عٍ تٌندِ تُوبِدٍ عَ بّ. 7عَلَتَلَ بْحّ نَشَ تٍ عِسِرَيِلَ شِلِ مَ، عَ قَ عٍ سَ قِلِسِتَكَيٍ نُن عَمٌنِكَيٍ سَفٌي. 8عٍ نَشَ عِسِرَيِلَكَيٍ تْورْ، عٍ عٍ حَشَنكَتَ نَ حّ بُن مَ. عٍ مَن نَشَ عِسِرَيِلَكَيٍ حَشَنكَتَ نَشٍيٍ قَن نُ سَبَتِشِ يُرُدّن نَاكِرِ مَ، عَمٌنِكَيٍ شَ بْشِ مَ، حّ قُ نُن سٌلٌمَسَشَن بُن مَ. 9عَمٌنِكَيٍ نَشَ دَنفِ يُرُدّن نَ، عَلَكٌ عٍ شَ سَ يُدَيَ، بُنيَمِن، نُن عٍقِرَ مِ قَن فٍرٍ. عِسِرَيِلَ بْحّ تْورْ نّ كِ قَنيِ نَ وَشَتِ.
10عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، عٍ نُ قَ عَ قَلَ، «مُشُ بَرَ يُنُبِ رَبَ عِ رَ، بَرِ مَ مُشُ بَرَ فبِلٍن مُشُ مَرِفِ عَلَ قْشْ رَ، مُشُ مَن بَرَ بَلِ كُيٍيٍ بَتُ.» 11عَلَتَلَ نَشَ عَ مَسٍن عِسِرَيِلَكَيٍ بّ، «مِسِرَكَيٍ، عَمٌرِكَيٍ، عَمٌنِكَيٍ، قِلِسِتَكَيٍ، 12سِدْنكَيٍ، عَمَلّكِكَيٍ، نُن مَيٌنكَيٍ تٌ وٌ تْورْ، وٌ نَشَ ﭑ شِلِ وٌ شُي عِتٍشِ رَ. نَ تّمُي، ﭑ مُ وٌ بَ شّ عٍ سَفٌي؟ 13كْنْ وٌ تَن بَرَ ﭑ قِنِسِرِوَلِ، وٌ قَ عَلَ فبّتّيٍ بَتُ. نَ نَن عَ تٌشِ ﭑ مُ وٌ رَتَنفَمَ سْنْن. 14وٌ سَ سْنشْ وٌ شَ عَلَيٍ رَ، وٌ نَشٍيٍ سُفَندِشِ. عٍ شَ وٌ رَتَنفَ وٌ شَ تْورّيٍ مَ.»
15عِسِرَيِلَكَيٍ نَشَ عَ مَسٍن عَلَتَلَ بّ، «مُشُ بَرَ يُنُبِ رَبَ. عِ شَ عِ وَشْنقٍ رَبَ مُشُ رَ، كْنْ يَندِ عِ شَ مُشُ رَكِسِ تٌ.» 16نَ تّمُي عٍ نَشَ فبِلٍن سِ فبّتّيٍ شَ عَلَيٍ قْشْ رَ، عٍ قَ عَلَتَلَ بَتُ. عَلَتَلَ نُ بَرَ كِنِكِنِ عٍ مَ عٍ شَ تْورّ كُي.
17عَمٌنِكَيٍ نَشَ عٍ مَلَن، عٍ سَ كُرُ فَلَدِ. عِسِرَيِلَكَيٍ قَن نَشَ عٍ مَلَن، عٍ سَ كُرُ مِسِثَ. 18فَلَدِ حَمَ نُن مَنفّيٍ نُ قَ عَ قَلَ عٍ بٌورٍ بّ، «شّمّ مُندُن قَمَ يِ فٍرٍ قْلْدٍ عَمٌنِكَيٍ مَ؟ نَ كَنيِ نَن قِندِ مَ فَلَدِكَيٍ شَ مَنفّ رَ.»