تُننَبّشِيَ، دَنشَنِيَ، نُن عَلَ شَ سّرِيّ رَبَتُقٍ
1ﭑ تَن يَكِ نَن يِ كِ، عَلَ نُن عَ شَ مِشِ سُفَندِشِ مَرِفِ عِسَ شَ كٌنيِ. ﭑ بَرَ وٌ شّيبُ، وٌ تَن عِسِرَيِلَ بْنسْي قُ نُن قِرِنيِ نَشٍيٍ يٍنسٍنشِ حَمَنّيٍ مَ.
2ﭑ نفَشَكٍرٍنيِيٍ، وٌ شَ سّيوَ تْورّ مْولِ بِرِن كُي، 3بَرِ مَ وٌ عَ كٌلٌن عَ وٌ تْورّ نَشَن سْتْمَ دَنشَنِيَ كُي، عَ وٌ دُلُشْتْمَ نّ. 4وٌ شَ دُلُشْتْ هَن عَ رَحْنيِ عَلَكٌ وٌ شَ دَنشَنِيَ شَ تِلِن، وٌ شَ قِندِ مِشِ كَمَلِشِيٍ رَ، قٍقٍ مُ لُشِ نَشٍيٍ شَ قٍ رَ.
5شَ قَهَامُي مُ نَ مِشِ ندٍ يِ رَ وٌ يَ مَ، عَ كَنيِ شَ عَلَ مَشَندِ. عَ عَ سْتْمَ نّ، بَرِ مَ عَلَ مِشِ بِرِن كِمَ عَ يِرِوَشِ رَ عَ شَ قٌنِسِرٍيَ مَ. 6كْنْ قٌ مِشِ شَ عَلَ مَشَندِ دَنشَنِيَ رَ، عَ نَشَ سِيكّ، بَرِ مَ مِشِ سِيكّشِ لُمَ نّ عَلْ مْرْنيِ، قٌيٍ نَشَن بْنبْمَ، عَ عَ مَتُتُن. 7نَ كَنيِ نَشَ عَ مَحْشُن عَ عَ سٍ ندٍ سْتْمَ عَلَ رَ، 8بَرِ مَ عَ شَشِلِ مُ تِشِ عَلَ فبَنسَن شَ رَ، عَ سَنيِيٍ نَ كِرَ وُيَشِ نَن شْن.
9دَنشَنِيَتْي سٍتَرٍ شَ سّيوَ بَرِ مَ عَلَ بَرَ عَ شَ قٍ عِتٍ. 10كْنْ بَننَ تَن شَ سّيوَ عَلَ تٌ بَرَ عَ شَ قٍ مَفٌرٌ، بَرِ مَ عَ شَ قٍ حْنمَ نّ عَلْ سَنسِ قُفٍ تٌقَنيِ. 11سٌفٍ شْنّ نَ تٍ، سَنسِ لِسِمَ نّ هَن عَ قُفٍ بِرَ، عَ شَ تٌقَنيِ حْن. عَ نَ نَ كِ نّ بَننَ قَن بّ. عَ نَ عَ شَ وَلِيٍ كُي تّمُي نَشّ، عَ بِرِ مَ نَ لّيرِ نّ.
12حّلّشِنيِ نَ مِشِ بّ نَشَن عَ تُننَبّشِمَ تْورّ كُي، بَرِ مَ شَ عَ بَرَ فّ نَ تْورّ رَشَندٍ، عَلَ كِسِ شُننَكٍلِ قِمَ نّ عَ مَ. عَلَ نَ نَن لَايِدِشِ عَ شَنُنتٍنيِيٍ بّ.
13مِشِ نّ وَ مَ تَنتَنقٍ، عَ نَشَ عَ قَلَ عَ عَلَ نَن عَ رَتَنتَنقٍ، بَرِ مَ عَلَ مُ بِرَ مَ قٍ حَاشِ قْشْ رَ، عَ مَن مُ عَدَ مَ يٌ رَتَنتَنمَ قٍ حَاشِ رَ. 14عَدَ مَ يّتّ وَشْنقٍ حَاشِ نَن عَ رَتَنتَنمَ. نَ نَن عَ مَبّندُنمَ هَن عَ عَ رَبِرَ. 15عَدَ مَ وَشْنقٍ حَاشِ شَ دِ قِندِشِ يُنُبِ نَن نَ. يُنُبِ قَن نَ رَبَ، عَ شَ دِ قِندِ مَ قَشّ نَن نَ.
16ﭑ نفَشَكٍرٍنيِ شَنُشِيٍ، وٌ نَشَ لَ وُلٍ رَ. 17كِ هَفِفّ بِرِن قَتَنشِ دَالِ مَنفّ نَن نَ نَشَن نَ كٌورٍ، نَشَن سٌفٍ، كِكٍ، نُن تُنبُييٍ دَاشِ، نَشَن مُ مَسَرَ مَ عَبَدَن. 18عَ يّتّ سَفٌي مَ، عَلَ بَرَ وٌن نَكِسِ عَ شَ نْندِ مَسٍنيِ سَابُي رَ، عَ وٌن قِندِ عَ شَ دِيٍ رَ، عَلَكٌ وٌن شَ بِنيّ سْتْ دَنفِقٍ عَ شَ دَالِسٍ بِرِن نَ.
19ﭑ نفَشَكٍرٍنيِ شَنُشِيٍ، وٌ شَ يِ وْيّنيِ مّ؛ وٌ بِرِن شَ وٌ تُلِ مَتِ وٌ بٌرٍ رَ، وٌ نَشَ فبَتَ وْيّنيِ رَ، وٌ بْحّ نَشَ تٍ مَقُرٍن نَ، 20بَرِ مَ عَدَ مَدِ شَ شْنّ مُ عَ تُتُنمَ عَلَ شَ تِنشِنيِ مَ. 21نَ نَ عَ رَ، وٌ شَ تٌندِ قٍ حَاشِ نُن قٍ كٌبِ مْولِ بِرِن نَبَدٍ. وٌ شَ وٌ يّتّ مَفٌرٌ، وٌ شَ نْندِ سُشُ نَشَن بَرَ مَسٍن وٌ بّ، بَرِ مَ نَ نَن نْمَ وٌ رَكِسِدٍ.
22وٌ شَ عَلَ شَ مَسٍنيِ رَبَتُ. شَ وٌ عَ رَ مّ فبَنسَن كْنْ وٌ مُ عَ رَبَ، وٌ بَرَ وٌ يّتّ مَدَشُ. 23شَ مِشِ ندٍ عَلَ شَ مَسٍنيِ رَ مّ، كْنْ عَ مُ بِرَ عَ قْشْ رَ، عَ لُمَ نّ عَلْ مِشِ نَشَن عَ يَتَفِ مَتٌمَ كِكٍ مَ، 24عَ قَ سِفَ، عَ نّيمُ عَ يَتَفِ مَ عَ نَ كِ نَشّ. 25كْنْ مِشِ نَشَن عَلَ شَ سّرِيّ كَمَلِشِ مَتٌمَ عَ قَنيِ رَ، عَ عَ تُننَبّشِ، عَ مُ نّيمُ سّرِيّ مَ كْنْ عَ عَ رَبَتُ، نَ كَنيِ بَرَكَمَ نّ. عَلَ شَ سّرِيّ شْرّيَ قِمَ نّ عَدَ مَدِيٍ مَ.
26مِشِ يٌ عَ يّتّ مَحْشُن دِينّلَ رَ، كْنْ عَ مُ عَ دّ نْشِ، نَ كَنيِ نَ عَ يّتّ مَدَشُقٍ نّ. عَ شَ دِينّ تِدٍ يٌ مُ نَ. 27دِينّ قِيشّ نَشَن نَقَن بَبَ عَلَ مَ، عَ تَن نَن يَ؛ وٌن شَ مّينِ كِرِدِيٍ نُن كَاحّ فِنّيٍ مَ عٍ شَ تْورّ كُي، دُنِحَ قٍ مَن نَشَ وٌ مَدَشُ.