دَرِ سَلَمُ شَ حَشَنكَتّ
1حَشَنكَتّ نَ فُلُنبَ بّ تٌي تِمَ دّننَشّ.
مُنسٍ عَ نِيَشِ وٌ بِرِن تٍشِ وٌ شَ بَنشِيٍ قَرِ؟
2سِنفٍ وٌ نُ شُلُنيِ رَبَمَ، وٌ نُ وٌ شُي عِتٍ حّلّشِنيِ كُي،
كْنْ يَكْسِ وٌ شَ قٍ نَ دِ؟
وٌ شَ مِشِيٍ مُ قَشَ سَنتِدّفّمَ رَ،
عٍ مُ قَشَ فٍرٍ كُي.
3وٌ شَ مَنفّيٍ نَن تُن عٍ فِشِ عٍ سِفَ يِرٍ مَكُيٍ.
مِشِ نَشٍيٍ لُشِ، نٍيٍ بَرَ سُشُ فٍرٍ يٌ مُ سٌ.
4نَ كُي ﭑ نَشَ عَ قَلَ، «وٌ ﭑ لُ نَ، ﭑ شَ وَ عَ شْرْشْي رَ.
وٌ نَشَ كَتَ ﭑ مَدُندُقٍ رَ ﭑ مَ حَمَ شَ كَسَرّ مَ.»
5عَلَتَلَ سّنبّمَ شَ لْشْي يَ عِسٌشِ نَن نُ عَ رَ،
كَسَرّ نُن تْورّ نُ فبٌشِ تّمُي نَشّ فُلُنبَ كُي تٌي تِمَ دّننَشّ.
تّتّ نُ بِرَ مَ، سْنشْي نُ تٍمَ فٍيَ قَرِ.
6عٍلَمَكَيٍ عٍ شَ شَلِ سَسٍ فبَكُمَ عٍ مَ،
عٍ نُ سِفَمَ سْورِ رَفِسٍيٍ كُي نُن سٌي قَرِ.
كِرِكَيٍ عٍ شَ وُرٍ لٍقَيٍ مَبَمَ.
7سْورِ نُ بَرَ وُيَ وٌ شَ فُلُنبَ قَنيِيٍ كُي،
عٍ نُ وُيَ وٌ شَ تَا نَادّ رَ.
8سٍسٍ مُ لُشِ وٌ نُن وٌ يَشُييٍ تَفِ سْنْن.
نَ لْشْي وٌ نَشَ فٍرٍ سٌسٍيٍ تٌنفٌ نَشَن نُ نُ مَنفّ شَ بَنشِ كُي.
9وٌ نَشَ عَ تٌ يَلٍ فبٍفبٍ نُ بَرَ تِ دَوُدَ شَ تَا تّتّ مَ.
وٌ نَشَ يٍ رَفَتَ يِرٍ ندٍ لَنبَنيِ.
10وٌ نَشَ دَرِ سَلَمُ بَنشِيٍ مَتٌ، وٌ قَ ندٍ رَبِرَ عَلَكٌ وٌ شَ تّتّ سّنبّ سٌ.
11وٌ نَشَ يٍ رَفَتَدٍ يَءِلَن تّتّ قِرِنيِيٍ تَفِ،
يٍ سَمَ نَشَن كُي كٍلِقٍ يٍ رَفَتَدٍ قٌرِ.
كْنْ وٌ مُ وٌ يَ رَقِندِشِ عَلَ مَ نَشَن نُ بَرَ نَ قٌرِ يَءِلَن.
وٌ مُ لَ عَ يَءِلَنمَ رَ نَشَن نُ بَرَ نَتّ تٌنفٌ نَ وَلِ شَ قٍ رَ كَقِ عَ رَكُيَ.
12ﭑ مَرِفِ عَلَتَلَ نُ بَرَ شِلِ تِ نَ لْشْي حَمَ شَ وَ سُننُنيِ كُي،
وٌ شَ وٌ شُنيِيٍ بِ، وٌ شَ سُننُنيِ دُفِ رَفٌرٌ وٌ مَ.
13كْنْ وٌ مُ تِن نَ رَ، وٌ نَشَ شُلُنيِ تِ حّلّشِنيِ كُي،
وٌ نِنفٍ نُن يّشّي قَشَ وٌ نَشٍيٍ دٌنمَ،
وٌ وّنِ مِن عَ قَلَقٍ رَ،
«وٌن شَ وٌن دّفٍ، وٌن شَ وٌ مِن، بَرِ مَ تِنَ وٌن قَشَمَ نّ.»
14عَلَتَلَ سّنبّمَ بَرَ عَ مَسٍن ﭑ بّ، عَ نَشّ،
«وٌ شَ يِ يُنُبِ تَن مُ شَقَرِ مَ هَن وٌ قَشَ لْشْي.»
مَنفّ عَلَتَلَ شُي نَن يِ كِ.
15ﭑ مَنفّ عَلَتَلَ نَشَ عَ مَسٍن ﭑ بّ، عَ نَشّ،
«سِفَ مَنفّ بَنشِ شُنيِ سٍبِنَ يِرٍ، عَ قَلَ عَ بّ،
16‹عِ فبٍ نَ مُنسٍ رَ بٍ؟
ندٍ نَ عِ بّ بٍ نَشَن عَ نِيَمَ عِ شَ فَبُرِ تٌقَنيِ فٍ يِ فٍيَ قَرِ؟
17عَ فبٍ مُ لُشِ، عَلَتَلَ شَ عِ سُشُ، عَ شَ عِ وٌلِ يِرٍ مَكُيٍ.
عَ عِ مَشِرِ مَ نّ عَلْ كٌتٍ،
18عَ عِ وٌلِ بْشِ بٍلٍبٍلٍ ندٍ مَ.
عِ تَن نُن عِ شَ سْورِ رَفِسٍ قَنيِيٍ شَ قٍ حْنمَ مّننِ نّ،
عِ تَن نَشَن عِ شَ مَنفّ بْنسْي رَيَافِ.
19ﭑ عِ كٍرِ مَ نّ عِ شَ وَلِدٍ،
ﭑ عِ تِدٍ بَمَ نّ عِ يِ رَ.›»
20«نَ لْشْي ﭑ شِلِكِيَ شَ دِ عٍلِيَكِمِ شِلِمَ نّ، عَ شَ ﭑ مَ وَلِ رَبَ. 21ﭑ عِ شَ مَنفّ فُبَ رَفٌرٌ مَ نّ عَ مَ، ﭑ عِ شَ بّلّتِ شِرِ عَ تَفِ، ﭑ قَ عِ شَ مَنفّيَ قِ عَ مَ. عَ قِندِ مَ دَرِ سَلَمُكَيٍ نُن يُدَيَكَيٍ بَبَ نَن نَ. 22ﭑ دَوُدَ شَ مَنفّيَ سَابِ سٌمَ نّ عَ يِ رَ. عَ نَ نَادّ ندٍ رَبِ، مِشِ يٌ مُ عَ بَلَنمَ. عَ نَ نَادّ ندٍ بَلَن، مِشِ يٌ مُ عَ رَبِمَ. 23عَ قَمَ نّ بِنيّ رَ عَ بَبَ بْنسْي بّ. ﭑ عَ تِمَ نّ عَلْ وُرِ دِ نَشَن بَنبَنشِ عَ قَنيِ رَ بَنشِ بِلِ مَ، 24عَ بَبَ بْنسْي شَ قٍ بِرِن فبَكُمَ نَشَن نَ، قٍ شُنشُرِيٍ نُن قٍ شُنفبٍيٍ.»
25مَنفّ عَلَتَلَ مَن نَشَ عَ مَسٍن، «كْنْ لْشْي ندٍ نَ وُرِ دِ نَشَن نُ بَنبَنشِ عَ قَنيِ رَ بَنشِ بِلِ مَ، عَ قَمَ نّ بٌلٌندٍ، عَ بِرَ عَ نُن قٍ نَشَن بِرِن نُ فبَكُشِ عَ رَ.» عَلَتَلَ شُي نَن نَ كِ.