تْنشُمَ مِسِرَ نُن كُسِ شَ قٍ رَ
1عَسِرِيَ مَنفّ سَرَفْن تٌ عَ شَ سْورِ مَنفّ شّ عَسِدٌدِ تَا فٍرٍدٍ، عَ قَ نْ عَ رَ، عَ عَ سُشُ، 2عَلَتَلَ نَشَ يَامَرِ ندٍ قِ عَمٌسُ شَ دِ عَننَبِ عٍسَيِ مَ. عَ نَشّ، «عِ شَ عِ شَ سُننُنيِ دُفِ نُن عِ شَ سَنكِرِ بَ، عِ لُ نَ كِ قَ.» عٍسَيِ نَشَ عَ رَبَتُ، عَ قَ عَ حّرّ عَ مَفٍلِ رَ.
3حّ سَشَن تٌ دَنفِ، عَلَتَلَ نَشَ عَ مَسٍن، «ﭑ مَ كٌنيِ عٍسَيِ عَ حّرّشِ عَ مَفٍلِ نَن نَ يِ حّ سَشَن بُن مَ تْنشُمَ كِ مَ مِسِرَ نُن كُسِ شَ قٍ رَ. 4عَسِرِيَ مَنفّ قَمَ مِسِرَكَ نُن كُسِكَ مِشِ سُشُشِيٍ شَنِندٍ نَ كِ نّ. دِ مّدِيٍ نُن قٌرِيٍ بِرِن سِفَمَ عٍ مَفٍلِ نَن نَ يَافِ كُي. 5مِشِ نَشٍيٍ شَشِلِ نُ تِشِ مِسِرَ نُن كُسِ رَ، عٍ لُمَ فَاشُي نُن يَافِ نَن كُي. 6نَ لْشْي نَشٍيٍ نُ سَبَتِشِ بَا دّ رَ عٍ عَ قَلَمَ نّ، ‹قٍ مَتٌ نَشَن نَبَشِ مِسِرَكَيٍ نُن كُسِكَيٍ رَ. مُشُ شَشِلِ نُ تِشِ عٍ تَن نَن نَ عٍ شَ مُشُ رَتَنفَ عَسِرِيَ مَ. يَكْسِ مُشُ قَ رَتَنفَمَ دِ قَ؟›»