شُرٍ نَشَن مِنِمَ هْرْ مْبَنشِ يِرٍ
1نَ شّمّ نَشَ ﭑ نَفبِلٍن هْرْ مْبَنشِ سٌدٍ دّ رَ سٌفٍتٍدٍ مَبِرِ، بَنشِ يَ نُ رَقِندِشِ دّننَشّ مَ. مّننِ ﭑ نَشَ يٍ تٌ مِنِ رَ. نَ يٍ نُ كٍلِمَ سّرّشّبَدٍ كْولَ مَبِرِ نّ. 2نَ شّمّ نَشَ ﭑ نَمِنِ كْولَ سٌدٍ دّ رَ، مُشُ تّتّ مَبِلِن تَندٍ بِرِ رَ، هَن تّتّ سٌدٍ دّ رَ سٌفٍتٍدٍ مَبِرِ. يٍ نُ شَلّمَ سٌدٍ دّ يِرٍقَنيِ بِرِ رَ.
3نَ شّمّ تٌ مِنِ سٌفٍتٍدٍ بِرِ رَ، لُوتِ نُ نَ عَ يِ رَ، عَ نَشَ نْنفْن يَ وُلُ كٍرٍن مَنِيَ مّننِ. عَ قَ ﭑ نَفِرِ يٍ مَ، نَشَن نُ بَرَ تٍ هَن ﭑ سَن كْنيِ. 4عَ مَن نَشَ نْنفْن يَ وُلُ كٍرٍن مَنِيَ، عَ ﭑ نَفِرِ يٍ مَ، نَشَن نُ بَرَ تٍ هَن ﭑ شِنبِ. عَ مَن نَشَ نْنفْن يَ وُلُ كٍرٍن مَنِيَ، عَ ﭑ نَفِرِ يٍ مَ، نَشَن نُ بَرَ تٍ هَن ﭑ تَفِ. 5عَ تٌ نْنفْن يَ وُلُ كٍرٍن فبّتّ مَنِيَ، نَ يٍ نُ بَرَ قِندِ شُرٍ رَ مِشِ مُ نُ نْمَ نَشَن عِفِرِدٍ، قٌ عَ شَ يٍ مَسَ. 6نَ تّمُي عَ نَشَ ﭑ مَشْرِن، «عَدَ مَدِ، عِ بَرَ يِ قٍ تٌ عَ قَنيِ رَ؟ عَ نَشَ ﭑ شَنِن شُرٍ دّ رَ. 7مّننِ ﭑ نَشَ وُرِ بِلِ فبٍفبٍ تٌ، عٍ تِشِ شُرٍ دّ قِرِن نَ.» 8نَ شّمّ نَشَ عَ قَلَ ﭑ بّ، «يِ شُرٍ شُن تِشِ سٌفٍتٍدٍ نَن نَ، عَ سَ فٌرٌ يُرُدّن قَرّ مَ، عَ سَ سِن بَا مَ، نَشَن يٍ مُ قَنشِ. شُرٍ يٍ نَ بَا لِ دّننَشّ، بَا يٍ قَنمَ نّ عَ قَنيِ رَ، 9يّشّيٍ قَ بَلٌ. يّشّ وُيَمَ نّ مّننِ نَ شُرٍ يٍ شَ قٍ رَ، نَشَن بَا يٍ قَنمَ. نَ شُرٍ يٍ نَ لُ دّننَشّ، نِمَسٍيٍ بَلٌمَ نّ عَ قَنيِ رَ. 10كٍلِ عٍن فٍدِ مَ، هَن عَ سَ دْشْ عٍفٍلَيِمِ رَ، يّشّسُشُييٍ دِنمَ نّ مّننِ بِرِن نَ، عٍ عٍ شَ يّلّيٍ سَ. يّشّ مْولِ بِرِن نَن سُشُمَ نَا، عَلْ نَشٍيٍ تٌمَ بَا شُنفبٍ مَ. 11يٍ يِرٍ ندٍيٍ مُ قَنمَ، عَلَكٌ قْشْي شَ لُ نَا. 12وُرِ بِلِ مْولِ بِرِن نَن بُلَمَ نَ شُرٍ دّ قِرِنيِ مَ. عٍ بُرّشّ مُ لِسِمَ، عٍ بٌفِ قَن. كِكٍ يٌ كِكٍ عٍ بٌفِمَ نّ عَ قَنيِ رَ نَ شُرٍ يٍ شَ قٍ رَ نَشَن كٍلِمَ هْرْ مْبَنشِ كُي. عٍ بٌفِ قِندِ مَ بَلٌي نَن نَ، عٍ بُرّشّ قِندِ سٍرِ رَ.»
13«وٌ مَرِفِ عَلَتَلَ يِ نَن مَسٍنشِ، عَ نَشّ؛ وٌ شَ يِ بْشِ عِتَشُن عِسِرَيِلَ بْنسْي قُ نُن قِرِنيِيٍ مَ، عَ شَ قِندِ عٍ كّ رَ. ﭑ شَ نَ نَانِنيِيٍ مَسٍن وٌ بّ. يُسُقُ بْنسْي بْشِ عِتَشُنشِ قِرِن نَن سْتْمَ، 14نَشٍيٍ بِرِن لَن. عِسِرَيِلَ بْشِ قِندِ مَ وٌ بِرِن كّ نَن نَ، عَلْ ﭑ نَ ﭑ كَلِ وٌ بٍنبَيٍ بّ كِ نَشّ.»
15بْشِ نَانِنيِيٍ نَن يَ؛ عَ كْولَ سّيتِ قْلْمَ بَا شُنفبٍ نَن مَ، عَ سِفَ شٍتٍلٌن كِرَ رَ، عَ دَنفِ لٍبٌ شَمَتَ رَ، تِسٍدَدِ، 16بٍرٌتَ، سِبِرَيِمَ، نَشَن نَ دَ مَسِ نُن شَمَتَ تَفِ، هَن عَ سَ دْشْ شَسٍرِ تِكٌنِ رَ، نَشَن نَ شَوُرَن نَانِنيِ رَ. 17نَ كُي، نَ نَانِنيِ كٍلِمَ بَا شُنفبٍ نَن مَ، عَ سِفَ هَن شَسَرِ عٍنَن، نَشَن نَ دَ مَسِ كْولَ مَبِرِ. تِسَقٌنِ بْشِ نَ كْولَ نَن مَ. عِسِرَيِلَ نَانِنيِ نَن نَ كِ كْولَ مَبِرِ.
18عِسِرَيِلَ بْشِ نَانِنيِ سٌفٍتٍدٍ مَبِرِ كٍلِمَ دَ مَسِ نّ، عَ سِفَ شَوُرَن. يُرُدّن شُرٍ قِندِشِ نَانِنيِ نَن نَ فَلَدِ بْشِ نُن عِسِرَيِلَ بْشِ تَفِ، عَ سَ بَا لِ سٌفٍتٍدٍ بِرِ رَ. عِسِرَيِلَ نَانِنيِ نَن نَ كِ سٌفٍتٍدٍ مَبِرِ.
19عِسِرَيِلَ بْشِ نَانِنيِ يِرٍقَنيِ مَبِرِ كٍلِمَ تَمَرِ، عَ سِفَ هَن مٍرِبَ كَدٍ سِ، هَن مِسِرَ شُرٍ نُن بَا شُنفبٍ مَ. عِسِرَيِلَ نَانِنيِ نَن نَ كِ يِرٍقَنيِ مَبِرِ.
20عِسِرَيِلَ بْشِ نَانِنيِ سٌفٍفٌرٌدٍ مَبِرِ كٍلِمَ بَا شُنفبٍ نَن مَ، هَن لٍبٌ شَمَتَ لٌنفٌرِ. عِسِرَيِلَ نَانِنيِ نَن نَ كِ سٌفٍفٌرٌدٍ مَبِرِ.
21«وٌ شَ يِ بْشِ عِتَشُن وٌ بٌرٍ مَ عِسِرَيِلَ بْنسْييٍ كِ نَن مَ. 22عَ شَ قِندِ وٌ كّ رَ، عَ نُن مِشِيٍ كّ رَ نَشٍيٍ سَبَتِشِ وٌ شْنيِ عَ نُن عٍ شَ دِيٍ. وٌ شَ عٍ تٌنفٌ عَلْ عِسِرَيِلَ لَسِرِ، نَشٍيٍ كّ سْتْمَ عِسِرَيِلَ بْشِ مَ وٌ يَ مَ. 23نَ شْحّيٍ سَبَتِشِ بْنسْي نَشَن يَ مَ، عٍ شَ عٍ كّ سْتْ مّننِ نّ. وٌ مَرِفِ عَلَتَلَ شُي نَن نَ كِ.»