سّرّشّيٍ
1وٌ مَرِفِ عَلَتَلَ يِ نَن مَسٍنشِ، عَ نَشّ؛ «سٌدٍ دّ شَ نَادّ، نَشَن نَ هْرْ مْبَنشِ تّتّ كُي سٌفٍتٍدٍ بِرِ رَ، نَ بَلَنمَ نّ شِ سٍننِ بُن مَ، كْنْ عَ رَبِمَ مَلَبُ لْشْي نُن كِكٍ نّينّ سَلِ تّمُي نّ. 2مَنفّ عَ مَسٌ نَا بُنتُنيِ سٌدٍ دّ رَ، عَ تِ مّننِ. سّرّشّدُبّ عَ شَ سّرّشّ فَن دَاشِ نُن عَ شَ شَنُنتٍيَ سّرّشّيٍ بَمَ تّمُي نَشّ، عَ شَ عَ شِنبِ سِن. عَ نَ فّ نَ رَبَدٍ، عَ شَ مِنِ. سٌدٍ دّ نَادّ مُ بَلَنمَ، قٌ نُنمَرٍ. 3حَمَ عٍ شِنبِ سِنمَ نّ نَا عَلَتَلَ يَ عِ مَلَبُي لْشْي نُن كِكٍ نّينّ سَلِ لْشْييٍ رَ. 4مَنفّ تَن شَ يّشّي شّمّ سٍننِ نُن يّشّي كٌنتٌنيِ كٍرٍن بَ سّرّشّ رَ مَلَبُي لْشْي. لَنيُرُ يٌ نَشَ لُ عٍ مَ. 5سَنسِ شْرِ بُسَلِ كٍرٍن شَ بَ هَدِيَ رَ يّشّي كٌنتٌنيِ سّيتِ مَ. عَ مَن شَ سَنسِ شْرِ ندٍ بَ هَدِيَ رَ يّشّي بٌورٍيٍ سّيتِ مَ، عَ وَ مَ شَسَبِ نَشَن شْن، عَ نُن تُرٍ لِتِرِ نَانِ سَنسِ شْرِ بُسَلِ كٍرٍن بّ. 6كِكٍ نّينّ شِ سِنفٍ، عَ شَ تُورَ كٍرٍن، يّشّي شّمّ سٍننِ، نُن يّشّي كٌنتٌنيِ كٍرٍن نَن بَ سّرّشّ رَ، لَنيُرُ يٌ مُ نَ نَشٍيٍ مَ. 7عَ شَ سَنسِ شْرِ بُسَلِ كٍرٍن بَ تُورَ بّ، عَ شَ كٍرٍن بَ يّشّي كٌنتٌنيِ بّ، عَ نُن عَ وَ مَ نَشَن شْن يّشّي شّمّ بٌورٍيٍ قَن بّ. عَ شَ تُرٍ لِتِرِ نَانِ سَ بُسَلِ كٍرٍن كٍرٍن سّيتِ مَ. 8مَنفّ شَ سٌ بُنتُنيِ سٌدٍ دّ رَ، عَ مَن شَ مِنِ مّننِ نَن نَ.»
9«حَمَ نَ قَ تّمُي نَشّ عَلَتَلَ بَتُدٍ سَلِ لْشْييٍ مَ، نَشَن نَ سٌ كْولَ سٌدٍ دّ رَ، عَ شَ مِنِ يِرٍقَنيِ سٌدٍ دّ رَ. نَشَن نَ سٌ يِرٍقَنيِ سٌدٍ دّ رَ، عَ شَ مِنِ كْولَ سٌدٍ دّ رَ. مِشِ يٌ نَشَ مِنِ عَ سٌشِ دّننَشّ رَ. عَ شَ مِنِ نَادّ فبّتّ رَ. 10مَنفّ قَن شَ لُ عٍ يَ مَ، عٍ سٌ تّمُي نُن عٍ مِنِ تّمُي.»
11«سَلِ لْشْييٍ نُن لْشْي سُفَندِشِيٍ، مَنفّ شَ سَنسِ شْرِ بُسَلِ كٍرٍن بَ تُورَ بّ، عَ شَ كٍرٍن بَ يّشّي كٌنتٌنيِ بّ، عَ نُن عَ وَ مَ نَشَن شَسَبِ شْن يّشّي شّمّ بٌورٍيٍ بّ. عَ شَ تُرٍ لِتِرِ نَانِ سَ بُسَلِ كٍرٍن كٍرٍن سّيتِ مَ. 12مَنفّ نَ وَ سّرّشّ حَنِفٍشِ بَقٍ عَلَتَلَ بّ، نَشَن قِندِشِ سّرّشّ فَن دَاشِ، شَ نَ مُ عَ رَ، شَنُنتٍيَ سّرّشّ، عَ لَنمَ سٌفٍتٍدٍ نَادّ شَ رَبِ عَ بّ. عَ شَ عَ شَ سّرّشّيٍ بَ عَلْ عَ عَ بَمَ كِ نَشّ مَلَبُي لْشْي. عَ نَ فّ نَ رَ، عَ شَ مِنِ، نَادّ قَ بَلَن.»
13«فّيسّفّ بِرِن وٌ شَ يّشّي حّ كٍرٍن دَاشِ بَ سّرّشّ رَ، لَنيُرُ مُ نَ نَشَن مَ. 14وٌ شَ سَنسِ شْرِ كٌنبٌ يَ سَشَن نُن تُرٍ لِتِرِ كٍرٍن بَ نَ يّشّي سّيتِ مَ فّيسّفّ بِرِن. يَامَرِ نَ عَ رَ نَشَن مُ كَنَمَ عَبَدَن. 15نَ كُي فّيسّفّ بِرِن، يّشّي، سَنسِ شْرِ، نُن تُرٍ شَ بَ سّرّشّ فَن دَاشِ رَ.»
16«مَرِفِ عَلَتَلَ يِ نَن مَسٍنشِ، عَ نَشّ؛ شَ مَنفّ بْشِ ندٍ قِمَ عَ شَ دِ ندٍ مَ، نَ قِندِ مَ عَ شَ دِ بّ كّ نَن نَ، عَ قَ لُ عَ شَ دِ شَ دِيٍ بّ. 17كْنْ شَ عَ بْشِ ندٍ قِ عَ شَ كٌنيِ ندٍ مَ، نَ لُمَ نّ نَ يِ رَ هَن شْرّيَ حّ وَشَتِ. نَ تّمُي، نَ بْشِ مَن فبِلٍنمَ مَنفّ نَن مَ. مَنفّ شَ بْشِ قِندِ مَ عَ شَ دِيٍ كّ نَن فبَنسَن نَ. 18مَنفّ مُ لَنمَ عَ شَ مِشِ يٌ كّ بَ عَ يِ رَ حَمَ يَ مَ، عَ عَ كٍرِ عَ شْنيِ. عَ شَ عَ يّتّ كّ قِ عَ شَ دِيٍ مَ، عَلَكٌ ﭑ مَ حَمَ نَشَ قَ مَكُيَ عٍ شَ بْشِ رَ.»
19نَ تّمُي، نَ شّمّ نَشَ ﭑ شَنِن هْرْ مْبَنشِ تّتّ سٌدٍ دّ رَ، نَشَن نَ كْولَ بِرِ رَ، عَ سّرّشّدُبّيٍ شْنيِ مَسٍن ﭑ بّ. عَ نَشَ يِرٍ ندٍ مَسٍن ﭑ بّ مّننِ سٌفٍفٌرٌدٍ مَبِرِ، 20عَ عَ قَلَ ﭑ بّ؛ «سّرّشّدُبّيٍ شَ شُرُ سٍ سُبٍ حِنمَ بٍ نّ، نَشَن بَمَ يُنُبِ شَقَرِ سّرّشّيٍ رَ، نُن يُنُبِ سْتْي سّرّشّ رَ. عٍ مَن سَنسِ شْرِ سّرّشّ فَنمَ بٍ نّ، عَلَكٌ نَ سٍ سّنِيّنشِيٍ نَشَ حَمَ تَن نَسّنِيّن.»
21نَ شّمّ نَشَ ﭑ نَمِنِ تّتّ شُنفبٍ كُي، عَ عَ تُنشُن نَانِيٍ بِرِن مَسٍن ﭑ بّ. تّتّ فبّتّيٍ نُ نَ نَ تُنشُن نَانِ بِرِن نَ، 22نَشٍيٍ شَ كُيّ نْنفْن يَ تٌنفٌ نَانِ لِمَ، عٍ عِفبٌي نْنفْن يَ تٌنفٌ سَشَن. نَ تّتّ نَانِ بِرِن نُ لَن. 23تٍيبِلِ فّمّ دَاشِيٍ نُ قَتُشِ نَ تّتّيٍ شّلّيٍ مَ. يِرٍيٍ نُ نَ نَ تٍيبِلِيٍ بُن مَ تّ نُ شُرُ مَ دّننَشّ. 24نَ شّمّ نَشَ عَ قَلَ ﭑ بّ، عَ نَشّ، «كُرِ نَن يَ، سّرّشّدُبّيٍ حَمَ شَ سّرّشّيٍ حِنمَ دّننَشّ.»