دَرِ سَلَمُ سُشُشِ
1«عِ تَن عَدَ مَدِ، عِ شَ وَلَشّ بّندّ دَاشِ تٌنفٌ، عِ قَ ثِرِنتِ كٌرِن عَ مَ نَشَن مِسَالِشِ دَرِ سَلَمُ تَا رَ. 2عِ شَ سٍ ندٍيٍ يَءِلَن نَ وَلَشّ رَبِلِنيِ مَ نَشَن مِسَالِشِ فٍرٍ رَ دَرِ سَلَمُ شِلِ مَ. بّندّ ندٍ مَلَن مِسَالِ رَ يَشُييٍ قَمَ تٍدٍ تّتّ رَ نَشَن قَرِ. وُرِ دِيٍ تٌنفٌ نَشٍيٍ مِسَالِشِ وُرِيٍ رَ يَشُييٍ نَشٍيٍ رَوَلِمَ نَادّ كَنَقٍ رَ. يٌنكِندٍيٍ يَءِلَن مِسَالِ رَ يَشُييٍ لُمَ دّننَشّ. 3وُرٍ ندٍ تِ عِ تَن نُن نَ وَلَشّ تَفِ. نَ شَ قِندِ مِسَالِ رَ دَرِ سَلَمُ سُشُمَ كِ نَشّ. عَ شَ قِندِ تْنشُمَ رَ عِسِرَيِلَ بْنسْي بّ.»
4«عِ شَ عِ سَ عِ كْولَ سّيتِ مَ نَ وَلَشّ يَ عِ. نَ مِسَالِمَ عِسِرَيِلَ شَ يُنُبِيٍ نَن نَ، نَشٍيٍ لُمَ عِ مَ عِ شَ شِ شَسَبِ. 5عِ شَ شِ شَسَبِ لَنمَ عٍ شَ يُنُبِ رَبَ حّ شَسَبِ نَن مَ. نَ قِندِشِ شِ كّمّ سَشَن شِ تٌنفٌ سٌلٌمَنَانِ نَن نَ. عِسِرَيِلَكَيٍ شَ يُنُبِ كٌتٍ دْشْمَ عِ شُن مَ نَ كِ نّ.»
6«عِ نَ فّ نَ رَبَدٍ، عِ مَن شَ عِ سَ عِ يِرٍقَنيِ سّيتِ مَ. نَ كُي عِ شَ يُدَ بْنسْي شَ يُنُبِ كٌتٍ تٌنفٌ شِ تٌنفٌ نَانِ بُن مَ، نَشَن عَ مَسٍنمَ عٍ لُ يُنُبِ رَبَ رَ نَ حّ نَن نَ. 7عِ شَ عِ يَ تِ نَ وَلَشّ رَ، عِ عِ بّلّشّ عِتَلَ، عِ وْيّن دَرِ سَلَمُ بّ ﭑ شِلِ رَ. 8ﭑ عِ شِرِ مَ نّ لُوتِيٍ رَ عَلَكٌ عِ نَشَ قَ عِ مَقِندِ عِ سّيتِ ندٍ مَ، هَن عِ فّ نَ وَشَتِ رَكَمَلِدٍ.»
9«مّنفِ شْرِيٍ، تٌفٍ، تٍنفٍ، نُن نَ مَنِيّ تٌنفٌ، عِ عٍ سَ سٍ سَسٍ كُي تَامِ يَءِلَنقٍ رَ عِ بّ نَ وَشَتِ. عِ قَمَ نّ نَ دٌندٍ عِ سَشِ عِ سّيتِ مَ نَ شِ كّمّ سَشَن شِ تٌنفٌ سٌلٌمَنَانِ بُن مَ. 10عِ شَ نَ دٌنسٍ مَنِيَ فِرَ مُ كّمّ قِرِن، كّمّ قِرِن مَ، عِ نَشَن دٌنمَ لْشْ يٌ لْشْ عَ وَشَتِ مَ. 11عِ شَ يٍ قَن لِتِرِ تَفِ مَنِيَ، عِ نَشَن مِنمَ لْشْ يٌ لْشْ عَ وَشَتِ. 12عِ شَ تَامِ يَءِلَن نَ مّنفِ رَ حَمَ يَ شْرِ. عِ نَ فَن مِشِ فبِ رَ.»
13نَ تّمُي عَلَتَلَ نَشَ عَ مَسٍن، «نَ كُي عِسِرَيِلَكَيٍ قَمَ نّ تَامِ سّنِيّنتَرٍ دٌندٍ حَمَنّ فبّتّيٍ تَفِ، ﭑ عٍ رَيٍنسٍنمَ دّننَشّ.» 14ﭑ نَشَ عَ يَابِ، «ﭑ مَرِفِ عَلَتَلَ عَستْقُلَهِ! ﭑ تَن لُمَ سّنِيّنيِ نَن كُي. كَبِ ﭑ دِ مّدِ تّمُي ﭑ مُ سٍسٍ رَهَرَ مُشِ دٌن، عَلْ سُبٍ نَشَن قَشَشِ عَ يّتّ مَ، شَ نَ مُ عَ رَ سُبٍ نَشَن عِبْوشِ سُبٍ شَاحّ ندٍ سَابُي رَ.» 15نَ نَن عَ رَ، عَ نَشَ عَ قَلَ ﭑ بّ، «عَوَ يِرٍ، عِ عِ شَ تَامِ فَنمَ نِنفٍ حَحّ نَن قَرِ، ﭑ بَرَ مِشِ فبِ قٍ لُ نَ.»
16نَ تّمُي عَ نَشَ عَ قَلَ ﭑ بّ، «عَدَ مَدِ، ﭑ مُ تِنمَ بَلٌي شَ دَرِ سَلَمُ لِ. تَاكَيٍ قَمَ دٌنسٍ نُن يٍ سْتْدٍ عَ شُرِ شُرِ نَن نَ، عٍ قَ لُ تْورّ نُن كْنتْقِلِ كُي. 17بَلٌي نُن يٍ شُرُنمَ نّ عٍ يِ، عٍ قَتٍ حْن عٍ فَاشُ عٍ بٌرٍ تٌقٍ رَ. نَ بِرِن عٍ لِمَ عٍ شَ يُنُبِ نَن شَ قٍ رَ.»