مَنفّ فٌفٌ رَحْنيِ
1«عَدَ مَدِ، ﭑ مَ مَسٍنيِ شْرْشْي تِ مَنفّ فٌفٌ بّ، عَ قَلَقٍ رَ، ‹مَرِفِ عَلَتَلَ يِ نَن مَسٍنشِ؛ مٍسٍكِ نُن تُبَلِ مَنفّ فٌفٌ، ﭑ بَرَ تِ عِ كَنكٍ! 2ﭑ عِ مَقِندِ مَ نّ عَلْ ﭑ وَ مَ عَ شْن كِ نَشّ. ﭑ عِ رَكٍلِمَ عِ شْنيِ كْولَ مَ، ﭑ قَ عِ رَ عِسِرَيِلَ فٍيَيٍ مَ فٍرٍ تِقٍ رَ. 3مّننِ ﭑ عِ شَ شَلِ نُن عِ شَ شَلِ وٌلِ سٍ رَبِرَ مَ نّ. 4عِ تَن نُن عِ شَ سْورِيٍ بِرِن قَشَمَ نّ نَ فٍيَيٍ لٌنفٌرِ. ﭑ وٌ قِندِ مَ يُبّيٍ نُن بُرُنيِ سُبٍيٍ شَ دٌنسٍ نَن نَ، 5وٌ بِنبِيٍ قَ لُ كّنّ مَ. مَرِفِ عَلَتَلَ شُي نَن نَ كِ. 6ﭑ تّ سٌمَ نّ مَفٌفٌ رَ، نُن يِرٍ رَشَرَشِ بَا دّ رَ. نَ تّمُي، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ.›»
7«ﭑ نَ ﭑ شِلِ سّنِيّنشِ مَسٍنمَ نّ ﭑ مَ حَمَ عِسِرَيِلَ بّ، ﭑ مَن مُ تِنمَ سْنْن عٍ شَ ﭑ مَبٍرٍ. سِ فبّتّيٍ قَمَ نّ عَ كٌلٌندٍ، عَ ﭑ تَن عَلَتَلَ نَن نَ عِسِرَيِلَ شَ سّنِيّنتْي رَ. 8نَ قٍ بِرِن قَمَ نّ رَبَدٍ. مَرِفِ عَلَتَلَ شُي نَن نَ كِ. لْشْي نَ عَ رَ، ﭑ نَشَن شَ قٍ قَلَ.»
9«عِسِرَيِلَكَ نَشٍيٍ سَبَتِشِ تَايٍ كُي، عٍ مِنِمَ فٍرٍ سٌسٍيٍ مَتٌنفٌدٍ بْشِ مَ، عَلْ وُرٍ لٍقَيٍ، شَلِيٍ، شَلِيٍ وٌلِ سٍيٍ، تَنبّيٍ، نُن وُرِ قَشّتِ سٍيٍ، عٍ قَ عٍ فَن يٍفٍ قَرِ. نَ عٍ هَيِ قَنمَ حّ سٌلٌقٍرٍ نَن بُن مَ. 10عٍ مُ يٍفٍ قٍنمَ قِيلِ نُن قْتْنيِ مَ سْنْن، بَرِ مَ فٍرٍ سٌسٍيٍ نَن قِندِ مَ يٍفٍ رَ عٍ بّ. نَشٍيٍ بَرَ وَ هَرِفٍ بَقٍ عٍ يِ رَ، عٍ تَن نَن قَمَ هَرِفٍ بَدٍ نٍيٍ يِ رَ. مَرِفِ عَلَتَلَ شُي نَن نَ كِ.»
11«نَ لْشْي، ﭑ عَ نِيَمَ نّ فٌفٌ شَ رَفَتَ عِسِرَيِلَ بْشِ مَ، فُلُنبَ ندٍ كُي مِشِيٍ دَنفِمَ دّننَشّ سِفَقٍ رَ بَا دّ رَ سٌفٍتٍدٍ مَبِرِ. نَ فُلُنبَ كِرَ عِبٌلٌنمَ نّ فٌفٌ نُن عَ شَ سْورِيٍ رَفَتَدٍ شَ قٍ رَ. عٍ مّننِ شِلِ سَمَ نّ ‹فٌفٌ شَ حَمَ شَ فُلُنبَ.›»
12«عِسِرَيِلَ بْنسْي كِكٍ سٌلٌقٍرٍ نَن نَبَمَ نَ مِشِيٍ رَفَتَقٍ رَ، عَلَكٌ عٍ شَ بْشِ شَ سّنِيّن. 13حَمَ بِرِن لُمَ نّ نَ وَلِ رَبَ رَ. ﭑ مَ نْرّ تٌ لْشْي قِندِ مَ قٍ بٍلٍبٍلٍ نَن نَ عٍ بّ. وٌ مَرِفِ عَلَتَلَ شُي نَن نَ كِ. 14عٍ مِشِيٍ سُفَندِ مَ نّ بْشِ رَ سّنِيّندٍ. نٍيٍ تَن نُن عٍ بٌورٍيٍ لُمَ نّ بْشِ بِرِن عِحّرّ رَ بِنبِيٍ رَفَتَقٍ رَ. نَ وَلِ بُمَ نّ حّ سٌلٌقٍرٍ. 15عٍ نَ فّ نَ رَ، عٍ مَن بْشِ عِحّرّ مَ نّ مِشِ شْرِيٍ قٍندٍ. عٍ نَ ندٍ تٌ، عٍ تْنشُمَ ندٍ تِ نَا عَلَكٌ فَبُرِ فٍمَيٍ شَ عَ تٌ، عٍ شَ نَ شْرِيٍ شَنِن فٌفٌ شَ حَمَ شَ فُلُنبَ يِرٍ. 16عٍ بْشِ رَ سّنِيّنمَ نَ كِ نّ. تَا ندٍ تِمَ نَا، نَشَن شِلِمَ هَمٌنَ. شِلِ نَن نَ كِ نَشَن عَ قَلَمَ ‹حَمَ› عٍ فبٍ شُي رَ.»
17«عَدَ مَدِ، عِ مَرِفِ عَلَتَلَ يِ نَن مَسٍنشِ؛ عَ قَلَ وُلَءِ شْنِيٍ نُن سُبٍ مْولِ بِرِن بّ، ‹وٌ بِرِن شَ قَ بٍ، ﭑ شَ ﭑ مَ سّرّشّ شُنفبٍ رَقَلَ عِسِرَيِلَ فٍيَيٍ مَ. مّننِ وٌ سُبٍ نُن وُلِ دٌنمَ نّ. 18وٌ سّنبّمَيٍ سُبٍ دٌنمَ نّ، وٌ بْشِ مَنفّيٍ وُلِ مِن عَلْ شُرُ سٍ نَشٍيٍ رَتُرَشِ بَسَن بْشِ مَ. 19نَ سّرّشّ تّمُي، وٌ وَ سَمَ نّ عٍ سُبٍ رَ، وٌ سِيسِ عٍ وُلِ رَ. 20وٌ لُفَمَ نّ سٌي نُن عَ رَفِمَيٍ سُبٍ رَ، مَنفّيٍ نُن سْورِ مْولِ بِرِن سُبٍ. وٌ مَرِفِ عَلَتَلَ شُي نَن نَ كِ.›»
21«ﭑ نَ ﭑ مَ نْرّ مَسٍنمَ نّ دُنِحَ بِرِن بّ فٌفٌ حَمَ شَ حَشَنكَتّ سَابُي رَ. 22كٍلِ نَ لْشْي مَ، عِسِرَيِلَ بْنسْي عَ كٌلٌنمَ نّ عَ ﭑ تَن نَن نَ عٍ مَرِفِ عَلَتَلَ رَ. 23سِ فبّتّيٍ عَ كٌلٌنمَ نّ عَ عِسِرَيِلَ شَ يُنُبِيٍ نَن عَ نِيَ عٍ شَ سِفَ كٌنيِيَ كُي. عٍ تٌ ﭑ يَنقَ، ﭑ نَشَ ﭑ كٌبٍ رَ سٌ عٍ رَ، ﭑ قَ عٍ سَ عٍ يَشُييٍ سَفٌي. نَ نَن عَ رَ، عٍ نَشَ قَشَ سَنتِدّفّمَ رَ. 24ﭑ عٍ حَشَنكَتَشِ عٍ شَ يُنُبِيٍ نُن عٍ شَ سّنِيّنتَرٍحَ نَن مَ. نَ نَن عَ نِيَشِ ﭑ شَ ﭑ كٌبٍ سٌ عٍ رَ.»
25«عَوَ، عِ مَرِفِ عَلَتَلَ يِ نَن مَسٍنشِ، عَ نَشّ؛ يَكْسِ، ﭑ يَشُبَ بْنسْي رَفبِلٍنمَ نّ كٍلِقٍ كٌنيِيَ كُي. ﭑ كِنِكِنِمَ نّ عِسِرَيِلَ بْنسْييٍ مَ، ﭑ قَ عَ رَفِرِ ﭑ شِلِ شَ بِنيَ. 26عٍ نَ سَبَتِ عٍ شْنيِ شَشِلِسَ كُي، مِشِ يٌ مُ عٍ تْورْ، يَافِ مَن لُمَ نّ عٍ مَ عٍ شَ يَنقَنتٍيَ شَ قٍ رَ ﭑ تَن مَبِرِ. 27ﭑ نَ عٍ رَ مِنِمَ نّ حَمَنّيٍ كُي، ﭑ قَ عٍ رَ عٍ شْنيِ، حَمَنّيٍ قَ ﭑ مَ سّنِيّنيِ تٌدٍ نَ سَابُي رَ. 28نَ تّمُي، عِسِرَيِلَ بْنسْي عَ كٌلٌنمَ نّ عَ ﭑ تَن نَن نَ عٍ مَرِفِ عَلَتَلَ رَ، بَرِ مَ هَلِ ﭑ تٌ عٍ رَ سِفَ كٌنيِيَ كُي حَمَنّيٍ تَفِ، ﭑ مَن بَرَ عٍ بِرِن نَفبِلٍن، مِشِ يٌ مُ لُ عٍ شَنبِ رَ. 29ﭑ مُ ﭑ كٌبٍ سٌمَ عٍ رَ سْنْن، بَرِ مَ ﭑ نَ ﭑ شَشِلِ لُمَ نّ عِسِرَيِلَ بْنسْي مَ. عِ مَرِفِ عَلَتَلَ شُي نَن نَ كِ.»