شُرُ سٍيٍ نُن عَ دّ مَدٌنيِ شَ تَالِ
1عَلَتَلَ نَشَ عَ مَسٍن ﭑ بّ، عَ نَشّ، 2«عَدَ مَدِ، عِ شَ ﭑ مَ مَسٍنيِ تِ عِسِرَيِلَ يَرٍرَتِيٍ بّ نَشٍيٍ لُشِ عَلْ شُرُ سٍ دّ مَدٌنيِيٍ، عَ قَلَقٍ رَ، ‹وٌ مَرِفِ عَلَ يِ نَن مَسٍنشِ؛ حَشَنكَتّ نَ وٌ بّ، وٌ تَن عِسِرَيِلَ شُرُ سٍ دّ مَدٌنيِيٍ. وٌ وٌ حْشْ سَمَ وٌ يّتّ نَن تُن شْن مَ. شُرُ سٍ دّ مَدٌنيِ مُ لَنمَ شّ عَ شَ شُرُ سٍيٍ مَكَنتَ؟ 3وٌ شُرُ سٍيٍ شِحّ مِنمَ، وٌ عٍ شَبٍ يَءِلَنمَ دُفِ رَ، وٌ عٍ سُبٍ دٌنمَ، كْنْ وٌ مُ وٌ حْشْ سَمَ عٍ شْن مَ. 4وٌ مُ شُرُ سٍ سّنبّتَرٍ رَلِمَنِيَمَ، وٌ مُ شُرُ سٍ قُرَشِ دَندَنمَ، وٌ مُ شُرُ سٍ مَشْنْشِ مَشِرِ مَ سٍرِ رَ. وٌ مُ شُرُ سٍ لْيشِيٍ قٍنمَ، عٍ شَ فبِلٍن فْورّ كُي. وٌ عٍ يَمَرِ مَ نْي شْرْشْي نَن تُن نَ. 5عٍ يٍنسٍنشِ، بَرِ مَ شُرُ سٍ دّ مَدٌنيِ مُ نُ نَ عٍ قْشْ رَ. نَ كُي وُلَءِ سُبٍ بَرَ ندٍيٍ عِبْو. 6ﭑ مَ شُرُ سٍ فَلِ بَرَ يٍنسٍن يّ فٍيَ عِتٍشِيٍ مَ، عٍ لْي دُنِحَ بِرِن مَ، كْنْ مِشِ يٌ مُ مِنِ عٍ قٍندٍ.›»
7«شُرُ سٍ دّ مَدٌنيِيٍ، وٌ وٌ تُلِ مَتِ عَلَتَلَ شَ مَسٍنيِ رَ؛ 8ﭑ تَن وٌ مَرِفِ عَلَتَلَ، ﭑ بَرَ ﭑ كَلِ ﭑ يّتّ رَ، وٌ تٌ ﭑ مَ شُرُ سٍيٍ رَبّحِن، عٍ قِندِ وُلَءِ سُبٍيٍ شَ بَلٌي رَ، وٌ تٌ مُ وٌ حْشْ سَشِ عٍ شْن مَ، وٌ مّينِ وٌ يّتّ فبَنسَن مَ، 9وٌ تَن شُرُ سٍ دّ مَدٌنيِيٍ شَ وٌ تُلِ مَتِ عَلَتَلَ شَ كِيتِ رَ. 10وٌ مَرِفِ عَلَتَلَ يِ نَن مَسٍنشِ؛ ﭑ قَقٍ نَ شُرُ سٍ دّ مَدٌنيِيٍ نَن شِلِ مَ، عٍ شَ ﭑ سَرٍ قِ فْورّ شَ قٍ رَ. ﭑ عٍ بَمَ نّ شُرُ سٍ دّ مَدٌنيِ وَلِ كُي، عَلَكٌ عٍ نَشَ نَ رَبَ عٍ يّتّ شَ فٍينِ فبَنسَن مَ. ﭑ نَ ﭑ مَ شُرُ سٍيٍ رَتَنفَمَ نّ عٍ مَ، عَلَكٌ عٍ نَشَ ﭑ مَ شُرُ سٍيٍ تْورْ.»
11«وٌ مَرِفِ عَلَتَلَ يِ نَن مَسٍنشِ؛ ﭑ تَن يَتِ سِفَمَ نّ ﭑ مَ شُرُ سٍيٍ قٍندٍ، 12عَلْ شُرُ سٍ دّ مَدٌنيِ عَ رَبَمَ عَ شَ شُرُ سٍ رَيٍنسٍنشِيٍ بّ كِ نَشّ. ﭑ عٍ رَفبِلٍنمَ نّ يِرٍ بِرِن عٍ لْيشِ دّننَشّ نَ لْشْي. 13ﭑ عٍ رَ مِنِمَ نّ حَمَنّيٍ بِرِن لٌنفٌرِ رَ، ﭑ عٍ شَنِن عٍ شْنيِ. ﭑ مّينِمَ نّ عٍ مَ عٍ شَ فٍيَيٍ قَرِ نُن عٍ شَ فُلُنبَيٍ كُي، عٍ شَ لُ عٍ يّتّ شَ بْشِ مَ. 14ﭑ عٍ دّ مَدٌنمَ نّ قِيلِ قَنيِيٍ مَ عِسِرَيِلَ فٍيَيٍ قَرِ. مّننِ عٍ عٍ مَلَبُمَ نّ يِرٍ قَنيِ مَ، عٍ بَلٌ عِسِرَيِلَ فٍيَيٍ قَرِ. 15ﭑ تَن نَن يَتِ ﭑ مَ شُرُ سٍيٍ دّ مَدٌنمَ، ﭑ مَلَبُي قِمَ عٍ مَ. وٌ مَرِفِ عَلَتَلَ شُي نَن نَن كِ. 16ﭑ شُرُ سٍ لْيشِ قٍنمَ نّ، ﭑ شُرُ سٍ مَشْنْشِ دَندَنمَ نّ، ﭑ شُرُ سٍ سّنبّتَرٍ رَلِمَنِيَمَ نّ. كْنْ شُرُ سٍ نَشٍيٍ بَرَ شُنفبٌ، نَشٍيٍ بَرَ نْ بٌورٍيٍ رَ، ﭑ نٍيٍ تَن قَشَمَ نّ كِيتِ تِنشِنشِ رَ.»
17«وٌ تَن ﭑ مَ شُرُ سٍيٍ، وٌ مَرِفِ عَلَتَلَ يِ نَن مَسٍنشِ؛ ﭑ كِيتِ سَمَ نّ شُرُ سٍيٍ تَفِ، يّشّي كٌنتٌنيِيٍ نُن سِكْتّيٍ تَفِ. 18وٌ نَ سّشّ قَنيِ دٌن قِيلِ مَ، نَ مُ وٌ وَ سَمَ، قٌ وٌ شَ عَ دْنشْي قَن عِبٌرٌن؟ وٌ نَ يٍ تِنسٍشِ مِن، نَ مُ وٌ وَ سَمَ، قٌ وٌ شَ عَ دْنشْي دُندَ؟ 19عَ لَنمَ ﭑ مَ شُرُ سٍيٍ شَ سّشّ دٌن وٌ نَشَن عِبٌرٌنشِ؟ عَ لَنمَ عٍ شَ يٍ مِن، وٌ نَشَن دُندَشِ؟»
20«نَ كُي وٌ مَرِفِ عَلَتَلَ يِ نَن مَسٍنشِ نٍيٍ شَ قٍ رَ؛ ﭑ يّتّ يَتِ نَن قَمَ كِيتِ سَدٍ شُرُ سٍ شُنفبٍيٍ نُن عَ لَنمَيٍ تَفِ. 21وٌ بَرَ دِن ﭑ مَ شُرُ سٍ سّنبّتَرٍيٍ رَ وٌ قٍرِيٍ رَ، هَن عٍ بَرَ مِنِ فْورّ كُي. 22ﭑ قَمَ نّ ﭑ مَ شُرُ سٍيٍ رَكِسِدٍ، عَلَكٌ مِشِ نَشَ قُ عٍ مَ سْنْن. ﭑ كِيتِ سَمَ نّ شُرُ سٍيٍ تَفِ. 23ﭑ شُرُ سٍ دّ مَدٌنيِ ندٍ تِمَ نّ ﭑ مَ شُرُ سٍيٍ شُن مَ، نَشَن قَمَ عٍ دّ مَدٌندٍ عَ كِ مَ. ﭑ مَ كٌنيِ دَوُدَ نَن نَ كِ. 24ﭑ تَن قِندِ مَ نّ عٍ مَرِفِ عَلَ رَ، ﭑ مَ كٌنيِ دَوُدَ قِندِ مَنفّ رَ عٍ تَفِ. ﭑ تَن عَلَتَلَ شُي نَن نَ كِ.»
25«ﭑ بْحّسَ سَاتّ تٌنفٌمَ نّ عٍ بّ. ﭑ وُلَءِ سُبٍ شَاحّيٍ حْنمَ نّ بْشِ مَ، عَلَكٌ مِشِ شَ نْ سَبَتِدٍ يِرٍ بِرِن بْحّسَ كُي. 26ﭑ بَرَكَ رَفٌرٌ مَ نّ عٍ مَ. ﭑ تُنّ رَقَمَ نّ عَ وَشَتِ، عَلَكٌ بْشِ شَ قَن ﭑ مَ فٍيَ سّنِيّنشِ رَبِلِنيِ. 27وُرِيٍ بٌفِمَ نّ، بْشِ شّيٍ قَن. ﭑ مَ حَمَ سَبَتِمَ نّ بْحّسَ كُي عَ شَ بْشِ مَ. نَ تّمُي، عٍ عَ كٌلٌنمَ نّ عَ ﭑ تَن نَن نَ عَلَتَلَ رَ، عَ ﭑ تَن نَن يْلْنشْنيِيٍ بٌلٌنمَ، ﭑ عٍ رَتَنفَ عٍ يَشُييٍ مَ. 28حَمَنّيٍ مُ عٍ تْورْ مَ سْنْن، سُبٍ شَاحّيٍ قَن مُ عٍ دٌنمَ سْنْن. عٍ سَبَتِمَ شَشِلِسَ نَن كُي، مِشِ يٌ مُ عٍ مَفَاشُمَ. 29ﭑ عٍ شَ سَنسِ بِلِيٍ رَقَنمَ نّ حَمَنّيٍ يَ شْرِ. كَامّ مُ عٍ سُشُمَ سْنْن، عٍ شَ يَافِ عٍ شَ سٍتَرٍحَ كُي. 30نَ تّمُي، عٍ عَ كٌلٌنمَ نّ عَ ﭑ تَن عٍ مَرِفِ عَلَتَلَ نَ عٍ قْشْ رَ، عٍ مَن عَ كٌلٌن عَ عٍ تَن عِسِرَيِلَ بْنسْي قِندِشِ ﭑ مَ حَمَ نَن نَ. وٌ مَرِفِ عَلَتَلَ شُي نَن نَ كِ. 31وٌ تَن ﭑ مَ شُرُ سٍيٍ، ﭑ نَشٍيٍ دّ مَدٌنمَ، عَدَ مَدِ نَن وٌ رَ. ﭑ تَن نَن نَ وٌ مَرِفِ رَ. وٌ مَرِفِ عَلَتَلَ شُي نَن نَ كِ.»