مَكَنتَمَ
1عَلَتَلَ نَشَ عَ مَسٍن ﭑ بّ، عَ نَشّ، 2«عَدَ مَدِ، عَ قَلَ عِ نفَشَكٍرٍنيِيٍ بّ، ‹ﭑ نَ قَ سَنتِدّفّمَ رَ وٌ شَ بْشِ شِلِ مَ، نَ عَ لِمَ نّ وٌ حَن بَرَ مِشِ ندٍ سُفَندِ تَا مَكَنتَمَ رَ. 3شَ نَ تَا مَكَنتَمَ يَشُييٍ تٌ قَ رَ، عَ لَنمَ عَ شَ سَرَ قٍ حَمَ رَكٌلٌنقٍ رَ. 4شَ عَ نَ رَبَ، كْنْ مِشِ ندٍ قَ عَ بْتّ رَبَ نَ مَرَكٌلٌنيِ شُي مَ، عَ قَ قَشَ فٍرٍ كُي، عَ بَرَ نَ قَشّ رَفِرِ عَ يّتّ مَ. 5عَ تٌ سَرَ قٍ شُي مّ، كْنْ عَ قَ عَ بْتّ رَبَ، عَ نِي كٌتٍ نَ عَ يّتّ نَن شُن مَ. كْنْ مِشِ نَشَن نَ مَرَكٌلٌنيِ مّ، عَ قَ عَ سُشُ سْوبّ رَ، نَ كَنيِ عَ نِي رَكِسِمَ نّ. 6كْنْ شَ تَا مَكَنتَمَ يَشُييٍ تٌ قَ رَ، عَ مُ سَرَ قٍ عَ شَ مِشِيٍ رَكٌلٌن، نَ تّمُي مِشِ نَشَن قَشَمَ نَ فٍرٍ كُي، هَلِ عٍ شَ يُنُبِيٍ بَرَ عَ نِيَ عٍ شَ سْنتْ، ﭑ عٍ نِي كٌتٍ سَمَ تَا مَكَنتَمَ نَن شُن مَ.›»
7«عَدَ مَدِ، ﭑ بَرَ عِ سُفَندِ تَا مَكَنتَمَ رَ عِسِرَيِلَ بْنسْي بّ. عِ شَ عِ تُلِ مَتِ ﭑ مَ مَسٍنيِ رَ، عِ قَ عٍ رَكٌلٌن عَ رَ ﭑ تَن شِلِ رَ. 8ﭑ نَ عَ قَلَ مِشِ كٌبِ بّ عَ قَشَمَ نّ، شَ عِ مُ عَ رَكٌلٌن عَ شَ فبِلٍن عَ شَ كِرَ كٌبِ قْشْ رَ، نَ مِشِ حَاشِ قَشَمَ نّ عَ شَ يُنُبِ شَ قٍ رَ، كْنْ ﭑ نَ نِي كٌتٍ سَمَ عِ تَن شُن مَ. 9كْنْ شَ عِ عَ رَكٌلٌن عَ شَ فبِلٍن عَ شَ كِرَ كٌبِ قْشْ رَ، عَ قَ لُ عَ مُ تِن نَ رَ، عَ قَشَمَ عَ شَ يُنُبِ شَ قٍ نَن نَ، كْنْ عِ تَن بَرَ عِ نِي رَكِسِ.»
10«عَدَ مَدِ، عَ قَلَ عِسِرَيِلَ بْنسْي بّ، عِ نَشّ، ‹وٌ يّتّ عَ قَلَمَ، وٌ وٌ شَ مُرُتّ نُن وٌ شَ يُنُبِيٍ كٌلٌن وٌ بْحّ كُي. وٌ وَ مَ عَ كٌلٌنقٍ نّ وٌ كِسِ سْتْمَ كِ نَشّ. 11وٌ مَرِفِ عَلَتَلَ نَشّ، «ﭑ بَرَ ﭑ كَلِ ﭑ يّتّ رَ، ﭑ مُ وَ مَ مِشِ كٌبِ شَ قَشَ، ﭑ وَ مَ نّ عَ شَ فبِلٍن عَ شَ كِرَ كٌبِ نَن قْشْ رَ، عَ شَ كِسِ. يَندِ، وٌ شَ فبِلٍن وٌ شَ كِرَ كٌبِيٍ قْشْ رَ. عِسِرَيِلَ بْنسْي، وٌ بُمَ قَشّ كِرَ شْن مَ مُنقٍ رَ؟»›»
12«عَدَ مَدِ، عَ قَلَ عِ نفَشَكٍرٍنيِيٍ بّ، ‹تِنشِنتْي شَ تِنشِنيِ مُ عَ رَكِسِمَ عَ نَ مُرُتَ لْشْي نَشّ. مِشِ تِنشِنتَرٍ شَ تِنشِنتَرٍيَ مُ عَ رَلْيمَ عَ نَ فبِلٍن عَ شَ كِرَ كٌبِ قْشْ رَ لْشْي نَشّ. تِنشِنتْي مُ عَ يّتّ رَكِسِمَ عَ شَ تِنشِنيِ دَنفِشِ سَابُي رَ، شَ عَ بِرَ قٍ كٌبِ قْشْ رَ. 13ﭑ نَ عَ مَسٍن تِنشِنتْي ندٍ بّ عَ كِسِمَ نّ، كْنْ عَ قَ لَ عَ شَ تِنشِنيِ دَنفِشِ رَ، عَ سٌ قٍ كٌبِ رَبَقٍ، عَ شَ تِنشِنيِ لُمَ نّ عَ مَ قُ. يَكْسِ عَ قَشَمَ نّ عَ شَ قٍ كٌبِ شَ قٍ رَ. 14ﭑ نَ عَ مَسٍن مِشِ كٌبِ ندٍ بّ عَ مُ كِسِمَ، كْنْ عَ قَ فبِلٍن عَ شَ يُنُبِ قْشْ رَ، عَ سٌ قٍ تِنشِنشِيٍ رَبَقٍ، 15عَلْ سّيكّ رَفبِلٍنقٍ دٌنِمَ مَ، سٍ مُحَشِ رَفبِلٍنقٍ عَ كَنيِ مَ، حّرّقٍ سّرِيّ كُي، فبِلٍنقٍ قٍ كٌبِ قْشْ رَ، نَ تّمُي عَ كِسِمَ نّ، عَ مُ قَشَمَ. 16عَ يُنُبِ نَشَن بِرِن نَبَ تّمُي دَنفِشِ، نَ بِرِن شَقَرِ مَ نّ. شَ عَ بَرَ حّرّ سّرِيّ نُن تِنشِنيِ رَ، عَ كِسِمَ نّ.›»
17«عِ نفَشَكٍرٍنيِيٍ عَ قَلَمَ، ‹مَرِفِ مُ تِنشِن.› كْنْ ﭑ شَ عَ قَلَ عِ بّ، عٍ تَن نَن مُ تِنشِن. 18شَ تِنشِنتْي عَ كٌبٍ سٌ عَ شَ تِنشِنيِ رَ، عَ سٌ تِنشِنتَرٍيَ رَبَقٍ، عَ قَشَمَ نّ. 19شَ مِشِ تِنشِنتَرٍ فبِلٍن عَ شَ قٍ كٌبِيٍ قْشْ رَ، عَ سٌ قٍ تِنشِنشِيٍ رَبَقٍ، عَ كِسِمَ نّ نَ سَابُي رَ. 20ﭑ شَ عَ قَلَ عٍ بّ، ‹عِسِرَيِلَ بْنسْي نَشّ ﭑ مُ تِنشِن، كْنْ ﭑ قَمَ نّ وٌ تَن مَكِيتِدٍ، كَنكَن شَ عَ حّرّ كِ سَرٍ قِ.›»
21عَ حّ قُ نُن قِرِن ندٍ رَ، كِكٍ قُ، شِ قُ نُن سُولِ ندٍ رَ مُشُ شَ كٌنيِيَ كُي، مِشِ ندٍ كٍلِقٍ فٍرٍ يِرٍ، عَ نَشَ قَ، عَ قَلَ ﭑ بّ، عَ عٍ بَرَ دَرِ سَلَمُ سُشُ. 22نَ كْي رَ بٍينُن نَ مِشِ شَ قَ، عَلَتَلَ نُ بَرَ عَ بّلّشّ سَ ﭑ دّ مَ، عَ ﭑ نّنيِ رَقُلُن عَلَكٌ ﭑ شَ نْ وْيّندٍ، ﭑ نَشَ لُ بٌبٌيَ كُي سْنْن.
23نَ تّمُي عَلَتَلَ نَشَ عَ مَسٍن ﭑ بّ، عَ نَشّ، 24«عَدَ مَدِ، حَمَ دْنشْي نَشٍيٍ سَبَتِشِ دَرِ سَلَمُ كَنَشِ تَفِ، نٍيٍ نَ عَ قَلَقٍ، ‹عِبُرَهِمَ نَشَ نْ يِ بْشِ سْتْدٍ عَ كٍرٍن. وٌن تَن نَشَن قِندِشِ حَمَ رَ، عَلَ تٌندِ مَ يِ بْشِ قِدٍ وٌن مَ؟› 25نَ كُي عَ لَنمَ عِ شَ عَ قَلَ عٍ بّ، ‹وٌ مَرِفِ عَلَتَلَ يِ نَن مَسٍنشِ؛ وٌ تٌ سُبٍ دٌنمَ وُلِ نَ عَ كُي، وٌ تٌ كُيٍ بَتُمَ، وٌ تٌ قَشّ تِمَ، عَ لَنمَ يِ بْشِ شَ قِندِ وٌ فبٍ رَ؟ 26وٌ لَشِ وٌ شَ سَنتِدّفّمَ فبَنسَن نَن نَ، وٌ قٍ حَاشِيٍ رَبَمَ تّمُي بِرِن، وٌ يّنّ رَبَمَ وٌ دْشْبٌورٍ شَ فِنّ رَ. هَلِ وٌ تٌ نَ بِرِن نَبَمَ، وٌ وَ مَ نّ يِ بْشِ مَن شَ قِندِ وٌ فبٍ رَ؟›»
27«عَ قَلَ عٍ بّ، ‹وٌ مَرِفِ عَلَ يِ نَن مَسٍنشِ؛ ﭑ بَرَ ﭑ كَلِ ﭑ يّتّ رَ، نَشٍيٍ لُشِ دَرِ سَلَمُ كَنَشِ تَفِ، نٍيٍ قَشَمَ نّ سَنتِدّفّمَ رَ. مِشِ نَشٍيٍ لُشِ وُلَءِ، بُرُنيِ سُبٍيٍ نٍيٍ قَشَمَ نّ. مِشِ نَشٍيٍ عٍ نْشُنشِ فٍيَ قَرِ فّمّيٍ لٌنفٌرِ رَ، نٍيٍ قَشَمَ نّ وُفَنيِ رَ. 28ﭑ نَ بْشِ قِندِ مَ نّ يِرٍ مَشَرَشِ رَ، ﭑ يّتّ عِفبٌي شَ قٍ شُن نَكَنَ، ﭑ عَ نِيَمَ نّ سِ فبّتّ مِشِيٍ مُ دَنفِ عِسِرَيِلَ فٍيَيٍ رَ. 29ﭑ نَ نَ بْشِ كَنَ عٍ شَ قٍ حَاشِيٍ شَ قٍ رَ، عٍ عَ كٌلٌنمَ نّ عَ ﭑ تَن نَن عَلَتَلَ رَ.›»
30«عَدَ مَدِ، عِ تَن تٌ عَ رَ، عِ نفَشَكٍرٍنيِيٍ نَ عَ مَكْيِكْيِقٍ عٍ شْنيِ عَ قَلَقٍ رَ، ‹وٌ قَ، وٌ قَ وٌ تُلِ مَتِ. عَلَتَلَ نَ مَسٍنيِ مُندُن تِقٍ يِ كِ؟› 31ﭑ مَ حَمَ قَمَ نّ عِ يِرٍ، عٍ عٍ تُلِ مَتِ عِ شَ مَسٍنيِ رَ، كْنْ عٍ مُ عَ رَبَتُمَ قٍوٌ. عٍ عَ قَلَمَ عٍ وَ مَ ﭑ مَ قٍ شْن، كْنْ عٍ بْحّ بِرَشِ نَاقُلِ تِنشِنتَرٍ نَن قْشْ رَ. 32عِ لُشِ نّ عٍ بّ عَلْ سِفِسَ شُي حْشُنمّ، نَشَن قٍ قَنيِيٍ قَلَمَ. عٍ عِ شَ مَسٍنيِ مّمَ، كْنْ عٍ مُ تِنمَ بِرَدٍ عَ قْشْ رَ.»
33«ﭑ مَ مَسٍنيِ بِرِن نَ كَمَلِ نْندِ كِ مَ تّمُي نَشّ، عٍ عَ كٌلٌنمَ نّ عَ نَمِحْنمّ ندٍ نُ نَ عٍ يَ مَ.»