مُنسَ نُن هَرُنَ سِفَقٍ قِرَوُنَ يِرٍ
1نَ دَنفِ شَنبِ، مُنسَ نُن هَرُنَ نَشَ سِفَ قِرَوُنَ يِرٍ. عٍ نَشَ عَ قَلَ عَ بّ، «عِسِرَيِلَ مَرِفِ عَلَتَلَ شَ مَسٍنيِ نَن يَ، ‹ﭑ مَ حَمَ بّحِن، عَلَكٌ عٍ شَ سِفَ ﭑ مَ سَلِ رَبَدٍ فبٍنفبٍرٍنيِ مَ.›» 2قِرَوُنَ نَشَ يِ مَشْرِنيِ تِ، «ندٍ تَن نَ نَ عَلَتَلَ رَ، ﭑ لَن ﭑ شَ نَشَن شَ يَامَرِ رَبَتُ عِسِرَيِلَ بّحِنقٍ رَ؟ ﭑ مُ عَلَتَلَ كٌلٌن! نَ كُي، ﭑ مُ نْمَ عَ لُدٍ عِسِرَيِلَ شَ سِفَ قٍقٍ مَ!»
3عٍ نَشَ عَ قَلَ عَ بّ، «عِسِرَيِلَ مَرِفِ عَلَ بَرَ قَ مُشُ قْشْ رَ. عَ لُ مُشُ شَ بِيَاسِ شِ سَشَن فبٍنفبٍرٍنيِ يِرٍ، عَلَكٌ مُشُ شَ سّرّشّيٍ بَ مُشُ مَرِفِ عَلَتَلَ بّ، شَ مُشُ مُ نَ رَبَ مُشُ سْنتْمَ نّ وُفَنيِ رَ، شَ نَ مُ سَنتِدّفّمَ رَ.» 4مِسِرَ مَنفّ نَشَ عٍ يَابِ، «مُنسَ نُن هَرُنَ، مُنقٍ رَ وٌ وَ مَ حَمَ بَقٍ وَلِ دّ عِ؟ وٌ سِفَ وٌ شَ وَلِ رَ. 5يِ حَمَ تٌ بَرَ فبٌ يّ يِ بْشِ مَ، وٌ وَ مَ عٍ شَ وَلِ نَن شُن نَكَنَقٍ قَ.»
6نَ لْشْي قِرَوُنَ نَشَ كٌنيِيٍ شَ مَنفّيٍ نُن وَلِ شُنيِيٍ يَمَرِ، 7«وٌ نَشَ سّشّ سٌ عِسِرَيِلَ حَمَ يِ رَ سْنْن، عٍ نَشَن مَلَنمَ بٌورَ رَ عٍ بِرِكِ بْنبْمَ تّمُي نَشّ. يَكْسِ عٍ شَ نَ سّشّ قٍن عٍ يّتّ رَ. 8عٍ دَرِ بِرِكِ شَسَبِ نَشَن بْنبْ رَ، وٌ نَشَ سٍسٍ بَ نَ رَ. قُيَنتٍ نَن عٍ رَ. نَ نَن عَ رَ، عٍ عَ قَلَمَ، ‹مُشُ شَ سِفَ سّرّشّ بَدٍ مُشُ مَرِفِ عَلَ بّ.› 9وٌ شَ ندٍ سَ عٍ شَ وَلِ شُن مَ، عَلَكٌ عٍ نَشَ يَنقَ وَلِ مَ مَدَشُي وْيّنيِ شَ قٍ رَ.» 10كٌنيِ شَ مَنفّيٍ نُن وَلِ شُنيِيٍ نَشَ عَ قَلَ عِسِرَيِلَ حَمَ بّ، «قِرَوُنَ نَشّ عَ عَ مُ سّشّ سٌمَ وٌ يِ رَ سْنْن. 11وٌ شَ سِفَ نَ قٍندٍ وٌ يّتّ رَ. وٌ شَ عَ كٌلٌن سٍسٍ مُ بَمَ وٌ شَ وَلِ كٌتٍ رَ.»
12نَ كُي حَمَ نَشَ يٍنسٍن مِسِرَ بْشِ سّشّ شَبَدٍ. 13مَنفّيٍ نُ عٍ رَفبَتَمَ نّ، عٍ نُ قَ عَ قَلَ، «وٌ شَ وٌ شَ وَلِ رَحْن لْشْ يٌ لْشْ عَلْ عَ سِنفٍ، سّشّ نُ سٌمَ وٌ يِ رَ تّمُي نَشّ.» 14قِرَوُنَ شَ مِشِيٍ نُ قَ عِسِرَيِلَكَيٍ بْنبْ نَشٍيٍ نُ تِشِ وَلِ شُنيِيٍ رَ. عٍ نُ قَ عٍ مَشْرِن، «مُنقٍ رَ شٌرٌ نُن تٌ، وٌ مُ بِرِكِ شَسَبِ بْنبْشِ عَلْ وٌ دَرِشِ عَ رَ كِ نَشّ؟»
15عِسِرَيِلَ وَلِ شُنيِيٍ نَشَ سِفَ عٍ مَوَدٍ قِرَوُنَ شْن عَ قَلَقٍ رَ، «عِ نَ يِ مْولِ رَبَقٍ مُشُ تَن عِ شَ كٌنيِيٍ رَ مُنقٍ رَ؟ 16عٍ مُ سّشّ يٌ سٌمَ مُشُ يِ رَ، كْنْ عٍ عَ قَلَمَ عَ مُشُ شَ بِرِكِ بْنبْ! عِ شَ مِشِيٍ نَ مُشُ تَن عِ شَ كٌنيِ بْنبْقٍ، كْنْ عٍ تَن نَن وَلِ كَنَشِ.» 17قِرَوُنَ نَشَ عٍ يَابِ، «قُيَنتٍيٍ نَن وٌ رَ. نَ نَن عَ تٌشِ وٌ عَ قَلَمَ، عَ وٌ شَ سِفَ سّرّشّ بَدٍ عَلَتَلَ بّ. 18وٌ سِفَ وَلِدٍ! سّشّ يٌ مُ سٌمَ وٌ يِ رَ، سٍسٍ مَن مُ بَمَ وٌ شَ بِرِكِ كْنتِ رَ.»
19عِسِرَيِلَ وَلِ شُنيِيٍ نَشَ كْنتْقِلِ نَ وْيّنيِ رَ، عَ قَلَقٍ رَ، «سٍسٍ مُ بَمَ بِرِكِيٍ كْنتِ رَ وٌ نَشَن بْنبْمَ لْشْ يٌ لْشْ.» 20عٍ تٌ مِنِ قِرَوُنَ شْنيِ، عٍ نَشَ مُنسَ نُن هَرُنَ لِ نَا. عٍ نُ نَ عٍ مّمّقٍ. 21نَ وَلِ شُنيِيٍ نَشَ عَ قَلَ عٍ بّ، «عَلَتَلَ شَ وٌ حَشَنكَتَ، بَرِ مَ وٌ بَرَ مُشُ مَحَاشُ قِرَوُنَ نُن عَ شَ مِشِيٍ شْن مَ. وٌ بَرَ سَنتِدّفّمَ سَ عٍ بّلّشّ، عٍ شَ مُشُ قَشَ.»
22مُنسَ نَشَ فبِلٍن عَلَتَلَ مَ عَ قَلَقٍ رَ، «مَرِفِ، عِ بَرَ يِ تْورّ دْشْ يِ حَمَ مَ مُنقٍ رَ؟ عِ ﭑ شّيشِ بٍ مُنقٍ مَ؟ 23كَبِ ﭑ نَشَ سِفَ قِرَوُنَ يِرٍ وْيّنقٍ رَ عِ شِلِ رَ، عَ قَ قٍ حَاشِ نَن تُن نَبَقٍ يِ حَمَ رَ. عِ مُ عِ شَ حَمَ شْرّيَشِ قٍوٌ.»