عَلَ نُن عِسِرَيِلَكَيٍ شَ سَاتّ
1عَلَتَلَ نَشَ عَ مَسٍن مُنسَ بّ، «تٍ ﭑ يِرٍ بٍ فٍيَ قَرِ، عِ تَن، هَرُنَ، نَدَبٌ، عَبِهُ، نُن عِسِرَيِلَ قٌرِيٍ مِشِ تٌنفٌ سٌلٌقٍرٍ. وٌ شَ سُيِدِ يِرٍ نَشَن مَكُيَ ﭑ نَ. 2مُنسَ، عِ فبَنسَن شَ مَكْرّ ﭑ نَ، بٌورٍيٍ شَ لُ يِرٍ مَكُيٍ. حَمَ قَن نَشَ تٍ عِ تَن مُنسَ قْشْ رَ.»
3مُنسَ نَشَ عَلَتَلَ شَ مَسٍنيِ نُن عَ شَ يَامَرِ بِرِن نَدَنفِ حَمَ مَ. حَمَ بِرِن نَشَ عَ يَابِ شُي كٍرٍن نَ، «مُشُ عَلَتَلَ شُي بِرِن سُشُمَ نّ.»
4مُنسَ نَشَ عَلَتَلَ شَ مَسٍنيِ بِرِن سّبّ. نَ كُيٍ عِبَ، مُنسَ نَشَ سّرّشّبَدٍ تِ فٍيَ بُنيِ، عَ نَشَ فّمّ تُندٍنيِ قُ نُن قِرِن تِ مّننِ، نَشٍيٍ عِسِرَيِلَ بْنسْي قُ نُن قِرِنيِ مِسَالِشِ. 5عَ نَشَ عِسِرَيِلَ قٌنِكٍ ندٍيٍ شّي عٍ شَ سّرّشّ فَن دَاشِيٍ بَ. عٍ مَن شَ تُورَيٍ بَ عَلَ بّ شَنُنتٍيَ سّرّشّ رَ. 6مُنسَ نَشَ نَ وُلِ تَفِ سَ قّحّ دِيٍ كُي، عَ نَشَ نَ دْنشْي كَسَن سّرّشّبَدٍ مَ. 7عَ نَشَ سَاتّ كِتَابُي تٌنفٌ، عَ عَ شَرَن حَمَ بِرِن بّ. عٍ نَشَ عَ يَابِ، «مُشُ عَلَتَلَ شُي بِرِن سُشُمَ نّ. مُشُ عَ رَتِنمّمَ نّ.» 8مُنسَ نَشَ نَ وُلِ تٌنفٌ، عَ عَ كَسَن حَمَ مَ. عَ نَشَ عَ مَسٍن، «سَاتّ وُلِ نَن يَ. عَلَتَلَ يِ سَاتّ نَن تٌنفٌشِ وٌ بّ عَ شَ مَسٍنيِ قَرِ.»
9مُنسَ نَشَ تٍ، عَ تَن نُن هَرُنَ، نَدَبٌ، عَبِهُ، نُن عِسِرَيِلَ قٌرِيٍ، مِشِ تٌنفٌ سٌلٌقٍرٍ. 10عٍ نَشَ عِسِرَيِلَ مَرِفِ عَلَ تٌ. عَ نُ تِشِ فّمّ نْرْشِ قَرِ. 11نَ عِسِرَيِلَ كُنتِفِيٍ نَشَ عَلَ تٌ، كْنْ عَ مُ عٍ حَشَنكَتَ نَ مَ. عٍ بِرِن نَشَ عٍ دّفٍ، عٍ نَشَ عٍ مِن.
12عَلَتَلَ نَشَ عَ مَسٍن مُنسَ بّ، «تٍ فٍيَ قَرِ ﭑ يِرٍ، عِ شَ قَ لُ بٍ سِندٍن. ﭑ شَ فّمّ وَلَشّيٍ سٌ عِ يِ رَ، ﭑ نَن ﭑ مَ سّرِيّ نُن ﭑ مَ يَامَرِيٍ سّبّشِ نَشٍيٍ مَ. عِ شَ عِسِرَيِلَكَيٍ شَرَن نٍيٍ رَ.» 13مُنسَ نُن عَ مَلِمَ يٌسُوٍ نَشَ تٍ عَلَ شَ فٍيَ مَ. 14مُنسَ نَشَ عَ قَلَ قٌرِيٍ بّ، «وٌ شَ مُشُ مّمّ بٍ. مُشُ قَقٍ. هَرُنَ نُن شُرُ شَ لُ وٌ قّ مَ بٍ. شَ قٍ ندٍ بِرَ عَ عِ وٌ تَفِ، وٌ شَ عَ مَسٍن عٍ بّ.» 15مُنسَ تٌ تٍ فٍيَ قَرِ، نُشُي نَشَ دُ سُ عَ شُن نَ. 16عَلَتَلَ شَ نْرّ نَشَ لُ تُرُ سِنِنَ فٍيَ شُن نَ. نُشُي نَشَ فٍيَ مَكٌتٌ شِ سٍننِ. عَ شِ سٌلٌقٍرٍ ندٍ، عَلَتَلَ نَشَ مُنسَ شِلِ نَ نُشُي كُي. 17عَلَتَلَ شَ نْرّ نُ لُشِ نّ عِسِرَيِلَكَيٍ بّ، عَلْ تّ شُنفبٍ فٍيَ قَرِ. 18مُنسَ تٌ نُ تٍمَ، عَ نَشَ سٌ نَ نُشُي كُي، عَ نَشَ لُ فٍيَ قَرِ شِ تٌنفٌ نَانِ كْي نُن يَنيِ.