يٍتِرٌ سِفَقٍ مُنسَ يِرٍ
1مُنسَ بِتَنيِ يٍتِرٌ، نَشَن قِندِشِ مَدِيَن سّرّشّدُبّ رَ، عَ نَشَ عَ مّ عَلَتَلَ نَشَن نَبَشِ مُنسَ نُن عَ شَ حَمَ عِسِرَيِلَ بّ، عٍ رَ مِنِقٍ رَ مِسِرَ بْشِ كُي. 2مُنسَ نُ بَرَ عَ شَ فِنّ سِثٌرَ نُن عَ شَ دِ قِرِنيِ شّي يٍتِرٌ شْنيِ. 3مُنسَ شَ دِ سِنفٍ نُ شِلِ فٍرِ سٌمِ، بَرِ مَ نَ شِلِ نُ وَ مَ عَ قَلَقٍ عٍ فبٍ شُي، «شْحّ نَن ﭑ نَ يِ بْشِ مَ.» 4بٌورٍ نُ شِلِ عٍلِيٍسٍرِ، بَرِ مَ نَ شِلِ نُ وَ مَ عَ قَلَقٍ عٍ فبٍ شُي، «ﭑ بَبَ مَرِفِ بَرَ ﭑ مَلِ، عَ بَرَ ﭑ نَتَنفَ قِرَوُنَ شَ سَنتِدّفّمَ مَ.»
5مُنسَ بِتَنيِ يٍتِرٌ نَشَ مُنسَ شَ فِنّ نُن نَ شَ دِيٍ شَنِن مُنسَ يِرٍ فبٍنفبٍرٍنيِ مَ، عَ نُ يٌنكِنشِ دّننَشّ، عَلَ شَ فٍيَ مَبِرِ. 6يٍتِرٌ نُ بَرَ شّيرَ شّي مُنسَ شْن عَ قَلَقٍ رَ، «ﭑ تَن، عِ بِتَنيِ يٍتِرٌ، ﭑ نَ قَقٍ عِ شَ فِنّ نُن عَ شَ دِ قِرِنيِيٍ رَ.» 7مُنسَ نَشَ مِنِ عَ بِتَنيِ رَلَندٍ. عَ نَشَ عَ شِنبِ سِن عَ يَ رَ، عَ مَن قَ عَ سُنبُ. عٍ تٌ عٍ بٌورٍ شّيبُ، عٍ نَشَ سٌ مُنسَ شْنيِ. 8مُنسَ نَشَ قٍيٍ يَ بَ عَ بِتَنيِ بّ، عَلَتَلَ نَشَن بِرِن نَبَ قِرَوُنَ نُن مِسِرَكَيٍ رَ عِسِرَيِلَ شَ قٍ رَ. عَ نَشَ عِسِرَيِلَ شَ حَشَنكَتّ بِرِن قَلَ عَ بّ، عَ نُن عَلَتَلَ عٍ رَكِسِشِ كِ نَشّ.
9يٍتِرٌ نَشَ سّيوَ عَلَتَلَ شَ هِننّ رَ عَ نَشَن مَسٍنشِ عِسِرَيِلَ بّ، عَ عٍ بَقٍ رَ مِسِرَكَيٍ يِ رَ. 10يٍتِرٌ نَشَ عَ قَلَ، «تَنتُي نَ عَلَتَلَ بّ، نَشَن وٌ بَ مِسِرَكَيٍ نُن قِرَوُنَ يِ رَ، نَشَن عِسِرَيِلَ حَمَ رَ مِنِشِ عٍ شَ نْي بُن مَ! 11ﭑ بَرَ عَ كٌلٌن عَلَتَلَ سّنبّ فبٌ دَنفِ عَدَ مَدِيٍ شَ عَلَيٍ مْولِ بِرِن نَ، بَرِ مَ عَ بَرَ حَمَ عِفٌرٌ نَشَن نُ بَرَ عَ يّتّ رَقِسَ عِسِرَيِلَكَيٍ بّ.» 12نَ تّمُي مُنسَ بِتَنيِ يٍتِرٌ نَشَ سّرّشّ فَن دَاشِ نُن سّرّشّ فبّتّيٍ بَ عَلَتَلَ بّ. هَرُنَ نُن عِسِرَيِلَ قٌرِ بِرِن نَشَ نَ سّرّشّ دٌن مُنسَ بِتَنيِ يِرٍ عَلَتَلَ شَ هْرْ مْلِنفِرَ كُي.
13نَ كُيٍ عِبَ، مُنسَ نَشَ عَ مَفٌرٌ، عَ شَ كِيتِ سَ عِسِرَيِلَكَيٍ تَفِ. حَمَ نَشَ لُ عَ يِرٍ كٍلِقٍ فّيسّفّ هَن نُنمَرٍ. 14عَ بِتَنيِ تٌ عَ تٌ مُنسَ نَشَن بِرِن نَبَمَ حَمَ بّ، عَ نَشَ عَ قَلَ عَ بّ، «عِ نَ مُنسٍ رَبَقٍ يِ حَمَ بّ؟ مُنقٍ رَ كِيتِ وَلِ بِرِن دْشْشِ عِ كٍرٍن نَن شُن مَ كٍلِقٍ فّيسّفّ هَن نُنمَرٍ؟» 15مُنسَ نَشَ عَ بِتَنيِ يَابِ، «حَمَ قَشِ ﭑ يِرٍ عَلَتَلَ شَ كِيتِ نَن قٍندٍ. 16فَلَنبُي نَ لُ مِشِيٍ تَفِ عٍ قَمَ ﭑ يِرٍ ﭑ شَ كِيتِ سَ عَلَتَلَ شَ يَامَرِيٍ نُن عَ شَ سّرِيّ رَ.»
17مُنسَ بِتَنيِ نَشَ عَ قَلَ عَ بّ، «عَ مُ لَنمَ عِ شَ عَ رَبَ نَ كِ.» 18عِ نُن عِ شَ مِشِيٍ، وٌ تَفَنمَ نّ. عِ كٍرٍن مُ نْمَ يِ كٌتٍ شَنِندٍ. 19عِ شَ عِ تُلِ مَتِ ﭑ مَ مَرَ سِ رَ. عَلَ شَ عِ مَلِ. عِ تَن شَ قِندِ حَمَ شُي مَدَنفِمَ رَ عَلَتَلَ بّ. 20عِ لَن نّ عِ شَ عٍ شَرَن عَلَتَلَ شَ سّرِيّ نُن عَ شَ يَامَرِيٍ رَ. عِ شَ عَلَ شَ كِرَ مَسٍن عٍ بّ، عٍ بِرَ مَ نَشَن قْشْ رَ. 21مِشِ كّندّيٍ سُفَندِ حَمَ يَ مَ، نْندِ قَلّ نَشٍيٍ فَاشُمَ عَلَتَلَ يَ رَ، نَشٍيٍ رِبَ شْنشِ. عِ شَ نٍيٍ قِندِ يَرٍرَتِيٍ رَ حَمَ شُن مَ شُنلَندٍ كِ مَ. ندٍ شَ لُ مِشِ وُلُ كٍرٍن شُن مَ، بٌورٍ مِشِ كّمّ شُن مَ، بٌورٍ مِشِ تٌنفٌ سُولِ شُن مَ، بٌورٍ مِشِ قُ شُن مَ. 22نٍيٍ شَ كِيتِ بِرِن سَ مِشِيٍ تَفِ، قٌ كِيتِ ندٍ نَشٍيٍ شْرْشْ. عٍ شَ نَ كِيتِ شْرْشْي مَسٍن عِ تَن بّ. نَ كِ، كٌتٍ مُ دْشْمَ عِ كٍرٍن شُن. 23شَ عِ عَلَ شُي سُشُمَ، نَ رَبَقٍ نْمَ قِندِدٍ سْونّيَ رَ وٌ بِرِن بّ، بْحّسَ قَ لُ حَمَ بّ عٍ شْنيِ. 24مُنسَ نَشَ عَ بِتَنيِ شُي سُشُ، عَ بِرِن نَشَ رَبَ عَلْ عَ قَلَشِ كِ نَشّ. 25مُنسَ نَشَ مِشِ كّندّيٍ سُفَندِ عِسِرَيِلَكَيٍ يَ مَ، عَ قَ عٍ دْشْ حَمَ شُن نَ شُنلَندٍ كِ مَ، مِشِ وُلُ كٍرٍن شُن مَ، مِشِ كّمّ شُن مَ، مِشِ تٌنفٌ سُولِ شُن مَ، نُن مِشِ قُ شُن مَ. 26عٍ نُ كِيتِسَ وَلِ رَبَ تّمُي بِرِن، قٌ كِيتِ شْرْشْي عٍ نٍيٍ نَن مَسٍنمَ مُنسَ بّ. 27نَ تّمُي مُنسَ نَشَ عَ بِتَنيِ بّحِن. يٍتِرٌ نَشَ فبِلٍن عَ شَ بْشِ مَ.