عَلَ شَ فُندٌ مَكّنّنقٍ
1نَ نَن عَ تٌشِ، ﭑ عَلَ مَشَندِ مَ وٌ بّ، ﭑ تَن ثْلُ، نَشَن بَرَ قِندِ فٍيلِمَنِ رَ عَلَ شَ مِشِ سُفَندِشِ عِسَ بّ وٌ شَ قٍ رَ، وٌ تَن نَشٍيٍ مُ قِندِشِ عِسِرَيِلَكَيٍ رَ. 2ﭑ لَشِ عَ رَ، وٌ بَرَ عَ مّ عَلَ نَشَ عَ شَ هِننّ تَشُ ﭑ نَ ﭑ شَ عَ مَسٍن وٌ بّ. 3ﭑ حَن بَرَ عَ ندٍ تَفِ رَبَ، عَلَ بَرَ عَ شَ فُندٌ مَسٍن ﭑ بّ نَشَن سِنفٍ نُ نْشُنشِ. 4وٌ نَ ﭑ مَ سّبّلِ شَرَن، وٌ نْمَ نّ عَ كٌلٌندٍ عَ قَهَامُي بَرَ قِ ﭑ مَ عَلَ شَ مِشِ سُفَندِشِ فُندٌ شَ قٍ رَ. 5يِ فُندٌ مُ نُ مَكّنّنشِ عَ سِنفٍ رَ نُ عَدَ مَدِيٍ بّ عَلْ عَ قَ مَكّنّنشِ عَلَ شَ شّيرَ سّنِيّنشِيٍ نُن نَمِحْنمّيٍ بّ كِ نَشّ تٌ عَلَ شَشِلِ سّنِيّنشِ سَابُي رَ. 6عَ بَرَ مَكّنّن قَ، عَ سِ فبّتّيٍ نُن عِسِرَيِلَكَيٍ بَرَ قِندِ حَمَ كٍرٍن نَ. عٍ بَرَ قِندِ كّ كٍرٍن تٌنفٌمَيٍ رَ. عَلَ لَايِدِ كٍرٍن نَن تٌنفٌشِ عٍ بِرِن نَلَنشِ بّ، عَلَ شَ مِشِ سُفَندِشِ عِسَ شَ شِبَارُ قَنيِ سَابُي رَ.
7عَلَ تٌ هِننّشِ ﭑ نَ عَ سّنبّ بِرِن نَ، ﭑ قَن بَرَ قِندِ يِ شِبَارُ قَنيِ شَ وَلِكّ رَ. 8هَلِ ﭑ تٌ شُرُنشِ دَنفِ سّنِيّنتْي بِرِن نَ، عَلَ بَرَ هِننّ ﭑ نَ. عَ شَ هِننّ قِندِشِ ﭑ بّ يِ نَن نَ؛ ﭑ تَن شَ سِ بِرِن كَوَندِ عَلَ شَ مِشِ سُفَندِشِ شَ شِبَارُ قَنيِ مَكَابَشِ رَ، 9ﭑ شَ عَلَ فُندٌ مَكّنّن عَدَ مَدِيٍ بِرِن بّ، نَشَن نُ نْشُنشِ عَلَ دَالِ مَنفّ يِ رَ. كَقِ قٍ قْلْ قْلّ يِ فُندٌ نُ نْشُنشِ عَلَ يِ، 10كْنْ يَكْسِ، عَ سَفٌ نَ عَ رَ دَنشَنِيَتْي حَمَ شَ عَ شَ لْننِ بِرِن مَكّنّن مَنفّيٍ نُن نْلَيٍ بّ نَشٍيٍ نَ كُيٍ مَ. 11يِ بِرِن قِندِشِ عَلَ شَ نَتّ نَن نَ نَشَن نُ نَ عَ يِ رَ عَبَدَن. عَ عَ بِرِن نَكَمَلِشِ وٌن مَرِفِ عِسَ نَن سَابُي رَ، عَ شَ مِشِ سُفَندِشِ. 12عَ تَن سَابُي رَ، وٌن تٌ دَنشَنِيَشِ عَ مَ، وٌن نْمَ وٌن مَكْرّدٍ عَلَ رَ لِمَنِيَ كُي، سِيكّ شَنبِ. 13نَ كُي، ﭑ بَرَ وٌ مَشَندِ لِمَنِيَ نَشَ بَ وٌ يِ ﭑ مَ تْورّ كُي وٌ شَ قٍ رَ، بَرِ مَ عَ قِندِ مَ وٌ بّ شُننَكٍلِ نَن نَ.
14نَ نَن عَ تٌشِ، ﭑ نَن ﭑ شِنبِ سِنمَ بَبَ عَلَ يَ عِ، 15بْنسْي بِرِن قَتَنشِ نَشَن نَ، نَشٍيٍ نَ كٌورٍ نُن بْشِ. 16ﭑ عَ مَشَندِ مَ عَ شَ وٌ مَلِ عَ شَ نْرّ مَكَابَشِ سَابُي رَ، عَ شَ وٌ بْحّ سّنبّ سٌ عَ شَشِلِ سَابُي رَ. 17ﭑ عَ مَشَندِ مَ عَ شَ مِشِ سُفَندِشِ شَ سَبَتِ وٌ بْحّ عِ دَنشَنِيَ سَابُي رَ، وٌ مَن شَ سَبَتِ شَنُنتٍيَ كُي. وٌ شَ شَنُنتٍيَ سُشُ عَلْ وُرِ بِلِ سَنكٍ بْشِ سُشُشِ كِ نَشّ. 18ﭑ عَ مَشَندِ مَ عَ شَ سّنبّ قِ وٌ مَ، عَلَكٌ وٌ نُن سّنِيّنتْي بِرِن شَ نْ عَلَ شَ مِشِ سُفَندِشِ شَ شَنُنتٍيَ فبٌيَ، عَ كُيّيَ، عَ عِتٍيَ، نُن عَ تِلِنيِ كٌلٌندٍ وٌ مَبِرِ. 19وٌ شَ كٌلٌن سْتْ عَ مَ عَلَ شَ مِشِ سُفَندِشِ وٌ شَنُشِ كِ نَشّ، شَنُنتٍيَ نَشَن مُ نْمَ قَهَامُدٍ عَ فبٌيَ شَ قٍ رَ، عَلَكٌ عَلَ شَ وٌ رَكَمَلِ عَ شَ قٍ كَمَلِشِ بِرِن نَ.
20مَتْشْي نَ عَلَ بّ نَشَن نْمَ قٍ بِرِن نَ عَ سّنبّ سَابُي رَ عَ نَشَن قِشِ وٌ مَ، نَشَن نْمَ قٍ بِرِن نَ، دَنفِ وٌن مَ مَشَندِ نُن مَحْشُنيِ رَ 21مَتْشْي نَ عَ تَن نَن بّ دَنشَنِيَتْي حَمَ نُن عَ شَ مِشِ سُفَندِشِ عِسَ سَابُي رَ وَشَتِ بِرِن، عَبَدَن. عَمِنَ.