1كٌنيِ مَرِفِيٍ، وٌ شَ وٌ شَ كٌنيِيٍ مَسُشُ تِنشِنيِ رَ، بَرِ مَ كٌنيِ نَن وٌ قَن نَ. وٌ مَرِفِ نَ كٌورٍ مَ.
مَرَ سِ دْنشْي
2وٌ شَ عَلَ مَشَندِ تّمُي بِرِن. وٌ شَ وٌ يّتّ مَتٌ، وٌ شَ عَلَ تَنتُ. 3وٌ عَلَ مَشَندِ مُشُ قَن بّ. عَلَ شَ سْونّيَ رَبَ وٌن مَ كَوَندِ كُي، عَلَكٌ ﭑ شَ عَلَ شَ مِشِ سُفَندِشِ شَ فُندٌ مَسٍن بِرِن بّ. ﭑ سَشِ فٍيلِ نَ قٍ نَن مَ. 4وٌ عَلَ مَشَندِ ﭑ بّ عَلَكٌ ﭑ شَ نَ قَلَ عَ قَنيِ رَ، عَ شَ قِيشّ قْين، عَلْ عَ لَنمَ ﭑ شَ عَ رَبَ كِ نَشّ.
5وٌ شَ وٌ حّرّ شَشِلِمَيَ رَ دَنشَنِيَتَرٍيٍ يَ تٌدٍ رَ. وٌ شَ نَ رَبَ سِننَنيِ مَ عَ رَبَ وَشَتِ. 6وٌ شَ مَسٍنيِ قَنيِ تِ مِشِيٍ بّ، نَشَن قَن. كُرِ سٌ تّمُي، قْشّ سَمَ نّ بَندٍ، عَلَكٌ عَ شَ حْشُن. وٌ قَن شَ قَتَ مِشِ بِرِن يَابِدٍ وْيّنيِ رَ نَشَن قَن.
شّيبُي دْنشْي
7ﭑ نفَشَكٍرٍنيِ تِكِكٍ قِندِشِ ﭑ شَنُنتٍنيِ نَن نَ نَشَن بَرَ ﭑ مَلِ عَ قَنيِ رَ مَرِفِ شَ وَلِ شَ قٍ رَ. عَ قَمَ ﭑ مَ قٍ بِرِن تَفِ رَبَدٍ وٌ بّ. 8ﭑ عَ شّيشِ نّ وٌ مَ عَلَكٌ عَ شَ مُشُ شَ قٍ تَفِ رَبَ وٌ بّ، عَ مَن شَ وٌ رَلِمَنِيَ. 9ﭑ مَن بَرَ ﭑ نفَشَكٍرٍنيِ تِنشِنشِ، ﭑ شَنُنتٍنيِ عٌنٍسِمٌ كْلْسِكَ شّي عَ شَ تِكِكٍ مَتِ. عٍ قِرِنيِ قَمَ ﭑ مَ قٍ بِرِن دّنتّفّ سَدٍ وٌ بّ.
10عَرِ سِتَرَكِ، مُشُ نُن نَشَن نَ فٍيلِ، عَ وٌ شّيبُ. بَرَنَبَسِ دّيشْ مَرَكِ قَن وٌ شّيبُ. وٌ بَرَ مَرَ سِ سْتْ مَرَكِ شَ قٍ مَ. شَ عَ قَ وٌ شْنيِ، وٌ شَ عَ رَ سّنّ عَ قَنيِ رَ. 11يٍسُ، نَشَن شِلِ قَلَمَ يُسُتُ، عَ قَن وٌ شّيبُ. يُوِقِ دَنشَنِيَتْي حَمَ بِرِن يَ مَ، يِ مِشِ سَشَنيِ فبَنسَن نَن ﭑ مَلِشِ عَلَ شَ مَنفّيَ نِينِ وَلِ رَبَدٍ. عٍ بَرَ لِمَنِيَ قِ ﭑ مَ.
12عٍثَقِرَ سِ، نَشَن قِندِشِ وٌ شْنيِكَ رَ، عَ وٌ شّيبُ. عَلَ شَ مِشِ سُفَندِشِ عِسَ شَ وَلِكّ نَن عَ رَ. عَ عَلَ مَشَندِ مَ وٌ بّ تّمُي بِرِن عَلَكٌ وٌ شَ دَنشَنِيَ شَ سَبَتِ، وٌ شَ عَلَ وَشْنقٍ كٌلٌن، وٌ مَن شَ عَ رَبَ. 13عَ وَلِ فبٍفبٍ رَبَمَ وٌ بّ، وٌ تَن دَنشَنِيَتْي نَشٍيٍ نَ كْلْسِ، لَيٌدِ سٍيَ، نُن هِيٍرَثٌلِ. ﭑ نَ عَ سٍيدٍ رَ. 14لُكِ سٍرِبَ، مُشُ شَنُنتٍنيِ وٌ شّيبُ، عَ نُن دٍ مَسِ.
15وٌ شَ وٌن نفَشَكٍرٍنيِ لَيٌدِ سٍيَ دَنشَنِيَتْييٍ شّيبُ، نُن نِمِقَ، عَ نُن دَنشَنِيَتْي حَمَ نَشَن عٍ مَلَنمَ عَ شَ بَنشِ كُي. 16وٌ نَ فّ يِ بَتَاشّ شَرَندٍ وٌ شْنيِ، وٌ شَ عَ سٌ لَيٌدِ سٍيَ دَنشَنِيَتْييٍ قَن يِ رَ، عٍ شَ عَ شَرَن. وٌ تَن قَن، وٌ شَ بَتَاشّ شَرَن ﭑ نَشَن نَسَنبَشِ لَيٌدِ سٍيَكَيٍ مَ. 17وٌ شَ عَ قَلَ عَرِكِثٍ بّ، «قّنتّن عِ شَ وَلِ مَ، مَرِفِ نَشَن سٌشِ عِ يِ رَ عَلَكٌ عِ شَ نَ رَبَ عَ قَنيِ رَ.»
18شّيبُي نَن يِ كِ، ﭑ تَن ثْلُ نَشَن سّبّشِ وٌ مَ ﭑ يّتّ بّلّشّ رَ. وٌ شَ رَتُ عَ مَ ﭑ نَ فٍيلِ نَن كُي يِ كِ. عَلَ شَ هِننّ وٌ بِرِن نَ.