يٍهٌسَقَتِ نُن عَشَبِ
عِسِرَيِلَ مَنفّيٍ عِ ٢٢؛١ ٬ ٢٨
1يٍهٌسَقَتِ نَشَ بَننَيَ نُن بِنيّ فبٍفبٍ سْتْ. عَ نَشَ سَاتّ شِرِ عٍ نُن عِسِرَيِلَ مَنفّ عَشَبِ تَفِ قُتِ ندٍ سَابُي رَ. 2حّ ندٍيٍ تٌ دَنفِ، عَ نَشَ سِفَ عَشَبِ يِرٍ سَمَرِ. عَشَبِ نَشَ شُرُ سٍ لَنمَيٍ نُن عَ شُنفبٍ فبٍفبٍ بَ سّرّشّ رَ عَ بّ نُن عَ شَ مِشِيٍ بّ. عَ نَشَ عَ مَشَندِ عَ شَ بِرَ عَ قْشْ رَ سِفَقٍ رَ رَ مٌتِ فٍرٍدٍ فَلَدِ بْشِ مَ. 3عِسِرَيِلَ مَنفّ عَشَبِ نَشَ عَ قَلَ يُدَيَ مَنفّ يٍهٌسَقَتِ بّ، «وٌن بِرِن نَ عَ رَ سِفَقٍ رَ رَ مٌتِ فَلَدِ بْشِ مَ؟» يٍهٌسَقَتِ نَشَ عَ يَابِ، «عِيٌ، عِ تَن يٌ ﭑ تَن يٌ، وٌن بِرِن كٍرٍن. وٌن مَ حَمَيٍ قَن بِرِن كٍرٍن. وٌن بِرِن نَن سِفَمَ فٍرٍ سٌدٍ.»
4يٍهٌسَقَتِ نَشَ عَ قَلَ عِسِرَيِلَ مَنفّ بّ، «يَكْسِ ﭑ بَرَ عِ مَشَندِ، وٌن شَ عَلَتَلَ سَفٌي قٍن يِ قٍ كُي.» 5عِسِرَيِلَ مَنفّ نَشَ نَمِحْنمّ كّمّ نَانِ مَلَن، عَ عٍ مَشْرِن، «عَ عَ لَنمَ كَ عَ مُ لَنمَ وٌن شَ سِفَ رَ مٌتِ فٍرٍدٍ فَلَدِ بْشِ مَ؟» عٍ نَشَ عَ يَابِ، «وٌ تٍ، عَلَ قَمَ عٍ سَدٍ عِ سَفٌي مَنفّ.» 6كْنْ يٍهٌسَقَتِ نَشَ مَنفّ مَشْرِن، «عَلَتَلَ شَ نَمِحْنمّ ندٍ مُ نَ بٍ، وٌن نْمَ نَشَن مَشْرِندٍ؟» 7عِسِرَيِلَ مَنفّ نَشَ يٍهٌسَقَتِ يَابِ، «شّمّ كٍرٍن ثٍتِ نَن بٍ، وٌن نْمَ عَلَتَلَ مَشْرِندٍ نَشَن سَابُي رَ، كْنْ عَ مُ رَقَن ﭑ مَ، بَرِ مَ عَ فبَلٌي قٍ نَن فبَنسَن قَلَمَ ﭑ مَ قٍ رَ. عَ مُ شُن نَكٍلِ قٍ يٌ قَلَمَ ﭑ بّ. عَ شِلِ مِكٍ. يِمِلَ شَ دِ نَ عَ رَ.» يٍهٌسَقَتِ نَشَ عَ قَلَ، «عَ مُ لَنمَ مَنفّ شَ يِ وْيّن مْولِ قَلَ.» 8نَ كُي، عِسِرَيِلَ مَنفّ نَشَ عَ شَ بَتُلَ كٍرٍن شِلِ، عَ عَ قَلَ عَ بّ، «قَ يِمِلَ شَ دِ مِكٍ رَ ﭑ بّ كٍرٍن نَ.»
9عِسِرَيِلَ مَنفّ نُن يُدَيَ مَنفّ يٍهٌسَقَتِ نُ دْشْشِ عٍ شَ كِبَنيِيٍ كُي، مَنفّ دٌنمَيٍ رَفٌرٌشِ عٍ مَ. عٍ نُ نَ لٌنيِ مَ، سَمَرِ تَا سٌدٍ دّ رَ. نَمِحْنمّيٍ نُ نَ عٍ شَ مَسٍنيِيٍ تِقٍ عٍ بّ. 10كٍنَانَ شَ دِ سٍدٍكِيَ نُ بَرَ قٍرِ وُرٍ دَاشِيٍ يَءِلَن، عَ قَ عَ قَلَ مَنفّيٍ بّ، «عَلَتَلَ شَ مَسٍنيِ نَن يَ؛ وٌ سِرِيَكَيٍ بْنبْمَ يِ قٍرِيٍ نَن نَ هَن عٍ سْنتْ.» 11نَمِحْنمّ بِرِن نُ نَ مَسٍنيِ مْولِ نَن قَلَمَ عٍ بّ. عٍ نَشَ عَ قَلَ، «وٌ تٍ رَ مٌتِ فَلَدِ بْشِ مَ. وٌ شُن نَكٍلِ نَن سْتْمَ، عَلَتَلَ قَمَ عٍ سَدٍ مَنفّ سَفٌي.»
12شّيرَ نَشَن سِفَ مِكٍ شِلِدٍ، نَ نَشَ عَ قَلَ عَ بّ، «عِ بَرَ عَ تٌ، نَمِحْنمّ بِرِن بَرَ لَن عٍ شَ قٍ قَنيِ قَلَ مَنفّ بّ. عِ قَن شَ كَتَ، وٌ شُي شَ لُ كٍرٍن، عِ شَ قٍ قَنيِ قَلَ عَ بّ.» 13مِكٍ نَشَ عَ قَلَ، «عَلَتَلَ حِحّ نَ عَ رَ. ﭑ مَرِفِ عَلَتَلَ نَ نَشَن يٌ مَسٍن، ﭑ نَ نَن قَلَمَ.» 14عَ تٌ مَنفّ يِرٍ لِ، مَنفّ نَشَ عَ قَلَ عَ بّ، «مِكٍ، عَ لَنمَ كَ عَ مُ لَنمَ مُشُ شَ سِفَ فٍرٍ سٌدٍ رَ مٌتِ فَلَدِ بْشِ مَ؟» مِكٍ نَشَ عَ يَابِ، «وٌ تٍ، وٌ شُن نَكٍلِ نَن سْتْمَ. عَلَتَلَ قَمَ عٍ سَدٍ وٌ سَفٌي.» 15كْنْ مَنفّ نَشَ فبِلٍن عَ قَلَ رَ عَ بّ، «ﭑ حَن بَرَ عَ قَلَ عِ بّ سَنيَ وُيَشِ، عِ شَ عِ كَلِ نْندِ يَتِ نَن قَلَقٍ رَ ﭑ بّ عَلَتَلَ شِلِ رَ.» 16مِكٍ نَشَ عَ يَابِ،
«ﭑ بَرَ عِسِرَيِلَ بِرِن تٌ
يٍنسٍنشِ فٍيَيٍ قَرِ،
عَلْ شُرُ سٍ رَبّحِنشِيٍ.
عَلَتَلَ شَ مَسٍنيِ نَن يَ؛
مَرِفِ مُ نَ يِ حَمَ بّ.
كَنكَن شَ فبِلٍن عَ شْنيِ بْحّسَ كُي.»
17عِسِرَيِلَ مَنفّ نَشَ عَ قَلَ يٍهٌسَقَتِ بّ، «ﭑ مُ عَ قَلَ شّ عِ بّ، عَ مُ نْمَ قٍ قَنيِ مَسٍندٍ ﭑ مَ قٍ رَ، قٌ عَ حَاشِ تُن؟» 18نَ تّمُي مِكٍ نَشَ عَ قَلَ، «يَكْسِ، وٌ وٌ تُلِ مَتِ عَلَتَلَ شَ مَسٍنيِ رَ. ﭑ بَرَ عَلَتَلَ تٌ عَ شَ كِبَنيِ كُي، عَ شَ مَلٍكّ فَلِ نُ تِشِ عَ يِرٍقَنيِ نُن عَ كْولَ مَ. 19عَلَتَلَ نَشَ عَ قَلَ، ‹ندٍ وَ مَ سِفَقٍ شَشِلِ كٌبِ رَ سٌدٍ عِسِرَيِلَ مَنفّ عَشَبِ شُنيِ، عَ شَ سَ رَ مٌتِ فٍرٍ فَلَدِ بْشِ مَ عَلَكٌ عَ شَ قَشَ؟› ندٍ نَشَ عَ يَابِ شَشِلِ ندٍ رَ، ندٍ قَن نَشَ عَ يَابِ شَشِلِ فبّتّ رَ. 20نَ كُي حِننّ ندٍ نَشَ مِنِ، عَ تِ عَلَتَلَ يَ عِ، عَ عَ قَلَ، ‹ﭑ تَن نْمَ نّ عَ رَ.› عَلَتَلَ نَشَ عَ مَشْرِن، ‹دِ؟› 21عَ نَشَ عَ يَابِ، ‹ﭑ سِفَمَ نّ، ﭑ قَ وُلٍ قَلَ مَنفّ بّ عَ شَ نَمِحْنمّيٍ سَابُي رَ.› عَلَتَلَ نَشَ عَ قَلَ عَ بّ، ‹عَ مَدَشُ كِ نَن نَ كِ. سِفَ، عِ شَ سَ نَ رَبَ.› 22يَكْسِ، عَلَتَلَ بَرَ وُلٍ سَ عِ شَ نَمِحْنمّيٍ دّءِ. عَلَ بَرَ نَتّ حَاشِ تٌنفٌ عِ شَ قٍ رَ.»
23نَ تّمُي، كٍنَانَ شَ دِ سٍدٍكِيَ نَشَ عَ مَسٌ، عَ مِكٍ دّ رَفَرِن، عَ قَ عَ قَلَ، «عَلَتَلَ شَشِلِ مِنِشِ كِرَ مُندُن نَ ﭑ مَ ﭑ شَ وْيّن عِ بّ؟» 24مِكٍ نَشَ عَ يَابِ، «عِ قَمَ عَ تٌدٍ عَ قَنيِ رَ، عِ نَ سٌ عِ نْشُنقٍ بَنشِيٍ كُي تّمُي نَشّ.» 25عِسِرَيِلَ مَنفّ نَشَ عَ قَلَ، «وٌ مِكٍ تٌنفٌ، وٌ سَ عَ تَشُ تَا شُنيِ عَمٌن، نُن مَنفّ شَ دِ يٌوَ سِ رَ. 26وٌ شَ عَ قَلَ، ‹مَنفّ نَشّ وٌ شَ يِ شّمّ سَ فٍيلِ. وٌ نَشَ دٌنسٍ يٌ سٌ عَ يِ رَ قٌ تَامِ شُنتُنيِيٍ نُن يٍ هَن ﭑ فبِلٍنمَ تّمُي نَشّ شَشِلِسَ كُي.›» 27مِكٍ نَشَ عَ قَلَ، «شَ عِ فبِلٍن شَشِلِسَ كُي، عَلَتَلَ مُ مَسٍنيِ يٌ تِشِ ﭑ بّ.» عَ مَن نَشَ عَ قَلَ، «حَمَيٍ، وٌ ﭑ شُي سُشُ.»
28عِسِرَيِلَ مَنفّ نُن يُدَيَ مَنفّ يٍهٌسَقَتِ نَشَ تٍ رَ مٌتِ فَلَدِ بْشِ فٍرٍدٍ. 29عِسِرَيِلَ مَنفّ نَشَ عَ قَلَ يٍهٌسَقَتِ بّ، «ﭑ نَ سٌ فٍرٍ كُي، ﭑ دٌنمَ فبّتّ رَفٌرٌ مَ نّ ﭑ مَ، كْنْ عِ تَن شَ مَنفّ دٌنمَيٍ رَفٌرٌ عِ مَ.» عِسِرَيِلَ مَنفّ نَشَ دٌنمَ فبّتّ رَفٌرٌ عَ مَ، عٍ قَ سِفَ فٍرٍ سٌدٍ. 30سِرِيَ مَنفّ نُ بَرَ سْورِ رَفِسٍ شُنيِيٍ يَامَرِ، «وٌ نَشَ سْورِ لَنمَ نُن عَ شُنفبٍ يٌ فٍرٍ بَقٍ عِسِرَيِلَ مَنفّ رَ.»
31سْورِ رَفِسٍ شُنيِيٍ تٌ يٍهٌسَقَتِ تٌ، عٍ نَشَ عَ قَلَ، «عِسِرَيِلَ مَنفّ نَن نَ كِ.» عٍ نَشَ عَ رَبِلِن عَ فٍرٍ كِ مَ. يٍهٌسَقَتِ نَشَ عَلَ مَشَندِ، عَلَتَلَ قَ عَ دّ مّن. عَلَ نَشَ عٍ مَكُيَ عَ رَ. 32سْورِ رَفِسٍ شُنيِيٍ تٌ عَ تٌ عِسِرَيِلَ مَنفّ مُ عَ رَ، عٍ نَشَ فبِلٍن عَ قْشْ رَ. 33نَ تّمُي سْورِ ندٍ نَشَ شَلِ وٌلِ، نَ شَلِ نَشَ سَ عَ عِلَن عِسِرَيِلَ مَنفّ عَشَبِ رَ، عَ عَ سْشْ عَ كَنكٍ فبُلِ مَ عَ شَ وُرٍ دٌنمَ دّ قِرِنيِيٍ تَفِ. مَنفّ نَشَ سْورِ رَفِسٍ رَحّرّ مَ يَامَرِ، «فبِلٍن شَنبِ، وٌن شَ مِنِ يِ فٍرٍ كُي. ﭑ بَرَ مَشْنْ.» 34فٍرٍ نَشَ شْرْشْ نَ لْشْي بِرِن. عِسِرَيِلَ مَنفّ نَشَ عَ كِلْن عَ شَ سْورِ رَفِسٍ رَ سِرِيَكَيٍ يَ عِ هَن نُنمَرٍ. عَ نَشَ قَشَ سٌفٍ دُلَ تّمُي.